¹ Ze mitokantegna de mikaraka ny fagniriny manokana ary mifanditra am'fitsaràna tsara daôly izy. ² Ny adala de tsy mahita fahafinaretana am'fahazavan-tsaigna, fa am'fanambarana ze akao am-pony ihany. ³ Rafa misy ôlà ratsy fagna tonga, de tonga miaraka aminazy ny fagnamavôna -- miaraka am'hegnatra sy fahafaham-baraka. ⁴ Rano ny tare avôkan'ny vavan'ny ôlà; ary rano miboiboika ny loharanon'ny fahendrena. ⁵ Tsy tsara ny miangatra amin'ny ôlà ratsy fagna, na mandà ny rariny amin'ny ôlo-marina. ⁶ Ny molotry ny adala de mitondra ady ho an'azy ary ny vavany mikatsika taroka. ⁷ Ny vavan'ny adala no faharavàny ary mamandrika ny tegnany am'molony izy. ⁸ Ny tenin'ny mpifosa de ôtra ny poti-kanina matsiro ary midigna aigny agnatin'ny vatagna reo. ⁹ Ze mivagnavagna amin'ny asany ihany kô de rahalàn'ze tegna mamotika. ¹⁰ Tilikambo mahery ny agnaran'i Yaveh; mihazakazaka mankao ny marina ka vôaro. ¹¹ Ny harenan'ny mpanan-karena no tanàna vôarony ary sala ny manda ambo akao agneritreriny. ¹² Melô ny faharavàny de mirehareha ny fon'ny ôlà, fa ny fagnetrentegna no tonga alôn'ny voninàtra. ¹³ Ze mamaly alôn'ny fitainòna -- de adalana sy hegnatra ho anazy zany. ¹⁴ Zakan'ny fagnahin'ny ôlà ny fahararena, fa iza no hahazaka an'zany fagna torotoro zany? ¹⁵ Ny fon'ny manan-tsaigna de mandranto fahalalana ary ny sofin'ny hendry mikaraka an'zany. ¹⁶ Ny fagnomezan'ny ôlà de mety hanokatra lalana sy hitondra an'azy akeo agnolônan'ny ôlom-be. ¹⁷ Ze vôlôny mitondra ny raharahany de ôtra ny marina mandra-patongan'ny mpifagnandrina aminazy ka hagnontany an'azy. ¹⁸ Ny filokana de mandamina fifandirana sy magnasaraka an'reo mpifagnandrina mahery. ¹⁹ Ny rahalà tafitòna de sarotra azo noho ny tanàna mahery, ary ny fifandirana ôtra ny hidin'ny lapa. ²⁰ Avy am'vokatry ny vavany no mahafeno ny kibon'ôla raika; am'vokatry ny molony no mahafa-po an'azy. ²¹ Ny fahafatesana sy aigna de fehezin'ny lela, ary reo ze tè ny lela de hihinana ny vokany. ²² Ze leilà mahita vady de mahita ra tsara ary mahazo sitraka amin'i Yaveh. ²³ Ny ôlà mahantra de mengavy famindram-po, fa ny ôlà manan-karena kosa mamaly maseka. ²⁴ Ze milaza managna namana betsaka de ho ravainjareo,fa misy namana ze ankeky mandombolombo ny rahalà.