¹ Tsy magnantso mafy ma ny fahendrena? Tsy manandrapeo ma ny Fahazavan-tsaigna? ² Eo am'reo tampon-kavôgna ankekin'ny lalana, akao am'reo sampagnan-dalana, no hitsanganan'ny fahendrena. ³ Akeo agnolônan'reo vavahady akao am'fidirana mankaigny an-tanàna, akeo am'fidirana mankao an-tanàna, no hagnantso. ⁴ "Anareo, ry vahôka, no antsoviko; ny feoko de ho an'reo zanak'olombelona. ⁵ Anareo ze bado, mianara fahendrena; ary anareo ze adala, manàgna fahazavan-tsaigna anareo. ⁶ Tandrigneso, satria miresaka reo ra mendri-kaja za, ary rafa misokatra ny molotro de hilaza ra marina za. ⁷ Fa ny vavako milaza ze mendri-pitokisana, ary ny faharatsena mamparikoriko ny molotro. ⁸ Ny tenin'ny vavaka daôly de marina; tsy nisy miolakolaka na fitaka am'reo. ⁹ Mahitsy ho an'ny ôla ze mahatakatra an'azy ireo; ireo teniko de marina ho an'reo ze mahita fahalalana. ¹⁰ Mandraisa ny fampianarako fa tsy ny volafotsy; mandraisa fahalalana fa tsy ny volamena mifangaro. ¹¹ Fa tsara mandombolombo ny firavaka ny Fahendrena; tsisy harena mitovy aminazy. ¹² Za, fahendrena, de miara-mipetraka am'fitandremana, ary managna fahalalana sy fahamalinana. ¹³ Ny tàtra an'i Yaveh de mba hankahalana ny ratsy. Halako ny fieboeboana sy fiavognavognavonana, ny fomba ratsy, sy ny teny ratsy. Halako reo. ¹⁴ Managna torohevitra tsara sy fahendrena marina za; lalin-tsaigna za; anà ny hery. ¹⁵ Amin'ny alalako no anjakan'reo mpanjaka-reo leilà manan-kaja ihany kô, sy ny daôly ze mifehy am'fahamarinana. ¹⁶ Amin'ny alalako no anapahan'reo andrendahy, reo manan-kaja, sy ny daôly ze mifehy am'fahamarinana. ¹⁷ Téko ze té anà, ary reo ze tegna mikaraka anà, de hahita anà. ¹⁸ Akao aminà ny harena sy voninahitra, harena maharitra ary fahamarinana. ¹⁹ Ny vokatro de tsara mandombolombo ny volamena, eny na ny volamena tegna tsara aza; tsara mandombolombo ny volafotsy madio ny vokatro. ²⁰ Mande am'lalan'ny fahamarinana, ampovôn'ny lalan'reo marina za. ²¹ Vokatr'zany, de ataoko mandova harena reo ze té anà; finôko ny fitahirizan-drakitr'zareo. ²² Nahary anà i Yaveh tam'fiandohana, ny asany vôlôny tam'zany. ²³ Talô ela be de ary zà_ hatraigny am-bôlôny, hatraigny am'fiandohan'ny tany. ²⁴ Talôn'ny nisian'ny ranomasina, de teraka za_ talôn'ny nahatondraka rano an'reo lôrano. ²⁵ Talôn'ny namitrahana an'reo tanety ary talôn'reo havôgna, de teraka za. ²⁶ Efa teraka za talôn'ny naharian'Andriamanitra ny tany na ny saha, eny fa na de ny jofo vôlôny tam'zao tontolo zao aza. ²⁷ Efa teo za tam'nametraka ny lagnitra Izy, tamin'Izy nanoritra boribory taigny am'faritry ny laligna. ²⁸ Efa teo za tamin'Izy nametraka ny rôndro agnambo ary tam'namboarina reo lôrano taigny am'laligna. ²⁹ Efa teo za tamin'Izy namaritra ny fetran'ny ranomasina, ka de tsy nihôtra ny fandideny reo rano, ary tam'namaritana ny fanorenana ny tany maigna. ³⁰ Mpagnano asa tagnana tegna mahay takeo agnilanao za; za no fifaleny isan'andro isan'andro, mifaly mandrakariva tagnolônany za. ³¹ Nifaly tao am'tontolony daôly za, ary ny fifaleko de tao am'reo zanak'olombelona. ³² Am'zao fotôna zao; ry zanako, mitandrignesa anà, fa reo ze mitandrina reo lalako de ho vôtaha. ³³ Mitandrignesa ny fampianarako ka hendre; aza magnano tsinotsino an'zany. ³⁴ Ze mitandregny anà de ho vôtaha. Hiambina isan'andro akeo am-baravarako izy, mandigny ankekin'reo tsangatsangan'reo varavarako. ³⁵ Fa na iza na iza mahita anà, de mahita fiaignana, ary hahita sitraka amin'Andriamanitra izy. ³⁶ Fa izy ze tsy mahita, de mandratra ny aignany ihany; reo daôly ze mankahala anà de té fahafatesana."