¹ Ry zanako, aza magnadino ny didiko ary tano akao am-ponao ny fampianarako, ² fa andro lava sy taona maro hiaignana ary fiadanana no hagnampen'reo an'nao. ³ Aza avela hiala an'nao ny tsy fivadem-pagnikena sy ny fahamendreham-pitokisana, hampifamatoro akeo am'vozonao reo, ary raiketo akao am'vato fisaky ny fonao. ⁴ De hahita fitia sy ho tsara laza akeo amason'Andriamanitra sy ny ôla anao. ⁵ Matoké an'i Yaveh am'fonao iray manontolo ary aza miankina am'fahalalanao fôgna; ⁶ magnike an'Azy am'lalanao daôly ary Izy no hampahitsy ny lalanao. ⁷ Aza hendry akeo amasonao fôgna; fa matahôra an'i Yaveh ka hialao ny ratsy. ⁸ Ho fagnasitragnana ho an'ny nofonao ary famelombelomana ho an'ny vatagnao zany. ⁹ Magnajà an'i Yaveh amin'ny harena sy ny vôlôm-bokatry ny vokatrao daôly, ¹⁰ de ho feno ny tragno fiterizam-bokatra ary ho feno hipoka ny fitôram-bolobokao, feno divay vaovao. ¹¹ Ry zanako, aza magnamavo ny fampianaran'i Yaveh ary aza mankahala ny fibedesany, ¹² fa reo ze tèny no faizin'i Yaveh, salan'ny ataon'ny ray amin'ny zanagny ze ankasitrahany. ¹³ Sambatra ze mahita fahendrena; fa mahazo fahazavan-tsaigna ihany kô izy. ¹⁴ Tsara mandombolombo an'ze amen'ny volafotsy ny azonao avy am'fahendrena ary ny tombony de tsara mandombolombo sy volamena. ¹⁵ Sarobidy mandombolombo ny firavaka ny fahendrena ary tsisy azonao ampitahaina aminazy ze mety ho irinao. ¹⁶ Andro lava no akao an-tagnany an-kavanana; ary harena sy voninatra no eo an-tanany an-kave. ¹⁷ Lalan'ny fahalemem-pagna ny lalany ary fiadanana daôly ny lalany iray manontolo. ¹⁸ Izy no hazon'aigna ho an'reo ze mitàna an'zany, sambatra reo ze mifikitra am'zany. ¹⁹ Tam'fahendrena no nagnorenan'i Yaveh ny tany, tam'fahazavan-tsaigna no nampetrahany ny lagnitra. ²⁰ Tam'fahalalany no nitriaran'ny laligna ary nandatsaka ny andony ny rôndro. ²¹ Ry zanako, tano ny fitsarana sy fahaiza-magnavaka marina, ary aza alàna am'masonao zany. ²² Ho aigna ho an'ny fagnanao regny ary ravaky ny fankasitrahana hagnanôvana magnodidigna ny tendanao. ²³ De hande am'lalanao am-pilaminana anao ary tsy ho tafitòna ny tongotrao; ²⁴ rafa mandry anao, de tsy hatàtra; rafa mandry anao, de ho mamy ny torimasonao. ²⁵ Aza matàtra ny horohoro avy tampoka na ny fandravana ataon'ny ratsy fagna, ra tonga zany, ²⁶ fa Yaveh no ho akeo agnilanao ary hiaro ny tongotrao tsy ho vôn'ny fandrika. ²⁷ Aza mamihina ny soa am'reo ze mendrika an'zany, raha ao amin'ny herinao ihany ny hiasa. ²⁸ Aza mitare am'namanao hoe: "Mandiana, ka tongava ndre, ary amaraigna no hagnomezako an'zany," raha hanagnanao aminao ihany le vola. ²⁹ Aza magnano tetika hagnisy ratsy ny namanao_ de le mipetraka akeo ankekinao ary matoky an'nao. ³⁰ Aza mifandritra amin'ôla am'tsisy dikany raha tsy nagnisy ratsy an'nao izy. ³¹ Aza mialona ny ôla maherisetra na misafidy ze lalany. ³² Fa maharikoriko an'i Yaveh ny ôla maniasia, fa hampitokiany aminazy kosa ny ôla mahitsy fo. ³³ Akeo am'tragnon'ny ratsy fagna ny fagnozognan'i Yaveh, fa mitaha ny fonenan'ny ôla marina hosa Izy. ³⁴ Mandatsa ny mpandrabiraby Izy, fa magnome sitraka ho an'ny ôla magnetry tegna. ³⁵ Ny ôlon-kendry mandova voninahitra, fa ny adala kosa de hisandratra am'fahamegnarany.