¹ Tsara tegna tsara ny ôlà mahantra ze mande am'fahitsiny noho ny ôlà mivadika am'teniny ary adala. ² Ary kô, tsy tsara ny managna fagnirina tsisy fahalalana ary ze mihazakazaka mafy lôtra de ho diso lalana. ³ Ny hadalan'ny ôlà no mamotika ny fiaignany ka amin'i Yaveh no sosy ny fony. ⁴ Mahabe namana ny harena, fa ny ôlà mahantra kosa de tafasaraka am'reo namany. ⁵ Ny vavolombelona sandoka de tsy ho afa-maigna ary ze mamôka lainga de tsy ho afa-bela. ⁶ Maro ny hila sitraka amin'ôlà malala-tagnana ary ny daôly de naman'ze manolotra fagnomezana. ⁷ Halan'ny rahalàny daôly ny ôlà mahantra; ka maika fa reo namany ze magnalavitra an'azy! Hagnantso an'njareo izy, nefa efa lasana zareo. ⁸ Ze mahazo fahendrena de tè ny aignany; ze mitana ny fahalalana de hahita soa. ⁹ Ny vavolombelona sandoka de tsy ho afa-maigna, fa ze mamôka lainga kosa de ho foaty. ¹⁰ Tsy manjary amin'ny adala ny miaigna amin'ny harena mahafinaritra-- mainka fa ny hanapahan'ny andevo akeo am'reo andriandahy. ¹¹ Ny fahamalinana mahatonga ny ôlà tsy ho mora sosy ary voninàtra ho an'azy ny tsy mitazagna ny fahadisôna. ¹² Ny fahasosen'ny mpanjaka de ôtra ny fitrerogn'ny liona tanora, fa ny sitrany kosa de ôtra ny ando amin'ny ahitra. ¹³ Ny zanaka adala de faharavana ho an'ny rainy ary ny vady mpifanditra de ôtra ny rano mitete tsy tapaka. ¹⁴ Ny tragno sy harena lo lova avy am'ray aman-dreny, fa ny vady hendry kosa no avy amin'i Yaveh. ¹⁵ Ny hakamôna de mandatsaka ny ôlà agnaty torimaso laligna, fa ze tsy vonona hiasa kosa de ho nôna. ¹⁶ Ze mankatò ny didy de miaro ny aignany, fa ny ôlà ze tsy mihevitra ny lalany kosa de ho foaty. ¹⁷ Re daôly ze mihantra ny mahantra de mampisambotra an'i Yaveh ary honerany izy noho reo ze nataony. ¹⁸ Fehezo ny zanakao lahy dieny misy fagnantenana ary aza entim-pagnirina hamono an'azy. ¹⁹ Ny ôla be kizintigna de tsy maintsy magnefa ny sazy; raha mamonjy an'azy anao, de tsy maintsy hamerigna an'zany fanindrôny anao. ²⁰ Tandrigneso ny torohevitra ary ekeo ny fampenarana, mba ho tonga hendry anao aigny am'fefaran'ny fiaignanao. ²¹ Betsaka ny fikasàna akao am-pon'ny ôlà, fa ny tanjon'i Yaveh no haharitra. ²² Ny tsy fivadena no irian'ny ôlà ary tsara kokô ny ôlà mahantra noho ny mpandainga. ²³ Ny fagnomezam-boninàtra an'i Yaveh no mitarika ny ôlà am'fiaignana; ze daôly managna an'zany de ho afa-po ary tsy ampahoren'ny ratsy. ²⁴ Ny kamo de handevigna ny tagnany akao agnaty vile; tsy hamerigna hampiakatra an'zany akao am-bavany izy. ²⁵ Vileso ny mpaniratsira, de ho mailo ny ôlà bado; anaro ze ôlà manan-tsaigna, de hahazo fahalalana izy. ²⁶ Ze mandroba ny rainy ary mandroaka ny reniny de zanaka mitondra hegnatra sy fahafaham-baraka. ²⁷ Raha mijanona ny mihaino fampianarana anao, ry zanako lahy, de hania hiala am'reo tenin'ny fahalalana anao. ²⁸ Ny vavolombelona mpivadika de maniratsira ny fitsarana ary ny vavan'ny ratsy fagna miteligna heloka. ²⁹ Vonona ho an'reo mpaniratsira ny fanamelòna ary ny taroka ho am'lakambon'ny adala.