¹ Ny zanako, raha mandray ny teniko anao ary raiketinao akao aminao reo didiko, ² de ôka ny sofignao hitandrina tsara ny fahendrena ary atongilagno ho am'fahazavan-tsaigna ny fonao. ³ Raha mihiakiaka ho am'fahazavan-tsaigna anao ary mampiaka-peo ho am'zany, ⁴ raha mikaraka an'zany salan'ny hikarahanao volafotsy anao ary mikaraka ny fahazavan-tsaigna salan'ny fikarahana harena miafina, ⁵ de ho fantatrao ny tàtra an'i Yaveh ary ho hitanao ny fahalalana an'Andriamanitra. ⁶ Fa maagnome fahendrena i Yaveh, ary am'vavany no hiaven'ny fahalalana sy fahazavan-tsaigna. ⁷ Mitahiry ny fahendrena tsara ho an'reo ze ankasitrahany Izy, Izy no ampingan'reo ze mande am'fahitsiana, ⁸ miambina reo lalan'ny rariny Izy ary hiaro ny lalan'reo ze mahatoky an'Azy. ⁹ De ho tsapanao ny fahamarinana, ny rariny, sy ny hitsiny, ary ny lalana tsara daôly. ¹⁰ Fa hiditra akao am-ponao ny fahendrena, ary hahafinaritra ny fagnanao ny fahalalana. ¹¹ Hiaro an'nao ny fahamalinana, ary hiambina an'nao ny fahazavan-tsaigna. ¹² Hagnavotra an'nao am'lala-dratsy reo, am'reo ze mitare ra-ratsy, ¹³ ze miala an'reo lalan'ny fahamarinana ary mande am'lalan'ny fahamaizignana. ¹⁴ Mifaly zareo rafa magnano ratsy ary finaritra am'fahavetavetan'ny ratsy. ¹⁵ Magnaraka lala-maloka zareo, ary nampiasa ny fitaka hagnafenana ny lalany. ¹⁶ Fahendrena ary fahamalinana no hanavotra an'nao am'veivavy malanga, am'veivavy ratsy fitondrategna sy ny teniny mandoka. ¹⁷ Mahafoy sy sakaizan'ny fahatanorany izy ary magnadino ny fagnikeny tamin'Andriamaniny. ¹⁸ Fa ny tragnony mitarika am'fahafatesana ary reo lalany hitondra an'nao ho am'reo ze aigny am-pasagna. ¹⁹ Ze daôly miditra akao aminazy de tsy hiverigna ntsony ary tsy hahita ny lalan'ny fiaignana zareo. ²⁰ De hande am'lalan'ny ôla tsara anao ary hagnaraka reo lalan'ny ôla marina. ²¹ Fa reo magnano ny marina no hagnano fonenana akeo am'tany, ary reo tsy mivadika no hipetraka akao am'zany. ²² Fa ny ratsy fagna hofongorina akeo am'tany, ary ny tsy manam-pinòna hofongorina akeo am'zany.