¹ Nankaiza ny malalanao,ry tegna tsara tarehy am'veivavy? Nizotra nankaiza ny malalanao, mba hikaranay an'azy miaraka aminao? Mikoragna am'tegnany le gaombavy. ² Ny malalako de efa nidigna nankaigny am'sahany ho aigny am'farafaran-java-magnitra, mba hiraotra agny am'saha sy hitango an'reo Lilia. ³ An'ny malalako za ary anà ny malalako; hiraotra akeo am'reo lilia am-pifalena izy. Le tian'le veivavy miresaka aminazy. ⁴ Tsara tarehy salan'ny Tirza anao ry teko, maha te ho tia sala an'i Jerosalema, mampisy aingam-pagnà n'y tafika miaraka am'fanevany. ⁵ Avilio amina ny masonao, fa nanafotra anà zareo. Ny volonao de salan'nynomby aman'osy avy midina avy aigny am'reo tevagn'ny Tendrombotran'i Gileada. ⁶ Ny nifinao de salan'ny andiana omby vavy miakatra akeo am'reo tôrana fisasana. Samy magnana ny kambana aminazy tsiraikeraiaka ary tsisy banga reo. ⁷ Reo takolakao de salan'ny silak'ampongaben-dagnitra akao ambadiky ny voalinao. Le tian'le veivavy miresaka am'tegnany. ⁸ Misy mpanjakavavy enimpolo, vadikely valopolo, ary gaombavy tsy hita isa. ⁹ Ry voromelalako, ry madioko, le hany tokako; izy de vavy tokan-dreniny; izy no tegna tian'le veivavy ze niteraka an'azy; reo zanaka vavin'ny ôla ao tanànako raha natazagna an azy de nagnantso an'azy hoe sambatra; reo mpanjaka vavy sy reo vady kely kô de nahita ka nidera an'azy. Zao no lazain'ny mpanjaka vavy sy ny vady kely. ¹⁰ "Iza ma io miseho ôtran'ny magnambahamba, tsara tarehy ôtran'ny volana, mamirapiratra ôtran'ny masoandro, mampisy aingam-pagnà ôtran'ny tafika miaraka am'fanevany?" Le tian'le veivavy miresaka am'tegnany. ¹¹ Nidigna taigny am'reo ala kely misy hazom-bazana za mba hijery ny tsiry vaovao aigny an-dohasa, mba hijery raha mitsimoka reo voaloboka, ary raha namogny ny ampongabendanitra. ¹² Tegna faly za ka natsapa ôtran'ny hoe: nitikina ny kalesan'ny andrian-dahy. Ny tian'le veivavy miresaka aminazy. ¹³ Miviregna, miviregna, anao ry veivavy tonga lafatra;miviregna, miveregna mba ahafako mandinika an'nao. Le gaombavy miresaka am' le tiany. Nagnino anao no mandinika anà le veivavy tonga lafatra, salan'ny hoe mandihy akeo agnelagnelagn 'ny mpandihy rôy an-dalana za?