Toko faha 72

1 Salamo nanovy Salomona. Omeo ty mpanjaka rey lala`nao to, Njanahary e,ty ha-to-nao ho tiahy anak'ilahy ty mpanjaka. 2 Hitsara ty olo amy ty ha-to lahy e ie sady ty mijalinao amy ty fahitia. 3 Hamoa fiadana ho tiahy olo lahy reo vohitsy; hamoa ha-to lahy vohitsy reo . 4 Hitsara ty mijaly amy ty olo lahy ie; hanafaky reo anaky ty mijaly lahy ie le handrava ty mpanerisery. 5 Hanome voninahitsy anao lahy ndrozy laha mbo eo avao ty mahasoandro, sady laha mbo maharitsy koa ty vola heniky ty tariky hisolo iaby. 6 Hilatsaky manahaky ty ora amy ty akata notampahy lahy ie, manahaky ty ora latsaky ze manondraky ty tany . 7 Hamoa amy ty fotoany lahy ty olo -to, sady hisy fidana bevata lahy zisiky tsy hampisy ty vola. 8 Ie lahy ro hana fanapaha amy ty riaky handeha amy ty riaky. 9 Handohaliky anatrehany eo lahy reo mipetraky any amy ty tany lavitsy; hileleky lemboky lahy fahavalony rey. 10 Mpanjaka ty Tarsisy rey noho ty tiahireo nosy lahy handoa haba; mpanjaka i Sheba noho Seba lahy hanolotsy fanomeza. 11 Le hiravoky alohany eo vatany lahy mpanjaka reo iaby; le hanompo azy lahy ty firenena iaby. 12 Fa nanavotsy ty olo mijaly ze mitoreo noho ty olo mijaly ze tsy mana mpanavotsy hafa ie. 13 Mamalo fo amy ty mijaly noho ty sahira ie, sady manavotsy ty ay ty olo mijaly. 14 Manonjy ty ain-drozy amy ty fampijalea noho heriloha ie,sady sarotsy amy ty masony ty lion-drozy. 15 Ho tsanaky lahy ie! Hamoa Azy lahy ty volamena sheba. Hivavaky ho tiah avao ty olo; hitahy azy sady sanandro lahy Njanahary. 16 Ho lako ty vokatsy ty vary amy ty tany lahy; amy ty anabo ty vohitsy lahy h hisy fambolean-drozy. Manahaky ty ahy Libanona lahy ty vokatsy zay; hamoa manahaky akata ty baiboho lahy ty olo an tana` ao. 17 Haharitsy zisiky amparany lahy ty anarany; haharitsy manahaky ty mahasoandro lahy ty anarany; ho tahia aminy ao lahy ty olo; hikaiky aazy hoe sambatsy ty finenena iaby. 18 Isaora lahy Yaveh Njanahary, azy Njanahary Isaraely ze Ie raiky avao ty nanao raha mahatseriky. 19 Isaora mandrakizay lahy ty anara ty be voninahitsy, sady le ho atsiky ty vonahitsiny lahy ty kila tany iaby. Amen le Amen. 20 Tampitsy ty vavaky Davida anaky lahy i Jese. fahatelo ty boky