¹ Ny veivavy hendry manangana ny tragnony, fa ny veivavy adala de mandrava an'zany amin'ny tagnany. ² Ze mande mahitsy no matahatra an'i Yaveh, fa ze tsy marina am'ny lalany de magnano tsisy dikany an'Azy. ³ Am'ny vavan'ny adala no mahatonga fireharehana, fa ny molotry ny hendry no hiaro an'azy reo. ⁴ Refa tsisy ny biby tarizina de madio ny lokaloka fihinanany, fa mitombo de ny vokatra azo am'ny tanjaky ny aomby. ⁵ Ny vavolombelona tsara de tsy mandainga, fa ny vavolombelona satonka de mamôka lainga. ⁶ Mikaraka fahendrena ny mpagneso fa tsy mahita, fa ho azon'ze manantsaigna mora fôgna ny fahalalana. ⁷ Mialà amin'ny ôla adala, fa tsy ahazo fahalalana akeo am'ny molony anao. ⁸ Ny fahendrena amin'ny ôla mahiran-tsaigna de mahafantatra ny lalana andianany, fa ny fahadalan'ny adala de fitaka. ⁹ Magneso reo adala refa vita ny sorogny ny fagnatitra noho ny heloka, fa vôzara am'reo mahitsy ny fankasitrahana. ¹⁰ Ny fo mahafantatra ny ngidin'ny alahelony ary tsisy vahiny mizara ny hafaleny. ¹¹ Ho ravana ny tsagnon'ny ôla ratsy fagnahy, fa hambinina kosa ny tragnon'ny ôla-marina. ¹² Misy lalana heverin'ny ôla ho marina, kanefa ny farany mitarika mankaigny amin'ny fahafatesana. ¹³ Na de mihomehy aza ny fo, kanefa mety hanaintaigna ihany ka hiafara amin'ny alahelo ny hafalena. ¹⁴ Ze tsy marina de ahazo an'ze vokatry ny lalany, fa ny ôla tsara de ahazo an'ze an'azy. ¹⁵ Fa ny bado de mino ny ra daôly, fa ny ôla mandinika kosa mieritreritra ny deny. ¹⁶ Matatra ny ôla hendry, ka miala amin'ny ratsy, fa ny adala kosa de mitrôtra ka matoketoky fôgna. ¹⁷ Ny ôla mora sosy de mahavita hadalana, ary ny ôla ze magnano teti-dratsy de ankahalaina. ¹⁸ Ny bado de mandova fahadalana, fa ny ôlon-kendry kosa no ampisatrôna ny satroboninahitry ny fahaizany. ¹⁹ Ny ôlon-dratsy de hiankohoka agnatrehan'ny tsara fagnahy ary ze ratsy fagnahy kosa hiankohoka akeo ambaravaragnin'ny ôlo- marina. ²⁰ Ankahalaina ny ôlo-mahantra na de reo namany aza, fa ny ôla manankarena kosa mana-namana betsaka. ²¹ Ze magnamavo ny namany de magnota, fa sambatra ze miantra ny mahantra. ²² Tsy reo ze magnano teti-dratsy ma ny mande amin'ny hevi-diso? Fa reo ze mikasa hagnano ny tsara de ahazo fahamarinana sy famindrampo. ²³ Avy amin'ny asa mafy daôly no ahazaôna vokatra, fa raha resaka fôgna, de mitarika mankaigny am'ny fahantrana'zany. ²⁴ Satro-boninahitry ny ôlo hendry ny harenany, fa ny adalan'ny adala mitondra hadalana ho an'azy. ²⁵ Ny vavolombelona marina de magnavotra aigna, fa ny vavolombelona santoka mamôka lainga. ²⁶ Refa matahatra an'i Yaveh ny ôla, de managna fahatokisana be an'azy ko izy; reo ra reo de salan'ny tôrana fiarôvana mafy ho am'zanak'izany leilà zany. ²⁷ Ny fatahôrana an'i Yaveh de lôranon'aigna, mba ahafahan'ny ôla miala am'reo fandriky ny fahafatesana. ²⁸ Araky ny hamarôn'ny vahôkany ny voninahitry ny mpanjaka, fa raha tsisy ny vahôka de rava ny fitondrany. ²⁹ Ny ôla manam-pahaizana be no maharitra, fa ny ôla mora sosy de mora magnano hadalana. ³⁰ Ny fo milamina de aigna hoan'ny vatagna, fa ny fialonana de mahalò ny tôlagna. ³¹ Ze mampahory ny mahatra de mangala baraka ny mpamorona an'azy, fa miantra ny fadiranovana de magnome vovninahitra an'azy. ³² Ny ôla ratsy fagnahy deahetrin'ny asa ratsiny, fa ny ôlo-marina de hanan-kialofana na amin'ny fahafatesana aza. ³³ Ny fahendrena mipetraka ampon'ny mahalala, fa na de akao amin'ny adala aza de ataony fantatra ny aminazy. ³⁴ Ny fagnanôvana ny marina no mampisondrotra ny firenena, fa ny fahotana de fahafambaraka ny ôla daôly. ³⁵ Ny fankasitrahan'ny mpanjaka de amin'ny mpanompo manantsaigna ze miasa tsara, fa ny hasoseny de am'ze magnano asa maha megnatra.