¹ Ry zanako, raha manokana ny volanao ho am'findraman'ny namanao anao, raha nampagnantegna fampindramam-bola ho an'ny ôla tsy fantatrao anao, ² de efa nametraka fandrika ho an'ny tegnanao tam'fampagnantignanao anao, ary efa vôsingotry ny teny navôkan'ny vavanao. ³ Raha vôsingotry ny teninao anao, ry zanako, de ataovo zao ka vonjeo ny tegnanao, satria efa lavo takao an-tagnan'ny namanao anao; mandihana ka magnetre-tegna ary miangave akeo agnatrehan'ny namanao. ⁴ Aza avela hoandry ny masonao ary aza avela rendremana ny hodi-masonao. ⁵ Vonjeo ny tegnanao salan'ny gazela an-tagnan'ny mpihaza, salan'ny vorogna akeo an-tagnan'ny mpamandri-borogna. ⁶ Zahao ny vitsika, ry ôlo-malaina, diniho ny ataony ka hendre. ⁷ Tsy managna komandy, na mpifehy, na mpanapaka izy, ⁸ kanefa mamory ny hehaniny am'fahavaratra ary mandritra ny fiakaram'bokatra no hitarizany ze hohaniny. ⁹ Hatramin'ny ovena no hatorenao, ry ôlo-malaigna? Ovena no hifohazanao am'torimasonao? ¹⁰ "Toromaso kely, faharendreana kely, famoretan-tagnana kely mba hialana reraka"_ ¹¹ ary de ho avy salan'ny mpangalatra ny fahantranao ka ny filànao salan'ny miaramila mirongo fedina. ¹² Ny ôlom-pôgna _ ny ôla ratsy fagna_ de miaigna am'fahamelohan'ny teniny, ¹³ mipi-maso, magnano famantarana am'tongony ary manondro ma'reo rantsa-tagnany. ¹⁴ Magnano teti-dratsy sy fitaka akao am-pony izy; magnetsika fifamalena mandrakariva izy. ¹⁵ Noho izany de hahatakatra an'azy tampoka ny lozany; akao agnatin'ny fotôna foika de ho potika lavitra ny fagnasitragnana izy. ¹⁶ Misy ra enina halan'i Yaveh, fito ze maharikoriko an'Azy. ¹⁷ Ny mason'ny ôla mpirehareha, ny lela mpandainga, ny tagnana mpandatsa-dràn'ny ôla tsy manan-tsigny, ¹⁸ ny fo mamorona sain-dratsy, ny tongotra ze mailaka am'fihazakazahana hagnano ratsy, ¹⁹ ny vavolombelona ze mamôka lainga ary mamfy fifamalena akeo am'rahalàny. ²⁰ Ry zanako, ankatoavo ny didin-drainao ary aza mahaafoy ny fagnanaran-dreninao. ²¹ Fatoro akao am-ponao mandrakariva reo; fatoro akeo amin'ny am-bozognao-reo. ²² Raha mande anao, de hitari-dalana an'nao ireo; raha mandry anao, de hiambina an'nao reo; ary raha mifô anao, de hampianatra an'nao reo. ²³ Fa fanilo ny didy, ary fahazavana ny fampianarana; reo anatra ze avy am'fampianarana no lalan'ny fiaignana. ²⁴ Miaro an'nao am'veivavy ratsy fitondran-tegna zany, am'teny malefaky ny veivavy ratsy fitondran-tegna. ²⁵ Ôka ny fonao tsy hitsiriritra ny hatsarany ary aza avela hambabo an'nao am'volomasony izy. ²⁶ Ny fiaraha-mandry amin'ny ôla malanga de samdainao am'sombi-mofo, fa ny vadin'ny hafa de sandainao amin'ny aignanao mihitsy. ²⁷ Misy ôla afaka mitondra afo akeo an-tratrany ma ka tsy mandoro ny akanjony? ²⁸ Misy ôla mahakitsaka vaink'afo mahamay mma ka tsy hitsovaka ny tongony? ²⁹ Ôtran'zany kô ny leilà miara-mandry am'vadin'ny namany, ze miara-mandry aminazy de tsy ho afa-maigna. ³⁰ Tsy hagnamavo ny mpangalatra ny ôla raha mangalatra mba hahafa-po ny filàny rafa nôna izy. ³¹ Fa raha takatra kosa izy, de hagnonitra impito heny ze nangalariny; tsy maintsy mamoy ny ra sarobidy daôly akao an-dragnony izy. ³² Ze ôla malanga de tsisy saigna; ze magnano an'zany de mandràtra ny tegnany. ³³ Ratra sy hegnatra no mendrika an'azy ary tsy ho vôfafa ny fahafaham-barakany. ³⁴ Fa ny fahasarotam-piaro no mahasosy ny leilà; tsy hampitranga famindram-po izy rafa mamaly faty. ³⁵ Tsy hagneky onitra izy ary tsy ho vôtamby, na de amenao fagnomezana maro aza.