¹ Na iza na iza te fagnanarana de te fahalalana, fa adala ze mankahala fagnitsina. ² Yaveh de magnome sitraka ny ôla tsara, fa magnameloka ny ôla ze magnano teti-dratsy Izy. ³ Ny ôla de tsy hotafatombigna am'faharatseny, fa ny ôla-marina tsy azo hofongorona. ⁴ Ny vady hendry de satro-boninahitr ny vadiny, fa ze mitondra hegnatra de salan'ny mitondra aretina ze maha-lò ny tôlagny. ⁵ Maitsy ny fikasan'ny marina, fa mifogny fitaka ny toro-hevitry ny ratsy. ⁶ Ny tenin'ny ôla ratsy fagnahy de mitetika ny hamono sy mampididoza fa ny tenin'ny maitsy kosa de miaro an'azy ireo. ⁷ Ny ôla ratsy fagnahy de haringana tsy ho akeo ntsony, fa ny tragnon'ny ôla-marina kosa de hitsangana. ⁸ Deraina amin'ny habetsaky ny fahendrena hanagnany ny ôla, fa ze managna safidy ratsy kôsa de atao tsisy dikany. ⁹ Tsara ny managna tôrana ambany, na de mpanompo fôgna aza, toy'zay mirehareha am'ny fahamboniana kanefa tsy manan-kohanina. ¹⁰ Ny ôla-marina de mitsimbina ny momba an'ireo bibiny, fa na de ny fangoraham-pon'ny ratsy fagnahy aza de lozabe. ¹¹ Ze miasa ny taniny de hanagna ahanina betsaka, fa na iza na iza magnano an'reo tetikasa tsisy dikany de tsisy saigna. ¹² Ny ôla ratsy fagnahy de magniry an'ze nangalarin'ny ôlon-dratsy tamin'ny ôlon'kafa, fa ny vokaty ny ôlo-marina kosa de av am'ny tegnan'jareo ihany. ¹³ Ny ôlon-dratsy de vôfandriky ny vavaratsiny, fa ny ôlo-marina kosa de lavitry ny olagna. ¹⁴ Avy am'ny vokatry ny tenin'ny ôla no ahazaôny ra-tsara, de ôtran'ny hamalena an'azy ny asan'ny tagnany tsara ihany. ¹⁵ Ny lalan'ny adala de marina akeo amasony ihany, fa ny ôlon-kendry kosa mitaiko toro-hevitra. ¹⁶ Ny hasosen'ny adala de fantany hatramin'ny vôlôny, fa ze tsy miraharaha ny fangalam-baraka ihany no hendry. ¹⁷ Ze mitare ny marina de milaza ny rariny, fa ny fijoròna vavolombelona diso de milaza lainga. ¹⁸ Ny tenin'ze miresadre-pôgna na reo magnano teny tsy tsarôna de salan'ny fanindrognan'ny sabatra, fa mitondra fagnasitragnana kosa ny lelan'ny hendry. ¹⁹ Ny molotra marina de maharitra mandrakizay, fa ny lela mpandainga kosa de mandritra ny fotôna fohy ihany. ²⁰ Misy fetaka ny ampon'reo ze magnano teti-dratsy, fa hafalena kosa no avy am'reo misaigna fiadanana. ²¹ Tsisy aretina ahazo ny ôla-marina, fa ny ôla ratsy fagnahy kosa de tsy ialan'olagna. ²² Mankahala ny molotra mandainga Yaveh, fa reo ze maigna amin'ny fahatokisana kosa ny sitragny. ²³ Ny ôlon-kendry de tsy mampideradera fôgna ny fahaiza amampahalalany, fa ny fon'ny adala kosa de mamôka fahadalana. ²⁴ Ny tagnan'ny mazoto de mahavelom-pagnantignana, fa ny kamo kosa de idiram-pahorena. ²⁵ Ny alahelo tafalatsaka akao ampon'ny ôla de mampitagnondrika an'azy, fa ny teny tsara kosa de mahavelombolo an'azy. ²⁶ Ny ôlo-marina de mitaredalana ny namany, fa ny lalan'ny ratsy fagnahy kosa de mitarika an'azy reo am'lalan-diso. ²⁷ Ny ôla kamo de tsy mba magnatona ny hazany, fa ny ôla mazoto kosa ahazo harena sarobidy. ²⁸ Ireo ze mande am'ny lalana marina de mahita fiaignana ary tsisy fahafatesana am'ze andianany.