¹ Ozy za: "Mitainô am'zao, anareo ry mpitarik'i Jakoba sy mpanapaka ny taranak'Israely: Tsy aty aminareo ma ny mahatakatra ny fahamarinana? ² Anareo ze mankahala ny tsara sy tè ny ratsy, anareo ze magnendaka ny hoditr'zareo, ny nofonjareo am'tôlagny__ ³ anareo ze mihinana ny nofon'ny ôloko ihany kô, ary magnendaka ny hodiny, manapaka ny tôlagny , ary mamakivaky an'njareo, ôtran'ny hena atao akao am-bilagny, sala ny hena atao akao am'fandrahôn-kena. ⁴ De hagnantso mafy an'i Yaveh anareo mpanapaka, nefa tsy hamaly an'nareo Izy. Hanitrika ny tavany aminareo Izy am'zany fotôna zany, satria nagnano asa ratsy anareo." ⁵ Zao no lazain'i Yaveh momba an'reo mpaminagny ze nampirenireny ny ôloko: "Ho an'ze nampihinana an'njareo de hilaza zareo hoe: 'Hisy fagnambinana.' Fa an'ze tsy nagnisy na ino na ino akao am-bavany, de hanomboka hiady aminazy zareo. ⁶ Noho zany, de ho alina ho an'nareo zany ary tsisy fahitana ho an'nareo; ho maizigna zany mba tsy hagnanôvanareo sikidy. Hilentika am'reo mpaminagny ny masoandro, ary ho maizigna aminjareo ny andro. ⁷ Ho atao megnatra reo mpahita, ary ho vey hevitra reo mpisikidy. Hanampina ny molony izy daôly, satria tsisy valiny avy aty Aminà." ⁸ Fa raha aminà, de feno hery noho ny Fagnàn'i Yaveh za, sady feno fahamarinana sy faherezana, mba hagnambara amin'i Jakoba ny helogny, sy amin'Israely ny fahotany. ⁹ Mitaonô an'zao, anareo mpitarika ny taranak'i Jakoba, sy mpitondra ny taranak'Israely, anareo ze mankahala fahamarinana, sy magnodigna ny ra marina daôly. ¹⁰ Manangana an'i Ziona am'rà sy Jerosalema amim-pahotana anareo. ¹¹ Mitsara noho ny kolikoly reo mpitsaranareo, mampianatra noho ny tamby reo mpisorognareo, ary maminagny noho ny vola reo mpaminagninareo. Nefa anareo miankina amin'i Yaveh ka magnano hoe: "Tsy momba an'ntsika ma Yaveh? Ka de tsisy ratsy hahazo an'ntsika." ¹² Noho zany, noho anao, de hasaina ôtran'ny saha i Ziona, ho korontam-bato i Jerosalema, ary ho sala ny tanety rakotr'ala ny hambosan'ny tempoly.