¹ Rafa mentotra hihinana miaraka am'mpitondra anao, de diniho tsara ze akeo agnolônanao, ² ary ambagno moso ny tendanao raha ôlà tè mihinan-kanina be lôtra anao. ³ Aza magniry lôtra ny hanim-piny, fa hanignin'ny lainga zany. ⁴ Aza de miasa mafy lôtra hazaôna harena; hendre tsara hahafantaranao ny fotôna hitsaharana. ⁵ Hamela ny masonao hirehitra am'zany ma anao? Ho dify zany, fa ho hari-elatra ôtra ny voromahery tokô zany ka hagnembagna aigny am'lagnitra. ⁶ Aza mihinana ny hahanin'ny ôlà magnano maso ratsy -- ary aza magniry ny hanim-piny, ⁷ fa karazan'ôlà magnisa ny vidin-kanina izy. "Mihinàna ary misotroa!" ozy izy aminao, kanefa tsy aminao ny fony. ⁸ Halônao ze kely nohaninao ary ho very fôgna ny teny fandokanao. ⁹ Aza mitare akeo an-tsofign'ny adala, satria hagnamavo ny fahendren'ny teninao izy. ¹⁰ Aza magnakisaka ny fefy vato fahizay na magnanika ny sahan'ny kamboty, ¹¹ fa mahery ny Mpagnavotra an'azy regny ary Izy no hisolo vava an'azy reo hanoitra an'nao. ¹² Ampagnikeo fampenarana ny fonao ary teny fahalalana ny sofignao. ¹³ Aza mitsitsy ny fampenarana tsy ho am'zaza, satria raha magnafay an'azy anao, de tsy ho foaty izy. ¹⁴ Anao no tsy maintsy hitaroka an'azy am'tsoraka kakazo ka hamonjy ny fagnany am'Fiaignan-tsy hita. ¹⁵ Ry zanako, raha hendry ny fonao, de ho faly ihany kô ny foko; ¹⁶ hiravoravo ny aigny agnatiko rafa milaza ze marina ny molotrao. ¹⁷ Aza avela hialona an'reo mpagnotra ny fonao, fa mitoera am'fahatahôrana an'i Yaveh lalandava. ¹⁸ Misy tokô ny ho avy ary tsy ho fôgna ny fagnantenanao. ¹⁹ Mitainò -- anao! -- ry zanako, ary hendre ka hampagnarao am'lalan'ny lalana mahitsy ny fonao. ²⁰ Aza minamana am'mamolava, na am'fatra-pihinan-kena, ²¹ fa ny mamolava sy ny tendan-kanina ary reo be torimaso de hahantra ary ny faharendrehana no hampitafy an'azy am'voro-damba. ²² Tainô ny rainao niteraka an'nao ary aza magnano tsinontsino ny reninao rafa antitra izy. ²³ Vidio ny marina, fa aza mivarotra an'zany; mividiana fahendrena, fampenarana, ary fahazavan-tsaigna. ²⁴ Hiravoravo tokô ny rain'ny ôlo-marina, ary ze niteraka zaza hendry de ho faly aminazy. ²⁵ Ôka ny rainao sy ny reninao ho faly ary ôka hiravoravo ze niteraka an'nao. ²⁶ Ry zanako, ameo anà ny fonao ary ôka ny masonao hitandrina ny lalako. ²⁷ Fa ny veivavy janga de lavaka laligna, ary fangalan-drano maety ny veivavy ratsy fitondran-tegna. ²⁸ Mandignindigny ôtrany mpandroba izy ary mampitombo ny isan'reo mpamadika akeo am'zanak'ôlombelona. ²⁹ Iza no misy ozogna? Iza no managna alahelo? Iza no managna ady? Iza no managna fitarainagna? Iza no managna fery tsy akôry akôry? Iza no managna maso mivara-mena? ³⁰ Reo ze mifikitra am'divay, reo ze magnandrana ny divay mifangaro. ³¹ Aza mijery ny divay raha mena zany, rafa manganohano akao am'kapôka zany ka miidigna tsimoramora. ³² Am'farany zany de magnekitra ôtra ny bibilava ary manindrogna ôtra ny menaragna. ³³ Hahita ra hafahafa ny masonao ary ny fonao hamôka ra mamôfady. ³⁴ Ho ôtra ny ôlà ze matory akeo am'ranomasina magnonja anao na matory akeo an-tampon'ny andrin-tsambo. ³⁵ "Namely anà regny," ozy anao, "fa tsy vô za. Nitaroka anà regny, fa tsy tsapako zany. Ovena za no hifô? Hikaraka ho sotròna hafa ndre za."