¹ Ary avy takeo de nitodika ary nanitra anà ôtran'ny ôla tairina amin'ny torimasony le anjely ze nikoragna taminà. ² Ozy izy taminà hoe: "Ino no hitanao?" De ozy za hoe: "Mahita fagnanôvan-jiro vita amin'ny tegna volamena za, miaraka amin'ny fitôran-jiro akeo antampony. Misy lela fagnanôvan-jiro fito akeo aminazy ary misy fantsona fito akeo an-tampon'ny lahin-jiro isanisany. ³ Misy kakazon'oliva rôy agnila'zany, ny raika de amin'ny elan'ny tagnany ankavanan'ny fitôrana menaka ary ny raika hafa de amin'ny ilany ankave." ⁴ Noho zany de nikoragna tam'le anjely ze nikoràgna taminà ndre za. Ozy za hoe: "Ino no dikan'reo ra reo Tompoko?" ⁵ Namaly anà le anjely ze nikoragna taminà ary nagnano taminà hoe: "Tsy fantatrareo ma ny dikan'reo ra reo?" De ozy za oe: "Tsia, tompoko." ⁶ Noho zany de ozy izy taminà hoe: "Zao no tenin'i Yaveh tam'Zerobabela: Tsy amin-kery na amina tanjaka, fa amin'ny fagnahiko ozy Yaveh Tompon'ny maro. ⁷ Ino ma anao, ry tendrombotra gedabe? Ho tonga tany lemaka akeo agnolonan'i zerobabela anao ary hitondra ny vato atao tendrony izy mba hiorakoraka hoe: "Fahasoavana! Fahasoavana ho am'zany!"' ⁸ Tonga taminà ny tenin'i Yaveh, magnano hoe: ⁹ "Nametraka ny fototr'ty tragno ty ny tagnan'Zarobabela ary hamita an'zany ny tagnany. De ho fantatrao fa Yaveh Tompon'ny maro no nagniraka anà hankaty aminao. ¹⁰ Iza ma no nagnano tsisy dikany ny andron'reo ra madinika reo? Hiravoravo 'reo ôla reo ary hahita ny vato pilao aigny antagnan'i Zerobabela. (Reo lahin-jiro fito reo no mason'i Yaveh ze nitazagna an'zao tontolo zao.)" ¹¹ Ary avy takeo de nagnontany an'le anjely za hoe: "Ino ma reo kakazon'oliva rôy ze mitsangana akeo an-kave sy ankavanan'ny fagnanôvan-jiro reo?" ¹² Nagnontany an'azy ndre za hoe: "Inona reo sampagna kakazon'oliva rôy ankekin'reo fantsona volamena rôy ze misy menaka volamena miraraka avy aminazy zareo?" ¹³ Avekeo de ozy izy taminà hoe: "Tsy fantatra ma hoe: ino reo?" Ozy za hoe: "Tsia, ry tompoko." ¹⁴ Noho zany de ozy izy hoe: "Reo ny zanaka vôhosotra menaka vaovao ze mitsagana magnolôna ny Tompon'zao tontolo daôly zao."