1 Ho ahy ty mpihira. Salamo nanovy Davida; mba handay ho amy ty fahatiarova. 2 Vonjeo zaho,lahy Njanahary! Yaveh o, miavia malaky le afaho zaho. Enganie reo ze mikinia ty aiko ho menatsy sady ho afa-baraky; enganie ndrozy rey henga`noho ho avy amy ty fahafam-baraka, rey ze manitsa amy ty faharariako. 3 Engaho ndrozy henga amy ty henatsin-drozy, reo mivola hozao: '' Aha, aha." 4 Enganie ze mila Anao iaby ho hazoto noho ho falifaly aminao ao; enganie ze tea ty famonjeanao hivola zisiky amparany hoe: "Hotompoa lahy Njanahary." 5 Fe mijaly sy mahantra zaho; malaky amiko, Njanahary lahy; Iha ro vonjy ho tiahy sady mnavots ahy. Yaveh lahy, ka ela.