¹ Ny divay de mpaniratsira ary ny zava-pisotro mahery de mpitabataba; ze vôvily lalana am'fosotròna am'lalan-diso de tsy hendry. ² Ny tahotra ny mpanjaka de ôtra ny tahotra ny liona tanora ze mitrerogna; ze mampahasosy an'azy de magnary ny aignany. ³ Voninàtra ho an'ny daôly ny misoroka fifamalena, fa ny adala daôly de mentsampy am'fiadivan-kevitra. ⁴ Ny ôlà kamo de tsy miasa tany am'lôtaona; mitady vokatra izy am'fararano fa tsy hahazo na ino na ino. ⁵ Ny tanjona akao am-pon'ny ôlà de sala ny rano laligna, fa ny ôla ze manam-pahalalana kosa hamôka an'azy. ⁶ Betsaka ny ôlà milaza fa tsy mpivadika, nefa iza no afaka hahita ôlà hatokisana? ⁷ Ny ôlà marina de mande am'fahitsina, ary reo zanagny ze mandimby an'azy afarany de ho tahiana. ⁸ Ny mpanjaka ze mipetraka akeo am'seza fendrianany magnatanteraka an'reo adidin'ny mpitsara de manivana an'reo ratsy dôly ze akeo alôny am'masony. ⁹ Iza no afaka mitare hoe: "Efa nitana ny foko hadio za, afaka amin'ny otako za"? ¹⁰ Ny mizana tsy mitovy lanja sy ny fandrifesana tsy mitovy-- de samy halan'i Yaveh. ¹¹ Na ny tanora aza de fantatra amin'ny ataony, raha madio sy mahitsy ny fitondran-tegnany. ¹² Ny sofigna ze maregny ary ny maso ze matazagna-- de samy nataon'i Yaveh daôly reo. ¹³ Aza be torimaso ndraindray ho tonga am'fahantrana anao; sokafo ny masonao de hanan-kohanina be anao. ¹⁴ "Ratsy! ratsy!" ozy ny mpividy, fa rafa lasana izy de mirehareha. ¹⁵ Misy ny volamena sy vato lafo vidy betsakabe, fa ny molotry ny fahalalana de firavaka sarobidy. ¹⁶ Alao ny akanjon'ze nampisy fiarôvana ho an'reo vahiny, ary tano ho antoka zany raha magnisy fiarôvana ho an'ny veivavy ratsy fitondran-tegna izy. ¹⁷ Mamy ny tsiron'ny mofo azo am'fitaka, nefa rafa afaka zany de feno vatokely ny vavany. ¹⁸ Reo paika de vôlamin'ny torohevitra ary ny amin'ny tari-dalana hendry ihany no tokony hitondranao ny ady. ¹⁹ Ny fifosàna mamôka tsiambaratelo ary noho zany de tsy tokony hiaraka am'reo ôlà ze mpiteniteny fôgna anao. ²⁰ Raha misy ôlà magnozona ny rainy sy ny reniny, de ho foaty akeo ampovôn'ny aizigna ny jirony. ²¹ Ny lova azo mora fôgna aigny am-piandohana de tsy de hahasoa aigny am-parany. ²² Aza mitare hoe: "Hamaly an'nao noho iny ratsy iny za!" Mandignesa an'i Yaveh de hamonjy an'nao Izy. ²³ Halan'i Yaveh reo vato fandanjana tsy mitovy ary ny mizana tsy marina de tsy tsara. ²⁴ Ny den'ny ôlà de taritin'i Yaveh; ka manakôry no ahalalany ze lalany? ²⁵ Fandrika ho an'ny ôlà ny miteny an-kamehana hoe: "Masina ty ra ty," ary rafa avy nagnano ny voadiny vao manomboka mieritreritra ze dikany. ²⁶ Ny mpanjaka hendry de manivana ny ratsy fagna ary mamadika ny kodiaran'ny fikororohana akeo aminjareo. ²⁷ Ny fagnan'ny ôlà no jiron'i Yaveh, mikaraka an'reo singa agnatiny ndrindra. ²⁸ Tsy fivadem-pagnikena sy fahamendreham-pitokisana no miaro ny mpanjaka; ny seza fendrianany de vôaron'ny fitiavana. ²⁹ Ny voninàtran'reo gaondà de tsy ny tanjany ary ny famirapiratan'ny ôlà antitra de ny volofitsiny. ³⁰ Reo familesana ze mandratra mangala ny ratsy ary ny taroka de mahatonga ny aigny agnaty laligna hadio.