¹ Reo tenin'i Lemoela mpanjaka__anatra nampianarin'ny reniny an'azy. ² Ino, ry zanako? Ino zany, ry zanaky ny kiboko? Ino no karanao, ry zanaky ny voadiko? ³ Aza amena ny veivavy ny herinao, na ny lalanao ho an'reo ze mamotika ny mpanjaka. ⁴ Zany de tsy ho an'ny mpanjaka, ry Lemoela, tsy ho an'reo mpanjaka ny fisotroana divay, na koa ho an'ny mpitondra mba hagnotany hoe: "Aiza ny zava-pisotro mahery?" ⁵ Fa sao tsy tsarôvanjareo ze efa voadidy, ary hamadika ny marina ho am'fahorena daôly izy. ⁶ Ameo tôaka ny ôlà ze efa ho foaty ary divay ho an'reo agnaty fahorena mangidy. ⁷ Hisotro izy ary hagnadino ny fahantrany ary tsy tsarôvany ny fahoreny izy. ⁸ Mitenena ho an'reo ze tsy afaka miteny, ho an'ny adin'ze daôly efa ho foaty. ⁹ Mitenena mafy ka mitsarà araka ny rariny ary misoloa vava ho an'ny ôlà mahantra sy ory. ¹⁰ Iza no afaka mahita veivavy tegna tsara? Ny tombagny de mandombolombo ny firavaka. ¹¹ Ny fon'ny vadiny mitoky aminazy, ary tsy hahantra mihitsy izy. ¹² Magnano zava-tsoa ho an'azy izy ary tsy magnano ratsy amin'ny andro daôly hiaignany. ¹³ Misafidy volon'ondry sy rongony izy, ary miasa an-kafalena am'tagnany. ¹⁴ Salan'reo sambon'ny mpivaro-mande izy; avy alavitra no itondrany ny ahanina. ¹⁵ Mifôha izy raha mbôla alina ary magnome ahanina ho an'ny ankohonany, ary mizara ny asa ho an'reo mpanompo vaviny. ¹⁶ Izy no mizaha ny saha ary mividy an'zany, am'vokatry ny tagnany no amboleny vôloboka. ¹⁷ Mampitafy hery ny tegnany izy ary mampatanjaka ny sandriny. ¹⁸ Mahafantatra an'ze mety ho tombony tsara ho an'azy izy; mandritra ny alina tontolo ny jirony de tsy maty. ¹⁹ Apetragny akeo amin'ny ampela ny tagnany, ary tanany ny fitazonam-bohavoha. ²⁰ Magnatsotra ny tagnany amin'ny ôlà ory izy; mamelatra ny tagnany amin'ny ôlà mahantra izy. ²¹ Tsy matàtra oram-panala ho amin'ny ankohonany izy, satria ny ankohonany daôly de mitafy volon'ondry mena. ²² Magnambôtra firakotra ho an'ny fandrenany izy, ary mitafy akanjo rongony manify volomparasy. ²³ Ny vadiny no fantatra akao am'vavahady, rafa mipetraka miaraka am'lôholon'ny tany izy. ²⁴ Magnambôtra akanjo rongony fotsy izy ary mivarotra an'reo, ary namatsy samboady ho an'reo mpivarotra izy. ²⁵ Mitafy ny hery sy ny voninahitra izy, ary mihomehy am'fotôna ho avy izy. ²⁶ Manokatra ny vavany am'fahendrena izy ary akeo am'lelany ny lalàn'ny hatsaram-pagnà. ²⁷ Miambina ny lalan'ny ankohonany izy ary tsy mihinana ny mofon'ny fahalaignana. ²⁸ Mitsangana ny zanagny ka magnantso an'azy hoe sambatra, ary midera an'azy ny vadiny, magnano hoe: ²⁹ "Maro ny veivavy efa nagnano ny tsara, nefa mandombolombo an'azy daôly anao." ³⁰ Fitaka ny fahatsaram-bika, zava-pôgna ny hatsaram-tarehy, fa ny veivavy matàtra an'i Yaveh, no ho deraina. ³¹ Ameo an'azy ny vokatry ny tagnany ary ôka ny asany hidera an'zy aigny am'vavahady.