¹ Reto de mbôla ohabolagn'i Solomona kô, ze nadikan'i ôlon'i Hezekia, mpanjakan'i Joda. ² Voninahitran'Andriamanitra ny manafin-dra, fa ny mahafantatra an'zany no voninahitry ny mpanjaka. ³ Ôtran'ny haambon'ny lagnitra sy ny alalign'ny tany, no tsy atakaran'ny saigna ny fon'reo mpanjaka. ⁴ Alao am'volafotsy ny taim-bolafotsy ka afaka hampiasa ny volafotsy amin'ny asa tagnany ny mpagnano asa am'vy. ⁵ De ôtran'zany kô, alao akeo agnatrehan'ny mpanjaka ny ôlà ratsy fagnà de ho apetraka am'fagnanôvana an'ze marina ny seza fiandrianany. ⁶ Aza manandra-tegna akeo am'fagnatrehan'ny mpanjaka ary aza mitsangana am'tôrana vôtokana ho an'ny ôlà ambony. ⁷ Tegna tsara raha miteny aminao izy hoe: "Miakara aty," noho ny hagnalany baraka an'nao akeo agnatrehan'ny ôlà manan-kaja raika. ⁸ Aza entina malaky aigny am'fitsarana, ze hitan'ny masonao. Satria ino no ataonao rafa magnano an'ze ahamegnatra an'nao ny mpiara-monina aminao am'farany? ⁹ Hiadivo hevitra akeo aminao sy ny mpiara-monina aminao fôgna ny raharahanao ary aza mamôka ny tsiambaratelon'ny hafa, ¹⁰ fa sao de hitondra fahamegnarana sy laza ratsy momba an'nao le naregny an'nao ka tsy ho laitra ampanginina. ¹¹ Ny paoma volamena akeo am'fitôrana volafotsy de teny nolazaina tam'fotôna mety. ¹² Ny peratra volamena na firavaka natao tam'volamena tegna tsara de anatra maha hendry ho an'ny sofigna mitaino. ¹³ Ny iraka mahatoky de salan'ny hatsekan'ny oram-panala am'fotôna fandidem-bary ho an'reo ze magniraka an'azy; mampiverigna ny aignan'reo tompony izy. ¹⁴ Rôndro sy ny rivotra tsisy orana ze mirehareha am'fagnomezana ze tsy nameny. ¹⁵ Amin'ny faharetana no handresena lahatra ny mpanapaka ary ny lela malefaka de mety hanapaka tôlagna. ¹⁶ Raha mahita tintely anao, de ze ampy an'nao fôgna hohanina__raha tsy zany, de hampandô anao, ny fihinanana betsaka lôtra an'zany. ¹⁷ Aza ampidirina matetika lôtra akao an-dragnon'ny namanao ny tongotrao, mety ho leo an'nao izy ka hankahala an'nao. ¹⁸ Ny ôlà ze mijoro vavolombelona tsy marina momba ny namany de salan'ny kibay, na sabatra, na zana-tsipìka maragnitra ampiasaina amin'ny ady. ¹⁹ Ny ôlà tsy marina ze itokisanao am'fotônan'ny fahorena de salan'ny nify ratsy na tongotra mibolisatra. ²⁰ Ôtran'ny ôlà raika ze magnala ny akanjony amin'ny andro mangatseka, na ôtran'ny vinaigra nafangaro tam'sirahazo ze mikalo hira ho an'ny fo malahelo. ²¹ Raha nôna ny fahavalonao, de ameo ahanina izy hohaniny, ary raha mangetaheta izy de ameo rano ho sotroina, ²² fa hanambatra vain'afo akeo am'lôhany anao ary hamaly soa an'nao i Yaveh. ²³ Ôtran'ny hitondran'ny rivotra avaratra orana tokô, de hamadika ny endrika ho sosy ny lela ze milaza tsiambaratelo. ²⁴ Tegna tsara ny mipetraka akeo am'zoron'ny tafon-tragno toy izay miray tragno amin'ny vady mpiady lava. ²⁵ Ôtran'ny rano mangatseka ho an'ze mangetaheta, ny vaovao mahafaly avy aigny am'firenena alavitra. ²⁶ Salan'ny lôharano vôhosihosy sy fantsakana rava ny ôlà marina mikoy akeo agnatrehan'ny ôlà ratsy fagnà. ²⁷ Tsy tsara ny mihinana tintely be lôtra; ôtran'ny hoe mikaraka voninahitra miampy voninahitra zany. (Fagnamarihina: ny dikanteny am'zao fotôna zao de magnano filazana hafa an'io andininy raika sarotra io). ²⁸ Ny ôlà tsy managna fifehezan-tena de salan'ny tanàna rava sy tsisy manda.