1 Fihira fanganiha. Engaho hivola hozao Israely: 2 "Baka amy ty fahatanorako le tsikanikany ndrozy manafiky ahy , fe tsy maharesy ahy ndrozy. 3 Nihaliandrozy mpihaly rey ty lambosiko; nalavandrozy ty toera niasany. 4 To Yaveh; nanapaky ty taly ty raty rey Ie." 5 Enganie hafahy baraka iaby ndrozy sady himpoly, le azy malay an'i Ziona rey. 6 Hanahaky ty lanitsy anabo ty trano ze halazo aloha ty hitomboan'zay lahy ndrozy, 7 ze tsy afaky manatsiky ty tana ty mpanapaky ndra ty tratra ty miamby ty vokatsy. enganie azy mandrio rey tsy hivola hozao: 8 "Enganie ho aminao ty tsipirano ahy Yaveh; mitsipy rano anao amy anara Yaveh zahay."