¹ Ny tenin'i Agora zanak'i Jake__fampitana: nitory tamin'i Itiela io leilà io, tamin'i Itiela sy Okaka: (Fagnamarihina: reo dikanteny sasagny de misy hoe: "Nambaran'io leilà io hoe: Reraka za Andriamanitra ô! Reraka za. Tsy afaka magnano na ino na ino za). ² Ôtran'ny biby za mihoatra ny ôlà ary tsy managna ny fahazavan-tsaign'ny ôlombelona za. ³ Tsy nianatra fahendrena za, na managna ny fahalalana an'le Iray Masina. ⁴ Iza no niakatra sy nidigna taigny an-dagnitra? Iza no nanangona ny rivotra taigny an-tagnany? Iza no navôangona ny rano takeo am'lambany? Iza no nagnorina ny faran'ny tany daôly? Iza no agnarany, ary iza no agnaran-janagny? Fantatrao tokôtra zany! ⁵ Voazaha toetra daôly ny tenin'Andriamanitra; ampinga ho an'reo ze mialoka aminazy Izy. ⁶ Aza magnampy am'teniny, sao ho faiziny anao, ka ho hita fa mpandainga. ⁷ Ra rôy no angatahiko aminao, ary aza lavina dieny mbôla tsy maty za: ⁸ Alaviro anà ny zava-pôgna sy ny lainga. Aza amena anà na ny fahantrana na ny harena, fa ameo anà fotsiny ny ahanina ze ilaiko. ⁹ Fa raha managna be lôtra za, de mety handà an'nao ka hiteny hoe: "Iza ma Yaveh?" Na raha tonga mahantra za, de mety hangalatra ka handoto ny agnaran'ny Andriamanitro. ¹⁰ Aza magnendrikendrika ny mpanompo akeo agnatrehan'ny tompony, sao hagnozona an'nao izy ary ho vôtana ho meloka anao. ¹¹ Misy taranaka magnozogna ny rainy sady tsy misaotra ny reniny. ¹² Misy taranaka milaza an'azy ho madio , kanjo tsy vôsasa tam'lotony avy. ¹³ Misy taranaka manandratra ny masony, ary endrey ny fisandratan'ny hodi-masony! ¹⁴ Misy taranaka ze sabatra ny nifiny, ary ny vazagny salan'ny antsy, mba handrapahany ny mahantra hiala am'tany ary ny ory tsy ho akeo am'zanak'ôlombelona. ¹⁵ Ny dinta manan-janaka vavy rôy: "Ameo, ameo," ozy ny fihiakiakany. Misy ra telo ze tsy mety afa-po, efatra ze tsy mba milaza mihitsy hoe: "Ampy zay": ¹⁶ de ny Fiaignan-tsy hita; ny kibo momba; ny tany tsy vonton-drano; ary ny afo no tsy mba milaza mihitsy hoe: "Ampy zay!" ¹⁷ Ny maso ze maniratsira ny ray sady tsy mety manaja reny, de ho tsaingohan'ny goaika aigny an-tsaha ny mason'zany, ary ho lanin'ny voromahery izy. ¹⁸ Misy ra telo ze mahagaga anà lôtra, eny efatra ze tsy takatro: ¹⁹ ny lalan'ny voromahery aigny an-dagnitra; ny lalan'ny bibilava aigny am' vatolampy; ny lalan'ny sambo aigny ampovôn'ny ranomasina; ary ny lalan'ny leilà miaraka am'gaombavy. ²⁰ Zao no fomban'ny veivavy janga: mihinana izy ka mamafa ny vavany ary miteny hoe: "Tsy nagnano ratsy za." ²¹ Mihovitrivitra akeo ambin'ny ra telo ny tany, ary ambanin'ny ra efatra no tsy zakany: ²² de ny mpanompo raha tonga mpanjaka, ny adala raha voky ahanina; ²³ ny veivavy ankahalaina raha ampakarina; ary ny mpanompo vavy raha maka ny tôran'ny tompo vaviny. ²⁴ Ra efatra aketo an-tany no kely kanefa hendry tokôtra: ²⁵ ny vitsika de voahary tsy matanjaka, kanefa magnandroka ny ahaniny am'fahavaratra zareo; ²⁶ ny hyraky ny vato de tsy voahary mahery, kanefa magnano ny tragnony agnaty vatolampy. ²⁷ Ny valalagna de tsy managna mpanjaka, kanefa mirindra milahatra tsara ny diany. ²⁸ Ary ny amin'ny antsiantsy, de azonao tazomina am'tagnanao rôy zany, kanefa de hita aigny am'reo lapan'ny mpanjaka. ²⁹ Misy ra telo ze tsara famindra ary efatra ze tsara ny fomba fandehany: ³⁰ ny liona, ze tegna mahery am'reo bibidia__tsy miemotra na amin'ny ino na amin'ny ino zany; ³¹ ny akoholahy mpiady; ny osilahy; ary ny mpanjaka ze akeo agnilany ny maramilany. ³² Raha adala anao, nanandra-tegna, na raha nisaigna hagnano ratsy__de atôvo akeo am-bavanao ny tagnano. ³³ Ny fagnontsankontsagnana ny ronono no mahatonga ronono mandry ary ôtran'ny fivoahan-drà amin'ny orogn'ny ôlà raha ahodikodigna zany, de ôtran'zany kô ny asa atao amin-kasosena de miteraka ady.