¹ Salan'ny oram-panala am'lôhataona na ranon'orana am'taom-pamokarana, no tsy maha-mendri-kaja ny adala. ² Salan'ny fody magnembagnebagna sy ny sidintsidina miteligna rafa magnebagna zareo, no tsy hilatsahan'ny ozogna tsy mendrika. ³ Ny karavasy de natao ho an'ny sôvaly, ny lamboridy de ho an'ny ampondra ary ny tsoraka kakazo de ho an'ny lamosin'ny adala. ⁴ Aza mamaly ny adala araka ny adalàny, fa sao de lasa adala ôtran'azy kô anao. ⁵ Valeo ny adala araka ny adalàny, fa sao de mihevi-tegna ho hendry akeo amasony ihany izy. ⁶ Na iza na iza mandefa hafatra am'tagnan'ny adala de manapaka ny tongony ihany sady misotro herisetra. ⁷ Ôtran'ny tongotry ny mararin'ny paralysisa ze miraviravy ny ohabolagna akao am-bavan'ny adala. ⁸ Ôtran'ny mamatotra vato amin'ny pilotra ny magnome voninahitra ny adala. ⁹ Ôtran'ny tsilo ze milentika akao an-tagnan'ny mamo lava ny ohabolagna akao am-bavan'reo adala. ¹⁰ Ôtran'ny mpandefa tsipìka ze mandratra ny magnodidigna an'azy daôly ny ôlà ze magnarama adala na magnarama an'ze sendra mandalo. ¹¹ Ôtran'ny ambô miverigna am'nalôny, de ôtran'ny zany kô ny adala ze mamerigna ny hadalany. ¹² Mahita ôlà hendry akeo amasony ihany ma anao? Ny adala aza misy azo antenaina noho ny aminazy. ¹³ Ny ôlà kamo magnano hoe: "Misy liona akaigny an-dalana! Misy lioana aigny ankalamanjana!" ¹⁴ Ôtran'ny varavaragna mihodigna am'saviliny, de ôtran'zany kô ny ôlà kamo akeo am-pandrenany. ¹⁵ Ny ôlà kamo de mametraka ny tagnany akao ambileny nefa tsy managna hery hampakarana an'zany akao am-bavany izy. ¹⁶ Ny ôlà kamo magnano ny tegnany ho hendry akeo amasony ihany noho ny ôlà fito managna fahaiza-manavaka. ¹⁷ Salan'le mitana ny sofign'ny ambô ny mpandalo ze sosy amin'ny ady tsy an'azy. ¹⁸ Ôtran'ny ôlà mitapy ze manipy zana-tsipìka mirehitra, ¹⁹ ny ôlà ze mamitaka ny mpiara-belona aminazy ary magnano hoe: "Tsy nivazivazy ma za?" ²⁰ Noho ny tsy fisian'ny kitaigna, de maty ny afo; ary aigny am'ze tsisy mpifosa no tsisy fifandirana. ²¹ Ôtran'ny arigna mampirehitra ny vain'afo sy ny kitaigna amin'ny afo, de ôtran'zany kô ny ôlà tia ady mampirehitra fifandirana. ²² Ny tenin'ny mpifosa de ôtran'ny ahanina matsiro; midina akao agnatin'ny faritry ny vatana reo. ²³ Ôtran'ny ankosotra taim-bolafotsy mandrakotra ny vilany tany ny molotra mirehitra sy ny fo ratsy. ²⁴ Izay mankahala ny hafa de manarogna ny fihetseham-pony am'molony ary mitahiry fitaka akao agnatiny ihany. ²⁵ Hiresaka amim-pahasoavana izy, kanefa aza mino an'azy, satria misy fahavetavetana fito akao am-pony. ²⁶ Na de vôsarogna fitaka aza ny fankahalany, de haharihary akeo am'fiangonana ny faharatseny. ²⁷ Ze mangady lavaka no ho latsaka akao am'zany ary ny vato de hikode akeo am'ze nanosika an'zany. ²⁸ Ny lela mandainga de mankahala ny ôlà ze torotoroin'zany ary ny molotra mandoka mitondra faharavana.