¹ Ny fon'ny mpanjaka de rano mikorigna akeo an-tagnan'i Yaveh; haviliny aigny amin'ny hitiavany an'azy zany. ² Ny lalan'ôlà daôly de mahitsy akeo amasony ihany, fa Yaveh no mandanja ny fo. ³ Ze magnano ny marina sy mahitsy de sitrak'i Yaveh mandombolombo ny sorogna. ⁴ Ny fiavognavognan'ny maso sy fireharehan'ny fo -- ny jiron'ny ratsy fagna -- de fahotana. ⁵ Reo fikasan'ny mazoto de mitarika makaigny am'fagnambinana ihany, fa ny ôlà daôly ze maimaika lôtra de tonga am'fahantrana ihany. ⁶ Ny fahazahôna harena am'lela mandainga de entina mihelina ary fandrika mamono. ⁷ Ny herisetran'ny ratsy fagna de hisintona an'njareo, satria mandà ny hagnano ze rariny zareo. ⁸ Miolakolaka ny lalan'ny ôlo-meloka, fa ny ôlà ze madio de magnano ze marina. ⁹ leo mentotra akeo am'zoron'ny tafo noho ny miray tragno am'vady mpila ady. ¹⁰ Ny hanohanan'ny ratsy fagna de magniry fatratra ny ratsy; tsy mahita fahatsarana akeo am'masony reo namany izy. ¹¹ Rafa faizina ny mpaniratsira, de ho hendry ny kely saigna, ary rafa anarina ny ôlà hendry, de hitana fahalalana izy. ¹² Mandinika ny tragnon'ny ôlà ratsy fagna ny ôlo-marina; mitondra ny ôlà ratsy fagna ho am'loza izy. ¹³ Ny ôlà ze manampina ny sofigny am'fitaraignan'ny mahantra, de mbôla hitaraigna ihany kô, nefa tsy hisy hamaly an'azy. ¹⁴ Ny fagnomezana mangingina mampitony ny hasosena ary ny fagnomezana misitrika de mampilefy ny fahasosena mafy. ¹⁵ Rafa vita ny fitsarana, de mitondra fifalena ho an'ny ôlo-marina zany, nefa mitondra horohoro ho an'reo mpagnano ratsy zany. ¹⁶ Ze mirenireny miala am'lalan'ny fahazavan-tsaigna, de hijanona akao am'fiangonan'ny maty. ¹⁷ Ze tè fahafinaretana de hahantra; ze tè divay sy diloilo de tsy hanan-karena. ¹⁸ Ny ôlà ratsy fagna de solovaika ho an'ny ôlo-marina, ary ny ôlà mpamitaka de vidim-pagnavotana ho an'ny ôlà mahitsy. ¹⁹ Aleo mipetraka aigny an-tany efitra toy zay miaraka am'vady mpifanditra sy sosy. ²⁰ Harena sarobidy sy menaka no akao an-dragnon'ny hendry, fa ny ôlà adala kosa mandany an'reo. ²¹ Ze magnano ny marina sy tsara fagna -- zany ôlà zany de hahita ny fiaignana, fahamarinana, ary voninàtra. ²² Ny ôlà hendry magnanika ny tanàna'reo mahery, ary mandrodana ny ferôvana mafy ze natokisan'reo. ²³ Na iza na iza miambina ny vavany sy ny lelany de miaro ny tegnany am'fahorena. ²⁴ Ny ôlà miavognavogna sy mirehareha__"Mpaniratsira" no agnarany__de magnano fihetsika feno fiavognavognana ²⁵ Ny fagnirin'ny kamo de mahafaty an'azy, satria mandà ny hiasa ny tagnany. ²⁶ Magniry fatratra mandritra ny indray andro manontolo izy, fa ny ôlo-marina de magnome sady tsy kahihitra. ²⁷ Mamparikoriko ny sorogna avy am'ratsy fagna; mamparikoriko mandombolombo aza zany rafa mitondra an'zany amin'ny antony ratsy izy. ²⁸ Ho foaty ny vavolombelona sandoka, fa ny ôlà ze mitaino de hitare am'fotôna daôly. ²⁹ Ny ôlà ratsy fagna de magnamafy ny endrigny, fa ny ôlà mahitsy de matoky am'lalany. (Fagnamarihina: ny sanagny am'reo dikan-teny vaovao de magnano hoe: fa ny ôlà marina mihevitra an'ze handianany.) ³⁰ Tsisy fahendrena, tsisy fahalalana, ary tsisy torohevitra afaka mijoro hanoitra an'i Yaveh. ³¹ Ny sôvaly nomagnina ho amin'ny andron'ny ady, nefa an'i Yaveh ny fandresena.