¹ Tonga tao an-tsahako za, ry tavako, ry le ampakariko; efa nagnangona ny mioroko sy ny zava-magnitra ze efa hihinana ny tohontinteliko ary ny tinteliko za; efa nisotro ny divaiko sy ny rononoko za. Ozy reo sakaiza mikoragna am'reo malala mihinàna; ry sakaiza, misotroa ary ôka ho mamon'ny fitiavana. Ozy le gaombavy mikoragna am'tegnany. ² Nandry za, nefa ny foko de nofô tao agnaty nofy. Zany ny feon'ny malalako mandondogna any ary magnano hoe:" voaho za ry tavako, malalako ry voromailalako, ry madioko, fa kotsan'ny ando ny lôhako, feno andron'ny Alina ny voloko." ³ "Efa hagnalà ny akanjolavoko za; de tsy maintsy hagnano an'zany ndre ma? Efa nosasako ny tongotro de tsy maintsy ho lotoviko ndre ma?" ⁴ Nampiditra ny tagnany teo am'fisokofan'ny hidim-baravaragna ny malalako, Ary nientanentana ho an'azy ny foko. ⁵ Niarigna za mba nanokatra ny varavaragna ho an'ny malalako ; nitete miora ny tagnako, nisy ranona miora ny rantsan-tanako teo am'famoaham-baravaragna. ⁶ Nanokatra ny varavaragna ho an'ny malalako za, nefa niodina ny malalako ka nande. Difitra ny foko; nanjary kivy za. Nikaraka an'azy za nefa tsy hitako izy; nagnantso an'azy za nefa tsy namaly anà Izy. ⁷ Reo mpiambina ze nande tam'tanàna nahitana anà; novono-jareo za ary noratrainy. Reo mpiambina tel am' manda nagnala ny fifadena taminà. Ozy gaombavy nikoragna tam'reo veivavy tao an-tanàna. ⁸ Zao no ataoko ho an nareo ry zanaka vavin'i jerosalema, fa raha hitanareo ny malalako de lazao an'azy fa marary noho ny fitiavako an'azy za. Ozy reo veivavy tao an-tanàna nikoragna tam're gaombavy. ⁹ Nagnino ny malalanao no tsara noho ny malalan'ny hafa, no de mangataka an'ray hagnano fianianana salan'zao anao? Ozy ré gaombavy nikoragna tam'reo veivavin'ny tanàna. ¹⁰ Ny malalako de mamiratra sady mena tsy manam-paharoa am'reo agn'aliny. ¹¹ Ny lôhany de volamena tegna tsara; ny volony de olioly sady mainty salan'ny goaka. ¹² Ny masony de salan'ny voromailala ankekin'ny rian-drano, nosasana tam'ronono, natohitohy ôtran'ny firavaka. ¹³ Reo takolany de salan'ny fandren-java-magnitra, mamokatra hagnitra mamerovero. Ny molony de Lilia, mitete miora. ¹⁴ Reo sandriny de voahodidigna volamena natao firavaka, ny kibony de ivory voarakotra safira. ¹⁵ Reo tongony de andry vita am'marba, mifototra am'volamena tsy mifangaro, ny endrigny de sala an'i Libanona, tsiriritina salan'ny sedera. ¹⁶ Ny vavany de tegna mamy, tegna matehotia izy. Zany ny malalako, ary zany ny sakaizako, ry zanaka vavin'i Jerosalema.