¹ Ry zanako, tandremo ny teniko raiketo akao agnatinao reo didiko. ² Tandremo ny didiko mba ho velona anao ary tandremo ôtran'ny anakandriamasonao ny fampianarako. ³ Fatoro akeo am'reo rantsan-tagnanao regny; sorato akeo am'vato fisaky ny fonao regny. ⁴ Lazao ny fahendrena hoe: "Anabaviko anao," ary antsovo hoe havanao ankeky ny fahazavan-tsaigna, ⁵ mba hitandremanao ny tegnanao am'veivavy malanga, am'veivavy ratsy fitondran-tegna miaraka am'teniny malama. ⁶ Takeo am'varavarankelin'ny tragnoko de nitazagna taigny avelagny avy takeo am'makarakara za. ⁷ Nitazagna an'reo ôla kely saigna za, ary vômariko tam'reo tanora ny zatovo raika ze tsy nisy saigna. ⁸ Nandalo takeo amin'ny arabe ankekin'ny kihon-dalany izany gaogna zany; ary nizotra nankaigny an-dragnony. ⁹ Somambisamby tam'zany, tamin'ny andro hariva, sy tam'fotônan'ny alina sy ny aizigna. ¹⁰ Nisy veivavy nitseza azy, niakanjo salan'ny mpivaro-tegna, ze fetsy am-po. ¹¹ Sady bevava izy no maditra; tsy manangana an-dragno ny tongony. ¹² Vetiketika aigny an-dalam-be, avy akeo aigny an-tsena, ary aigny an-joron-tragno-daôly aigny izy no mandigny mamitsaka. ¹³ Ka de misavika an'azy izy ka nagnoroka an'azy, am'tarehy nisolantsolana no nilazany taminazy hoe: ¹⁴ "Nagnano fagnati-pihavanana za nigniany, nagnefa an'reo voadiko za, ¹⁵ ka de nivôka hitseza an'nao za, mba tegna hikaraka ny tavanao, ary de nahita an'nao za. ¹⁶ Efa namelatra lamba firakotra, rongony fotsy miloko avy taigny Egypta, takao am'fandrenako za. ¹⁷ Efa nandrarahako miora, sy havozo, ary kanelina ny fandrenako. ¹⁸ Ave, andao tsika hivoky fitè hatramin'ny ampolakeka; andao tsika hiaka fahafinaretana am'fitiavana. ¹⁹ Fa tsy akao an-dragnony ny vadiko; lasana nande nivahiny alavitra izy. ²⁰ Nitondra kitapom-bola niaraka taminazy izy; hiverigna izy am'fotônan'ny fenomanana." ²¹ Tam'resa-be no nitômany an'azy; tamin'ny halaman'ny molony no namitahany an'azy. ²² Nande nagaraka an'azy avy tafara tampoka salan'ny aomby ndesina hovonòna, salan'ny diera vôsambotra agnaty fandrika izy, ²³ mandrapitsatoky ny zana-tsipika akeo amin'ny atiny. Salan'ny vorogna ze mitsoreka ho akao amina fandrika. Tsy fantany fa hahafaty an'azy zany. ²⁴ Ka mitandrignesa anà anareo, ry zanako lahy; tandremo reo tenin'ny vavako. ²⁵ Ôka ty hivily am'reo lalany anie ny fonareo; aza mivily am'reo lalan-disony. ²⁶ Nahalavo ôla vôtrobaka maro izy; maro de maro reo niharan'ny fahafatesana azony. ²⁷ Aigny am'lalana mankaigny am'fiaignan-tsy hita ny tragnony; midigna mankaigny amin'ny efitragno fandrena maizign'ny fahafatesana zareo.