¹ Ry zanako, tandremo ny fahendreko; atongilagno am'fahazavan-tsaigna ny sofignao, ² mba hiatra momba ny fahamalinana anao ary hiaro fahalalana ny molotrao. ³ Fa ny molotry ny veivavy malanga mitete tintely ary ny vavany de malama mandombolombo ny menaka, ⁴ nefa aigny am-parany de hangidy salan'ny kakazo mahafaty izy, manapaka salan'ny sabatra maragnitra. ⁵ Midigna makaigny am'fahafatesana ny tongony, ary ny dény de mizotra ho aigny am'fiaignan-tsy hita. ⁶ Tsy mihevitra ny lalan'ny fiaignany izy. Mivendrivendry ny dén-tongony; ary tsy fantany ze andihanany. ⁷ Am'zao fotôna zao, ry zanako, mitandrignesa Anà, aza miala am'fitandrignesana ny tenin'ny vavako. ⁸ Alaviro an'azy ny lalanao ary aza magnankeky ny varavaragn'ny tragnony. ⁹ Am'zany de tsy hagnome ny voninahitrao ho an'ny hafa anao na ny taonanao ho an'ny ôlon-dozabe; ¹⁰ tsy hifety amin'ny harenanao reo vahiny, ary ze efa niasanao de tsy ho tonga akao an-dragnon'reo vahiny. ¹¹ Am'faran'ny androm-piaignanao de hisento anao rafa hihaosa ny nofinao sy ny vatagnao. ¹² Hitare anao hoe: "Zao ny fankahalako ny fampianarana sy fagnanôvan'ny foko tsinotsinona ny fagnitsina! ¹³ Tsy nankatò an'reo mpampianatro za ary nanongilagna ny sofiko tam'reo mpagnanatra anà. ¹⁴ Efa rava tanteraka za teo ampovôn'ny fiangonana, teo am'fivoren'ny ôla." ¹⁵ Misotroa rano avy akao am'famoren-dranonao ary misotroa rano mikorigna avy akao am'lava-dranonao. ¹⁶ Tokony hiboiboika na aiza na aiza ma ny lôranonao ary hikorigna ankalamanjagna ny lôranonao? ¹⁷ Ôka ho an'nao rerika fôgna regny fa tsy ho an'reo vahiny miaraka aminao. ¹⁸ Ho vôtaha ane ny lôranonao ary ôka hifaly am'vadin'ny fahatanoranao anao, ¹⁹ fa diera maha-te ho tia izy ary osidia soa. Ôka hahafa-po an'nao am'fotôna daôly ny nonony; ôka ho mamin'ny fitiavany mandrakariva ane anao. ²⁰ Fa nagnino anao, ry zanako, no tokony ho babon'ny veivavy malanga, nagnino anao no tokony hamihina ny tratran'reo veivavy ratsy fitondrantegna? ²¹ Mahita ny ra ataon'ny ôla daôly i Yaveh ary mitazagna ny lalana andihanany daôly. ²² Ny ôla ratsy fagna de azon'ny fahamelôny fôgna, reo kofehin'ny fahotany no hamatotra an'azy mafy. ²³ Hofoaty noho ny tsy fahampen'ny fampianarana izy; vôtarika aigny am'lalan-diso noho ny haben'ny fahadalany izy.