¹ Fa amin'ny andro farany de hiorina akeo am'reo tendrombotra hafa ny tendrombotran'ny tragnon'i Yaveh. Hasandratra ambonin'reo tanety zany, ary hitalazotra hankaigny am'zany reo vahôka. ² Hande reo firenena maro ka hagnano hoe: "Ave, ande ntsika hiakatra aigny an-tendrombotran'i Yaveh, aigny an-dragnon'Andriamanitr'i Jakoba. Hampianatra an'ntsika reo fombany Izy, ary hande am'reo lalany ntsika." Fa avy akao Ziona no ivoahan'ny lalàna, ary avy akao Jerosalema ny tenin'i Yaveh. ³ Hitsara am'reo vahôka maro Izy ary hanapa-kevitra mahakasika an'reo firenena maro alavitra. Hanefy ny sabatr'zareo ho angady zareo ary ny sabôny ho fagnetezana. Tsy hanangana sabatra hifamely ny firenena, na hizatra ho amin'ny ady ntsony. ⁴ Fa kosa, hametraka ny ôlà tsiraikaraika ambanin'ny vôlobogny sy ambanin'ny kakazon'aviaviny zareo. Tsisy ôlà hampatàtra an'njareo, fa ny vavan'i Yaveh Tompon'ny maro ny efa niteny. ⁵ Fa ny vahôka daôly de mande, ny tsiraikaraika, amin'ny agnaran'ny andriamaniny. Fa ntsika de hande amin'ny agnaran'i Yaveh Andriamanitsika mandrakizay doria. ⁶ "Am'zany andro zany" ozy Yaveh de "Hagnangona ny malemy sy hamory an'reo vôrôka Za, de reo ze nampahoreko. ⁷ Hataoko ho sisa tavela ny malemy, ary ho firenena matanjaka reo ze vôrôka, ary Za, Yaveh, no hanjaka aminjareo akao an-Tendrombotran'i Ziona, am'zao ary mandrakizay. ⁸ Ary anao, ry tilikambo fiambesana ny ondry amagn'osy, tanetin'ny zanakavavin'i Ziona__ de ho tonga aminao zany, haverigna ny fanapahanao talôha, de ny fanjakana ze an'ny zanakavavin'i Jerosalema. ⁹ Am'zao, nagnino no mihiaka mafy anao? Tsisy mpanjaka ma akeo aminao? Maty ma ny mpanolotsaignanao? Zany ma no mahatonga ny fanaitaignana mahazo an'nao sala ny veivavy miteraka? ¹⁰ Ôka hanaintaigna ary hihetsi-jaza raha hiteraka, ry zanakavavin'i Ziona, sala ny veivavy miteraka. Fa am'zao anao de hivôka ny tanàna, hipetraka akaigny an-tsaha, ary hande aigny Babylona. Aigny no hagnavotana an'nao. Aigny no hagnavotan'i Yaveh an'nao akao an-tagnan'reo fahavalonao. ¹¹ Am'zao mivondrogna hanohitra an'nao reo firenena maro; ozy zareo; 'Ôka ho vôloto izy; ôka ny masontsika hifaly amin'i Ziona.'" ¹² Ozy ny mpaminagny: '"Tsy fantatr'zareo ny eritreritr'i Yaveh, sady tsy takany ny fikasany, fa efa namory an'njareo sala ny amboara ho akeo am-pamolôna Izy." ¹³ Ozy Yaveh: "Mitsangàna ka mivileza, ry zanakavavin'i Ziona, fa hataoko vy ny tandrokao, aray hataoko varagna ny kitronao. Hanorotoro vahôka maro anao. Za hanokana an'reo haregnany tsy ara-drariny ho an'ny tegnako, Yaveh, ny fanagnanjareo ho Anà, le Tompon'ny tany manontolo."