1 Aminao ao, lahy Yaveh, ro hialofako; ka enganao ho menatsy mihintsy zaho. 2 Vonjeo zaho sady enganie hipetraky tsy ho marikariky amy ty ha to`nao; ahorirano amiko ty sofinao le afaho zaho. 3 Metea ho lafiam-bato fialofa ho ty ahy soa mba ahaizako mandeha; fa nanome baiko hanafaky ahy Iha, fa Iha ty lafiam-bato noho batery fiarova ho ty ahy. 4 Vonjeo zaho, lahy Njanahary, amy ty tana ty raty fanahy, amy ty tana ty tsy to`noho loza lako. 5 Fa iha ro antenako, lahy Tompo yaveh. fa nitama anao avao zaho tamy zaho mbo ni-aja. 6 Nankina taminao zaho liany baka an-troky any;Iha ro ie nangalaky ahy baka an-troky ty reniko ao; ho amiano avao ty fanompoako. 7 Fitaratsy ho ahy ty olo lako zaho; Iha ro vatany fialofako. 8 Ho atsiky ty fanompoa nao ty vavako, ty tontolon'andro amy ty vonunahitsinao. 9 Ka manary ahy amy ty fahantera; ka mahafoa ahy lafa kivy ty heriko. 10 Fa mivola ty momba ahy fahavaloko reo; reo ze mitinga ty aiko miharo hevitsy raty. 11 Hoasan-drozy: "Nahafoy azy Njanahary; hindigno ie sady alao, fa tsy misy olo hanavotsy azy." 12 Njanahary lahy, ka manalavitsy ahy; Njanahary lahy, malaky hanavotsy ahy. 13 Engaho ndrozy ho menatsy noho ho rava, reo ze atriky fankahala amy ty fiainako; engaho ndrozy ho atriky sotraky noho ty fahafaham-baraka, reo ze mila ty fahavoazako. 14 Fa le zaho avao mitama Anao sanadro sady hanompo Anao avao. 15 Ty vavako hivola mikasiky ty ha to nao noho ty famonjeanao ntontolon'andro, ndra tsy takatso aza zay. 16 Ho avy zaho amy reo asa ty tompo Yaveh;hivola ty ha to nao zaho, ty Ahinao raiky. 17 Njanahary lahy, fa nampiantsy ahy Iha zisiky fahatorako; zisiky zao aza le mivola asanao mahatseriky reo zaho. 18 Eka vatany fa ndra antitsy noho foty volo aza zaho,Nja nahary lahy,le ka magnalino ahy, safe fa nampaihay ty herinao tamy ty tariky doria zaho,ty fahefanao tamy ze ho avy aiby. 19 Ty hato anao avao koa, Njanahary o, le vatany anabo; Iha ze nanao ty raha bevata, Njanahary o, ia ty manahaky anao? 20 Iha ty manatoro anay ty fijalea mare biby lako ro hamelo anay noho hanondrotsy any baka amy ty tany laliky ndraiky. 21 Hanampy ty voninahitsinao lahy Iha; mitoliha ndraiky le ampaherezo zaho. 22 Hanesy fiasaora ho ahinao koa zaho amy ty lokanga mikasiky ty fahasoavam-pitokisa anao, ry Njanahariko; ho Tiahinao ro hihirako fanompoa amy ty lokanga, ry Azy Masy ty Israely. 23 Hanompo ty soniko lafa mihira fanompoa ho Ahinao zaho- ndra ty fanahikoa aza, ze fa novonjeanao. 24 Hivola ty mikasiky ty ha to-nao sanandro lava ty lelako; fa nomenarindrozy sady very hevitsy ,reo ze mitalia ty fahavoazako.