¹ Milefa ny ratsy fagnà ne de tsisy ôlà magnenjika an'azy avy, fa ny ôlo-marina de sahy salan'ny liona tanora. ² Noho ny fandikan-dalàn'ny tany, de managna mpanapaka maro izy, fa raha miaraka amin'ôlà managna fahazavan-tsaigna sy fahalalana, de haharitra ela zany. ³ Ny ôlà mahantra ze mampahory ôlà mahantra hafa de ôtran'ny orana mivatravatra ze tsy mamela ahanina. ⁴ Reo ze mahafoy ny lalàna de mandoka ny ôlà ratsy fagnà, fa reo ze mitandrina ny lalàna de hiady aminjareo. ⁵ Ny ôlàn-dratsy de tsy mahatakatra ny rariny, fa reo ze mikaraka an'i Yaveh no mahatakatra ny ra daôly. ⁶ Tegna tsara ho an'ny ôlà mahantra ny mande am'fahitsiana, noho ny ho an'ny ôlà mpanankarena ze meloka am'lalany. ⁷ Ze mitandrina ny lalàna no zanaka hendry, fa ze naman'ny tendan-kanina mahamegnatra ny rainy. ⁸ Ze mihary ny harenany am'zana-bola be lôtra de manangona ny harenany ho an'ny hafa ze hiantra ny ôlà mahantra. ⁹ Raha misy ôlà manentsin-tadigny tsy hitaino ny lalàna, na ny fivavahany aza mamparikoriko. ¹⁰ Na iza na iza mamily lalana ny mahitsy am'lalàn-dratsy de hilatsaka akao am'lavany fôgna, fa ny tsisy tsigny no hanagna lova tsara. ¹¹ Ny ôlà manan-karena de magnano an'azy ho hendry akeo amasony , fa ny ôlà mahantra ze managna fahazavan-tsaigna no hahita an'azy. ¹² Rafa misy fandresena ho an'ny ôlo-marina, de misy voninahitra leibe, fa rafa mitsangana ny ratsy fagnà, de misitrika ny ôlà. ¹³ Ze manitrika ny fahotany tsy ho ambinina, fa ze mitsotra ka mahafoy an'reo no hahazo famindram-po. ¹⁴ Sambatra ze miaigna am'fanehom-pagnajana mandrakariva, fa ze daôly magnamafy ny fony de ho tra-pahorena. ¹⁵ Salan'ny liona mitrerogna na bera mihaza ny mpanapaka ratsy fagnà akeo amin'ny ôlà mahantra. ¹⁶ Ny mpanapaka tsy ampy fahazavan-tsaigna de mpampahory lozabe, fa ze mankahala ny tsy fahamarinana no hampitombo ny androny. ¹⁷ Raha meloka ny ôlà raika satria nandatsaka ràn'ôlà, de ho sesitany mandra-pahafatiny izy ary tsisy ôlà hamonjy an'azy. ¹⁸ Na iza na iza mande am'fahitsiana de ho arovana, fa le raika ze mande am'lala-meloka no ho lavo tampoka. ¹⁹ Ze miasa ny taniny de hanagna ahanina betsaka, fa na iza na iza magnaraka ny zava-pôgna de ahazo fahantrana be. ²⁰ Ny ôlà mahatoky de hanagna fitahiana leibe, fa ze maika mahazo harena de tsy ho afa-maigna. ²¹ Tsy tsara ny mizaha tavan'ôlà, fa na de ho an'ny sombina mofo hagnanôvan'ny ôlà ra tsy manjary. ²² Ny ôlà kahihitra de magnenjika harena malaky, nefa tsy fantany fa ny fahantrana no ho tonga akeo aminazy. ²³ Na iza na iza magnanatra ôlà, de hahita sitraka betsaka avy aminazy noho ny avy am'le raika mandoka an'azy am'lelany afaran'zany. ²⁴ Na iza na iza mandroba ny rainy sy ny reniny ary miteny hoe: "Tsy fahotana zany," de naman'ze ze mpandratra izy. ²⁵ Ny ôlà tsy mahonon-tegna magnetsika fifandirana, fa ze matoky an'i Yaveh no hambinina. ²⁶ Ze matoky ny fony de adala, fa na iza na iza mande am-pahendrena de hilefa ny loza. ²⁷ Ze magnome ny mahantra de tsisy ra mampahory an'azy, fa na iza na iza mihirim-belona aminjareo de handray ozogna be de be. ²⁸ Rafa mitsangana ny ôlà ratsy fagnà, de misitrika ny ôlà, fa ny ôlà ratsy fagnà de ho fôgna, ary hitombo ny ôlo-marina.