¹ An'ny ôla ny fikasan'ny fo, fa avy am'i Yaveh ny valinteny farany avy am'lelany. ² Ataon'ny ôla fa madio daôly ny lalana andianany, kanefa Yaveh ihany no mandanja ny fagnahiny. ³ Ankigno am'Yaveh ny asanao de ho lavorary ze kasainao. ⁴ Nataon'i Yaveh misy antony daôly, na ny ratsy fagnahy aza de nataony mahita loza amin'ny andrompahorena. ⁵ Mankahala ny ôla daôly ze managna fo miavognavogna Yaveh, azo antoka fa ataony tsy afa-miaigna ze magnano an'zany. ⁶ Am'tsy fivadem-panekena sy ny fahamarinana no hagnavotana amin'ny heloka ary am'fahatahôrana an'i Yaveh no hialan'ny ôla am'ratsy. ⁷ Rafa ankasitrahan'i Yaveh ny lalan'ny ôla, na ny fahavalon'izany ôla zany aza de ataony mihavana aminazy. ⁸ Aleo kely azo am'fahamarinana, toy izay vola be azo am'tsy rariny. ⁹ Akao ampony no handinin'ny ôla ny lalana andianany, fa Yaveh ihany no mampizotra ny deny. ¹⁰ Fanapan-kevitra lalina no am'molotry ny mpanjaka, fa ny vavany de tsy mba hamadika ny rariny. ¹¹ Avy am'Yaveh ny fandanjana ny marina; fa ny lanja daôly am'kitapo de asany. ¹² Rafa magnano ratsy ny mpanjaka, de tokony atao ra tsisy dikany zany, satria ny seza fiandrianana de miorina am'fagnanôvana ny marina. ¹³ Faly am'molotra milaza ny marina ny mpanjaka, ary de teny ny ôla miteny ny marina. ¹⁴ Ny hasosen'ny mpanjaka de iraky ny fahafatesana, fa ny olon-kendry kosa de hiezaka hampisava ny hasoseny. ¹⁵ Am'ny fahamiramiran'ny tavan'ny mpanjaka ny fiaifnana ary ny fankasitrahany de sahala am'rôndro mitondra oran-dôtaona. ¹⁶ Tsara ny mahazo fahendrena, noho ny mahazo volamena. Aleo mifidy ny mahazo fahazavan-tsaigna toy izay mahazo volafotsy. ¹⁷ Ny lalam-ben'ny marina de miala am'ratsy; ary ze miaro ny aignany de mitandrina ny lalany. ¹⁸ Mialô ny faharavana ny fireharehana, ary ny fagnahy mieboebo de mialô ny fahalavôna. ¹⁹ Tsara ny magnetri-tegna am'reo ôla maharitra toy zay mizara an'ze nibabona amin'ny ôla mpirehareha. ²⁰ Ireo ze daôly mandinika an'ze nampianarina an'azy de ahita soa, ary reo ze mitoky am'Yaveh de ho tahina. ²¹ Am'ze hendry ampo no lazaina fa manan-tsaigna ary ny hamamin'ny teny no mampivôtra ny fahaizamampianatra. ²² Ny fahaizavan-tsaigna de lôranon'aigna hoan'ze managna an'zany, fa ny fampianaran'ny adala de ny fahadalany. ²³ Ny fon'ny olon-kendry magnome saigna ny vavany ary mandresy lahatra ny molony. ²⁴ Ôtran'ny tragnon-tintely ny teny mahafinaritra ary mamin'ny fagnahy sy fagnasitagnana hoan'ny tôlagna. ²⁵ Misy lalana heverin'ny ôla ho marina, kanefa ny fiafarany de lalana mankaigny amin'ny fahafatesana. ²⁶ Miasa ho an'ny tegnany ny mpiasa, fa ny hanoanany no manesika an'azy. ²⁷ Ny ôla tsisy varany de magnano ankasoparana, fa ny teniny de ôtran'ny afo mandoro. ²⁸ Ny ôla ratsy fetondrantegna de magnetsika ady ary ny mpifosa de mampisaraka ny mpinamana ankeky. ²⁹ Ny ôla maherisetra de mandainga am'namany ary mampivarena an'azy am'lalana tsy tsara. ³⁰ Ze mipi-maso de mitetika ra-ratsy; fa'reo ze magneki-molotra de magnano ratsy. ³¹ Ny volofotsy de satro-boninahitra; fa azo avy am'fiaignana sy ny lalana marina zany. ³² Tsara ny tsy mora sosy noho ny miady ary ny ôla mitondra ny fagnahiny de mahery noho ny ôla ze mambabo tanàna raika. ³³ Ny filokana de atsipy akeo ampofôna, fa ny fanapankevitra de avy am'Yaveh.