¹ Magnaraka an'zany de nanopy ny masoko za ary natazagna leilà niaraka amina tady fandrefesana taigny an-tagnany. ² Ozy za hoe: "Ande ho aiza anao?" De ozy izy taminà hoe: "Handrefy an'i Jerosalema, hamaritra ny sakany sy ny lavany." ³ De lasana le anjely ze nikoragna taminà ary nisy anjely hafa nivôka mba hitseza an'azy. ⁴ Ozy le anjely faharô taminazy hoe: "Miazakazaha ary miresàha amin'igny gaondahy igny, lazao hoe: 'Hipetraka akeo amin'ny tanàna mivelatra i Jerosalema nohon'ny hamarôn'ny ôla sy reo biby akao aminazy. ⁵ Fa za de ho tonga manda afo magnodidigna an'azy ary ho voninatra akeo ampovôny Za; zany no lazain'i Yaveh. ⁶ Malakilaky! malakilaky! Milefasa ka miala aigny amin'ny tany avaratra, zany no lazain'i Yaveh, fa Za efa nampiely an'nareo ôtran'ny rivotra efatry ny lagnitra Zany no lazain'i Yaveh. ⁷ Eh! milefasa mankaigny Ziona, anareo ze mipetraka miaraka amin'ny zanaka vavin'i Babylone!"' ⁸ Fa tafaran'ny nagnomezan'i Yaveh Tompon'ny maro voninatra anà sy ny nandefasany anà hanòtra an'reo firenena ze nandrava an'nareo; fa na iza na iza mikasika an'nareo de mikasika ny anakandriamason'Andriamanitra, rafa avy nagnano an'zany Yaveh de ozy Izy hoe: ⁹ "Za mintsy no hagninjitra ny tagnako amin'jareo ary de ho babo ho an'reo andevony zareo. De ho fantatrareo fa i Yaveh Tompon'ny maro no nagniraka anà. ¹⁰ "Mihirà ho amin'ny fifalena ry zanaka vavin'i Ziona, fa Za mintsy no ho tonga ka hitoby akeo aminareo zany no lazain'i Yaveh." ¹¹ Avy akeo reo firenena matanjaka de hiaraka am'i Yaveh am'zany andro zany. Ozy izy hoe: "Ary de ho tonga vahôkako anareo, fa Hitoby akeo ampovônareo Za," ary ho fantatrareo fa Yaveh Tompon'ny maro no nagnirako anà. ¹² Fa Yaveh hampandova an'i Joda araka ny tokony ho izy akaigny am'ny tany masina, ary hifidy ndre an'i Jerosalema ho an'azy. ¹³ Aza mitare, akeo agnatrn'i Yaveh ry nofo daôly fa nitsangana avy tao am'ny tôrany masina Izy!