1 Fihirana fanganiha. Tamy ty halaliky zaho ro nikaiky Anao, lahy Yaveh. 2 Tompo o, jajino ty feoko; tokony janjininao soa ty fangatahako fandefera ty sofinao. 3 Laha mieritseritsy ty hadisoa Iha, lahy Yaveh, le ia va ro hahatsanga, lahy Tompo? 4 Fa misy fanenga ty miaraky Aminao, mba ho haja Iha. 5 Miamby an'Yaveh zaho, miamby ty fanahiko, sady mitama amy ty safanao eo zaho. 6 Miamby an'i Tompo mandilatsy ty mpiamby miamby ty maray ty fanahiko. 7 Ry Israely, tamano Yaveh mpandefitsy Yaveh, sady le vatany vono hanenga Ie. 8 Ie ro hanavotsy an'Israely amy ty fahadisoa iaby.