¹ Ny ôlà ze anarina matetika kanefa magnamafy hatoka de ho rava akao agnatin'ny fotôna foika tsisy fagnasitranana. ² Rafa mitombo ny ôlo-marina, de mifaly ny ôlà, fa rafa ny ôlà ratsy fagnà ny mpanapaka, de misento ny ôlà. ³ Na iza na iza tia ny fahendrena de mahafaly ny rainy, fa ze miaraka am'mpijangajanga de mandany ny harenany. ⁴ Mametraka ny tany am'rariny ny mpanjaka, fa ze mangataka tsolotra kosa de mandratra an'zany. ⁵ Ny ôlà ze mandoka ny namany de mamelatra harato ho an'ny tongony. ⁶ Akao am'fahotan'ny ratsy fagnà ny fandrika, fa ny ôlo-marina kosa de mihira ary mifaly. ⁷ Ny ôlo-marina de mihevitra ny adin'ny ôlà mahantra; ny ôlà ratsy fagnà de tsy mahatakatra ny fahalalana ôtran'zany. ⁸ Mampisavoritaka ny tanàna ny mpaniratsira, fa reo ze hendry kosa de mampivily fahasosena. ⁹ Rafa miady hevitra amin'ny adala ny ôlon-kendry raika, de romotra izy ary mihomehy, ary tsisy fitsaharana. ¹⁰ Ny lian-drà de mankahala an'ze tsy manan-tsigny ary mifofo ny aignan'ny marina. ¹¹ Ny adala de mampiseho ny hasoseny daôly, fa ny ôlon-kendry kosa de mitàna an'zany ary mampitogny ny tegnany. ¹² Raha mitaino lainga ny mpitondra, de ho ratsy fagnà daôly reo manam-pahefany daôly. ¹³ Ny ôlà mahantra sy ny mpampahory de mitovitovy, fa Yaveh de magnome hazavana ho an'ny mason'izy rôy reo. ¹⁴ Raha mitsara ny mahantra am'fahamarinana ny mpanjaka raika, de hitoetra mandrakizay ny seza fiandrianany. ¹⁵ Ny tsorakazo sy ny anatra de magnome fahendrena, fa ny zanaka afaka tam'fitsipika de mahamegnatra ny reniny. ¹⁶ Rafa akeo am'fahefana ny ôlà ratsy fagnà, de mitombo ny fandikan-dalàna, fa ny ôlo-marina kosa de hahita ny fionganan'ny ôlà ratsy fagnà. ¹⁷ Fihezo ny zanakao de hagnome fitsaharana an'nao izy; hitondra hamamiana am'fiaignanao izy. ¹⁸ Aigny am'ze tsisy fahitana ara-paminaniana de mahabiby ny ôlà, fa tahiana ze mitandrina ny lalàna. ¹⁹ Tsy ho voahitsy am'teny ny andevo, fa na de mahatakatra izy; de tsisy valiny. ²⁰ Jereo ane ny ôlà ze pentsam-bava? Misy fagnatenana bebe kokô ho an'ny adala noho ny aminazy. ²¹ Ze mampihanta ny mpanompony hatramin'ny fahatanorany, de hanagna olagna aigny am'faran'zany. ²² Ny ôlà sosy magnetsika ady ary ny tompon'ny fahavignirana hagnano fahotana maro. ²³ Ny avognavogn'ny ôlà raika mampihetry an'azy, fa ze manana fagnà mietry kosa de hamem-boninahitra. ²⁴ Ze mizara am'mpangalatra de magnary tegna; maregny ny ozogna fa tsy miteny na ino na ino. ²⁵ Ny tàtran'ny ôlà de mahatonga fandrika, fa ze matoky an'i Yaveh no ho vôaro. ²⁶ Maro reo ze mikaraka ny tavan'ny mpanapaka, kanefa avy amin'i Yaveh ny rariny ho an'ny ôlà raika. ²⁷ Ny ôlà tsy marina de fahavetavetana ho an'ny ôlo-marina, fa ze mahitsy lalana kosa de maharikoriko ny ôlà ratsy fagnà.