¹ Mitandrignesa, ny fampianaran'ny ray, ry zanako, ary mitandrema mba hahafantaranareo ny atao hoe fahazavan-tsaigna. ² Magnome fampianarana tsara ho an'nao za; aza mahafoy ny fampianarako. ³ Tam'mbôla naha-zanaky ny raiko anà, le mora fagna ary zanaka tokan'ny reniko, ⁴ de nampianatra anà izy ary nitare taminà hoe: "Ôka ny fonao hitàna mafy an'reo teniko; tandrovo reo didiko de ho velona anareo. ⁵ Mazahoa fahendrena sy fahazavan-tsaigna; aza magnadino ary aza mandà reo tenin'ny vavako; ⁶ aza afoy ny fahendrena ary hiambina an'nareo izy; tiavo izy de hiaro an'nareo. ⁷ Ny fahendrena no tegna zava-deibe, ka mazahoa fahendrena ary lanio ze hanagnanareo daôly mba hahazahônareo fahazavan-tsaigna. ⁸ Ôka holalainao ny fahendrena de hanandratra an'nareo izy; hagnaja an'nareo izy raha mamihina an'azy anareo. ⁹ Hametraka fehilôm-pagnajana akeo agnambon'ny lônareo izy; ary hagnome an'nareo satro-boninahitra tsara tarehy." ¹⁰ Mitandrignesa, ry zanako, ary tandremo ny teniko, de hanagna taona maro hiaignana anao. ¹¹ Hagnatoro lalana an'nao am'lalam-pahendrena za, ary hitarika an'nao ho am'reo lalana mahintsy za. ¹² Rafa mande anao, de tsy hisy ôla hitsangana am'lalanao ary raha mihazakazaka anao; de tsy ho tafitohina. ¹³ Tano reo toro-lalana, aza avela hande; tano, fa fiaignanao zany. ¹⁴ Aza magnaraka ny lalan'ny ratsy fagna ary aza mande magnaraka ny lalan'reo ze magnano ratsy. ¹⁵ Lifaso zany, ary aza mande am'zany; mialà am'zany ary mandihàna am'lalan-kafa. ¹⁶ Fa tsy afa-mandry zareo mandrapagnanôvany ratsy ary very torimaso zareo mandra-panafitohinany ôla. ¹⁷ Fa zareo de mihinana ny mofon'ny faharatsena ary misotro ny divain'ny herisetra. ¹⁸ Fa ny lalan'ny ôlo-masina de ôtran'ny hazavana vôlôny ze mahamazava; mamirapiratra zany mandra-piaven'ny mazava. ¹⁹ Ny lalan'ny ratsy fagna de ôtran'ny aizigna_ tsy fantatr'zareo ze manafintona an'jareo. ²⁰ Ry zanako, tandremo ny teniko; atongilagno am'teniko ny sofinao. ²¹ Aza avela hiala am'masonao reo; tano akao am-ponao zany. ²² Fa ny teniko de aigna ho an'reo ze mahazo an'azy ary fahasalamana ho an'ny vatagn'zareo iray manontolo. ²³ Arôvo ny fonao ary ambeso am'fitandremana daôly zany, fa avy am'zany no hikorignan'ny lôranon'aigna. ²⁴ Alao akeo aminao ny teny mivilambilagna ary ny teny marary lavitra an'nao. ²⁵ Ôka ny masonao hitazagna maintsy sy hibanjina mahitsy ny akeo agnolônanao. ²⁶ Magnamboara lalana mahitsy ho an'ny tongotrao; de hilamina ny lalanao daôly. ²⁷ Aza mivily ho amin'ny ankave na ankavanana; alaviro am'retsy ny tongotrao.