¹ Halan'i Yaveh ny mizàna mandainga tsy marina, fa kosa mankasitraka ny lanja marina Izy. ² Raha tonga ny fieboebòna de ho avy ny fahafam-baraka, fa avy am'fagnetren-tegna no hieven'ny fahendrena. ³ Ny tsy fivaden'ny maitsy no mitari-dalana an'azy reo, fa ny lala-meloky ny mpivadika de mamotika an'azy reo. ⁴ Zava-pôgna ny harena amin'ny andron'mampasosy, fa ny fagnanôvana ny marina de miaro an'nao amin'ny fahafatesana. ⁵ Ny fitondran-tegna marina iaignan'ny tsy manan-tsigny de mampahitsy ny lalany, fa ny ratsy fagnahy de ho foaty noho ny haratsempagnahiny. ⁶ Ny fitondran-tegna tsaran'ze mahafaly an'Andriamanitra de miaro an'azy, fa ny mpivadika de toden'ny ataony. ⁷ Rafa maty ny ôla ratsy fagnahy, de potika ny fagnantenany ary ny fagnantenana ze takao am'tanjagny de manjary zava-pôgna. ⁸ Ny olo-marina de harôvana ho lavitry ny fahorena fa tonga am'ratsy fagnahy kosa zany. ⁹ Avy amin'ny vavany no amotehan'ny mpaniratsira ny namany, fa amin'ny fahalalana no erôvana ny ôla-marina. ¹⁰ Refa ambinina ny ôla-marina de miravoravo ny tanàna; rafa potika ny ratsy fagnahy, de misy horakorampifalena. ¹¹ Avy am'fagnomezantsoa ze am'reo mahafaly an'Andriamanitra no mahatonga ny tanàna ho geza; avy am'vavan'ny ratsy fagnahy no mahapotika ny tanàna. ¹² Ny ôla ze magnamavo ny namany de tsisy saigna, fa ny ôla managna fahazavan-tsaigna de mangina. ¹³ Fa ze daôly lasa mpagnendrikendrika de mamôka tsiambaratelo, fa ny ôla atokisana de mahay mitahiry ny ra- sarobidy. ¹⁴ Raha tsy hendry ny mpitondra de ho rava ny firenena, fa ny fandresena de tonga fangalana hevitra am'mpanolontsigna maro. ¹⁵ Na iza na iza mampindram-bola ny vahiny de hijaly mafy tokô, fa ze mankahala ny fagnomezana antoka am'zany karazagna toky zany no vôaro. ¹⁶ Ny veivavy tsara fagnahy de mahazo voninahitra, fa ny ôla maseka de mangoron-karena. ¹⁷ Ny ôla tsara fagnahy de magnome tombony hoan'ny tegnany, fa ze lozabe de mandratra ny tegnany. ¹⁸ Ny ôla ratsy fagnahy de mandainga mba ahazaôny ny karamany, fa ze mamafy ny marina de mahazo ny karamany am'fahamarinana. ¹⁹ Ny ôla marina ze magnano ra-manjary de ho velona, fa ze magnaraka ny ratsy de ho foaty. ²⁰ Yaveh de mankahala an'ze managna fo mivadika, fa mankasitraka kosa an'reo ze mande tsy manantsigny Izy. ²¹ Izao no atôvo azo antoka_ ny ôla ratsy fagnahy de tsy ho afa-maigna, fa reo taranaky ny ôlo-marina de ho vôaro. ²² Ny veivavy tsara tarehy tsy manampahendrena de salan'ny kavim-bolamena amin'ny oron-kiso. ²³ Ny fagnirin'ny ôlo-marina de miafara amin'ny tsara, fa fahavignirana ihany no azon'ny ôla ratsy fagnahy antenaina. ²⁴ Fa misy mamafy voa de mahavokatra sy ahangona be izy, fa ny sasagny ze tsy mamafy kosa de tonga mahantra izy. ²⁵ Ny ôla mahalala tagnana de ambinina ary ze magnome rano ny hafa de hanagna rano hoan'ny tegnany. ²⁶ Ozognon'ny ôla ny leilà mandà tsy hivarotra vokatra fa ny fagnomezan-tsoa no satroboninahitry ny lôn'ze mivarotra an'zany. ²⁷ Ze tegna mikaraka ny tsara de mikaraka sitraka ihany kô, fa ze mikarakara ny ratsy de hatazagna an'zany. ²⁸ Ireo ze matoky ny harenany de ho lavo, fa ôtran'ny ravina maintso, no hamokaran'ny ôlo-marina. ²⁹ Ze mitondra korotana akao am'fianakavinany de handova rivotra ary ny adala de hanjary mpanompon'ny hendry am-po. ³⁰ Ny ôlo-marina de salan'ny kakazon'aigna, fa ny herisetra de mangala aigna. ³¹ Fa, ny ôlo-marina de mandramby ze sahaza an'azy; mainka fa ny ratsy fagnahy sy ny mpagnota!