1 Fihira fanganiha. Sambatsy iaby ty manome voninahitsy an'Yaveh, ze mandeha amy ty lalany. 2 Ze amea ty tananao, le teakanao; ho sambatsy noho harova iha. 3 anahaky ty voaloboky mamokatsy an-tranonao ao ty valinao; hanahaky ty anaky oliva anakinao rey laha mipetraky mihodidy ty labonao ndrozy. 4 Eka ho sambatsy vatany ty olo ze manome voninahitsy an;Yaveh. 5 Hitahy anao baka a Ziona any lahy Yaveh; hahita ty fitahia an'i Jerosalema zisiky amy ty andro hivelomanao iaby lahy iha. 6 Ho velo lahy iha mba hahita ty zafinao rey. Ho amy Israely lahy ty fiadana.