¹ Aleo misafidy ny laza tsara toy zay be harena ary tsara noho ny volafotsy sy volamena ny sitraka. ² Ny mpanan-karena sy ny mahantra de samy managna an'zany -- Yaveh no mpahary an'azy daôly. ³ Ny ôlà mailo mahita ny loza ka misitrika, fa ny bado kosa mandroso ary mijaly noho zany. ⁴ Ny valisôn'ny fagnetren-tegna sy fahatahôrana an'i Yaveh de harena, voninàtra, ary fiaignana. ⁵ Ny tsilo sy ny fandrika no akeo am'lalan'ny maditra; fa ze miaro ny aignany de hagnalavitra an'azy reo. ⁶ Ampenaro am'zaza ny lalana tokony andianany ary rafa geda izy de tsy hiala am'zany fampenarana zany. ⁷ Manapaka akeo amin'ny ory ny mpanan-karena ary ze mindrana de ho andevozin'ze nampindrana. ⁸ Ze mamafy ny tsy rariny de handidy fahorèna ary halazo ny tsorakakazon'ny fahasoseny. ⁹ Ze managna maso be fentrana de hotahiana, satria mizara ny mofony am'mahantra izy. ¹⁰ Roaso ny mpaniratsira de ho lasana ny fifandirana; hijanona ny ady sy ny fanivativana. ¹¹ Ze tè fo madio sy ze milaza fahasoavana, de hanagna ny mpanjaka ho namany. ¹² Ny mason'i Yaveh de miambina hatraigny ny fahalalana, fa ny tenin'ny mpamadika de ravainy. ¹³ Ny ôlà malaigna magnano hoe: "Misy liona aigny an-dalana! Ho foaty aigny an-kalamanjana za." ¹⁴ Ny vavan'ny veivavy janga de lavaka laligna; mihetsika am'ze daôly latsaka akao ny fahasosen'i Yaveh. ¹⁵ Miraikitra am'fon'ny zaza ny adalana, nefa ny tsoraka kakazo famaizana hampahafaka an'zany. ¹⁶ Ze mampahory ny ôlà mahantra de mampitombo ny harenany, ary ho tonga am'fahantrana ze magnome ny mpanan-karena. ¹⁷ Atsikilagno ny sofignao ary mitainô an'reo tenenin'ny hendry ka hampagnikeo ny fahalalako ny fonao, ¹⁸ satria hahafinaritra an'nao reo raha tandreminao akao aminao, raha vonona akeo am'molotrao izy daôly. ¹⁹ Ho akao amin'i Yaveh noho zany ny fahatokisanao, mampianatra an'nao an'zany za gniany -- anao de anao. ²⁰ Za ma tsy efa nanoratra ohabolagn'ny fampenarana sy fahalalana telopolo ho an'nao, ²¹ mba hampenarana an'nao ny marina am'reo teny hatokisana reo, mba hagnomezanao valin-teny hatokisana am'reo ze nagniraka an'nao? ²² Aza mandrava ny malahelo satria mahantra izy, na magnosihosy ny ory akeo am-bavahady, ²³ fa Yaveh no hisolo vava an'azy reo, ary Izy handroba ny aignan'reo ze nandroba an'azy reo. ²⁴ Aza misakaiza amin'ny ôlà ze fehazin'ny fahasosena ary aza miaraka am'ze romotra, ²⁵ sao anao hianatra ny fanaony ary hahazo fandrika ho an'ny fagnanao. ²⁶ Aza mety ho isan'ze magninji-tagnana am'fiantôna, na madity trosa. ²⁷ Raha tsy managna halô anao, ino ma no hahasakana ny ôlà tsy hialaka ny fandrena handrenao? ²⁸ Aza magnakisaka ny fefy vato fahizay ze efa napetraky ny razagnareo. ²⁹ Mahita ôlà kinga amin'ny asany ma anao? Hitsangana akeo agnolônan'reo mpanjaka izy; tsy hitsangana akei agnolônan'ny ôlà mahazatra izy.