¹ Ohabolagn'i Solomona. Ny zanaka handry mahafaly ny rainy fa ny zanaka adala mampitondra alahelo ny reniny. ² Ny harena nangonina tamin'ny faharatsina de tsy manandanja fa ny fagnanôvana ny marina no miaro an'nao am'ny fahafatesana. ³ Tsy avelan'i Yaveh ho nôna ny fagnahin'ny ôlo-marina, fa magnafôgna an'reo fagniren'ny ratsy fagnahy Izy. ⁴ Ny tagnana kamo no antony mampahantra ny ôla, fa ny tagnan'ny ôla mazoto mahazo harena. ⁵ Ny zanaka hendry magnangona vokatra am'ny fahavarata, fa mahamegnatra an'azy ny matory mandritra ny fampakarambokatra. ⁶ Ireo fagnomezana avy amin'Andriamanitra de akeo am'lôn'ny ôla-marina, fa ny vavan'ny ratsy fagnahy de magnanno herisetra. ⁷ Ny ôlo-marina mampifaly an'reo ze mahatsiaro an'azy, fa ny agnaran'ny ratsy fagnahy de ho potika. ⁸ Ireo ze hendry magneky ny didy, fa ny adala mahay vava de ho rava. ⁹ Ze mande amin'ny fahamarinana de mande ampelaminana, fa ze magnano ny lalany ho meloka, de hiarihary izy. ¹⁰ Ze mipi-maso de ahatonga alahelo, fa ny adala be resaka de ho lavo. [Fagnamarihana: Ireo dikanteny tato afara de misy hoe: Fa ny raika ze magnitsy amin'ny herim-po no mampihavana.] ¹¹ Ny vavan'ny ôla-marina de lôharanonaigna, fa ny vavan'ny ratsy fagnahy de mitondra herisetra. ¹² Ny fankahalana de mahatonga ady, fa ny fitiavana de manarogna ny fahadisoana daôly. ¹³ Amin'ny molotry ny ôla manantsaigna ny fahedrena, fa tsoraka kakazo no amin'ny lamosin'ny tsisy saigny. ¹⁴ Ny ôla hendry de mitahiry fahalalana, fa ny vavan'ny adala de mitondra faharavana. ¹⁵ Ny harenan'ny ôla manankarena de ôtran'ny tanàna mafy orina; ny fahantran'ny mahantra de faharavan-jareo. ¹⁶ Mitondra fiaignana ny karaman'ny ôlo-marina; ny tombony azon'ny ratsy fagnahy de mitondra an'azy reo ho am'fahotana. ¹⁷ Misy lalana mankaigny amin'ny fiaignana ho an'ze magnaraka ny fetsepi-pehezana, fa ze mandà de mande amin'ny lalan-diso. ¹⁸ Ze mitahiry fankahalana akao ampony de managna molotra mandaiga ary ze mampiely endrikendra de adala. ¹⁹ Raha misy be resaka, de tsy maintsy mandainga, fa ze tsy miteniteny fôgna no hendry. ²⁰ Volafotsy vôfantina ny lelan'ny ôlo-marina; fa tsy de misy ny lanjany ampon'ny ratsy fagnahy zany. ²¹ Ny molotry ny ôlo-marina de mamelona ny maro, fa maty ny adala noho ny tsy fampen-tsaignan-jareo. ²² Ny fagnomezana tsara avy am'Yaveh no ahazaôna harena ary tsy ampeny fanaintaignana zany. ²³ Kilalao fataon'ny adala ny fagnanôvan-dratsy, fa ny fahendrena no fahafinaretan'ny ôla managna fahazavan-tsaigna. ²⁴ Ny fahatahôran'ny ôla ratsy fagnahy de ahavô an'azy, fa ny fagnirin'ny ôla-marina de hamena an'azy. ²⁵ Ny ratsy fagnahy de salan'ny tafio-drivotra mandalo, ary tsy akeo ntsony zareo, fa ny ôla marina de managna fototra maharitra mandrakizay. ²⁶ Salan'ny vinaigra mahazo ny nify ary salan'ny setroka mahavô maso de ôtran'zany kô ny kamo am'ze magniraka an'azy. ²⁷ Ny fatahorana an'i Yaveh no mahaela velona, fa ny taonan'ny mpagnano ratsy de ho hafoizina. ²⁸ Ny fagnantignan'ny ôlo-marina no fifalinjareo, fa ny taonan'ny ratsy fagnahy de hafoizina. ²⁹ Ny lalan'i Yaveh de miaro ny marina fa fandringianana ny ratsy fagnahy zany. ³⁰ Ny ôla-marina de tsy ho rava mandrakizay, fa ny ratsy fagnahy de tsy hipetraka amin'ny tany. ³¹ Avy am'ny vavan'ny ôla-marina no ihavin'ny vokatry ny fahendrena, fa ny lela mpandainga de hofongorana. ³² Ny molotry ny ôla marina mahafantatra an'ze mety, fa ny vavan'ny ratsy fagnahy, mahay an'ze fetaka.