¹ Ny valin-teny moramora de mampilamina ny hasosena, fa ny teny maharary kosa mahatonga fahasosena. ² Ny lelan'ny hendry mahatonga fahaizana, fa ne vavan'ny adala kosa mamôka hadalana. ³ Fa am'zao tany daôly zao ny mason'i Yaveh, fa mandenika ny ratsy fagnahy sy ny tsara fagnahy izy. ⁴ Ny leila magnasitrana de kakazon'aigna, fa ny lela mpamitaka de mandratra ny fagnahy. ⁵ Ny adala de magnamavo ny fagnanaran-drainy, fa ze mandramby ny fagnanarana no hendry. ⁶ Akao andragnon'ny ôlo-marina no misy harembe, fidiram-bolan'ny ratsy fagnahy kosa de magnome fahorena an'azy. ⁷ Ny molotry ny hendry de magnaparitaka fahaizana amampahalalana, fa tsy ôtran'zany kosa ny fon'reo adala. ⁸ Mankahala ny fagnatitr'reo ôla ratsy fagnahy Yaveh, fa ny vavaky ny ôlo-mahintsy no sitragny. ⁹ Mankahala ny fomban'ôla ratsy fagnahy Yaveh, fa ze magnaraka ny marina no teny. ¹⁰ Famaizana mafy ny mahazo ny ôla mivily lalana, ary ze mankahala fagnanarana de ho foaty. ¹¹ Ny fiaignan-tsy hita sy ny fandringianana aza de miharihary agnatrehan'i Yaveh; ka maika fa ny fon'ny zanak'olombelona? ¹² Ny mpaniratsira de sosy amin'ny fagnanarana an'azy; tsy hankaigny amin'ny hendry mintsy izy. ¹³ Ny fo ravoravo de mahamiramiran-kendrika, fa ny alahelon'ny fo kosa de mandreraka ny fagnahy. ¹⁴ Ny fon'ny manan-tsaigna de mikaraka fahendrena, fa ny vavan'ny adala mihinana fahadalana ihany. ¹⁵ Ratsy daôly ny andron'ny ory daôly, fa ny fo ravoravo de miramirana lalandava. ¹⁶ Aleo kely amin'ny fahatahôrana an'i Yaveh toy'zay harem-be misy tsi-fahamarinana. ¹⁷ Aleo ahanina misy laoka agnana feno fitiavana, toy izay aomby mifahy arahin-dromoromo. ¹⁸ Ny ôla mora sosy de tsy ialan'ady, fa ny ôla mahay manindry fo de mahay magnafôgna ny fifandirana. ¹⁹ Ny lalan'ny kamo de ôtran'ny tôrana misy bako tsilo, fa ny lalan'ny mahitsy de ôtran'ny lalambe vômbôtra tsara. ²⁰ Ny zanaka hendry de mitondra fifalina hoan'ny rainy, fa ny ôla adala de magnano tsisy dikany ny reniny. ²¹ Mahafinaritra ny ôla tsy ampy saigna ny adalana fa ze manan-tsaigna de momba amin'ny lalana mahitsy. ²² Mandamoka ny tetika rafa tsy ampy fandinina, kanefa refa misy mpanolontsaigna de mahomby zany. ²³ Mahita hafalina ny ôla rafa magnome valiny mahafapo izy tsara ny teny rafa vôlaza amin'ny fotônany! ²⁴ Mitondra ny ôlon-kendry miaraka agnambo ny lalam-piaignana mba hagnalaviran-jareo ny fiaignan-tsy hita aigny ambanin'ny tany. ²⁵ Ho poten'i Yaveh ny lovan'ny mpirehareha, fa miaro ny fanagnan'ny mpitondra tegna izy. ²⁶ Mankahala ny fisaignan'ny ôla ratsy fagnahy Yaveh, fa ny tenin'ny tsara fagnahy de madio. ²⁷ Mitondra olagna am'fianakaveny ny mpangalatra, fa ny ôla mankahala tsolotra de ho velona. ²⁸ Ny fon'ny marina de misaintsaigna alôn'ny hamaleny, fa ny vavan'ny ratsy fagnahy kosa mamôka ny ratsy akao ampony. ²⁹ Lavitra an'ze ratsy fagnahy Yaveh, fa mitaino ny vavaky ny ôlo-marina Izy. ³⁰ Ny fahazavan'ny maso de mitondra fifalina amin'ny fo, fa ny vaovao tsara de fahasalamana hoan'ny vatagna. ³¹ Raha magneky ny fagnitsina ataon'ôla am'momba ny fiaignanao anao, de hipetraka amin'ny tôran'reo ôla hendry. ³² Ze mandà anatra de magnano tsisy dikany ny tegnany, fa ze mino fagnanarana kosa de mahazo fahazavan-tsaigna. ³³ Mampianatra fahendrena ny fatahôrana an'i Yaveh, ary fagnetrentegna no mialô ny voninahitra.