¹ Loza ho an'ze mamoron-keloka, ho an'ze mikononkonina ny hagnano ratsy akeo am-pandrenany. Amin'ny ampolakeka no agnanôvanjareo an'zany satria managna fahefana zareo. ² Magniry saha zareo ka giazany zany; magniry tragno zareo ka miaka an'zany. Mampahory ôlà sy ny ankohonany zareo, ary ôlà sy ny lovany. ³ Noho zany de zao no lazain'i Yaveh hoe: "Efa mitondra loza hamely an'zany fianakavena zany Za, ze tsy hagnalanareo ny tendanareo. Tsy hande amim-piavognavognana anareo, satria de ho fotôna ratsy zany. ⁴ Am'zany andro zany de hiventy hira momba an'nareo reo fahavalonareo, ary hisaona amin'ny hira fisaonana. Zareo hihira hoe: 'Rava tanteraka zahay Israelita; Yaveh magnova ny faritanin'ny vahôkako. Akôry no hangalàny an'zany aminà? Mizara an'reo sahanay ho an'reo mpamadika Izy!'" ⁵ Noho zany, anareo ry mpanan-karena de tsy mba hanagna taranaka hizara ny faritany am'loka akao am'fiangonan'i Yaveh. ⁶ "Aza maminagny," ozy zareo. "Ôka zareo tsy haminagny an'reo ra reo; ôka tsy ho tonga ny fahafam-baraka". ⁷ Ry taranak'i Jakoba, tokony taravina tokô ma zao hoe: "Sosy ma ny Fagnàn'i Yaveh? Angah ma tegna asany reo?" Tsy mampahatsara an'ze mande mahitsy ma ny teniko? ⁸ Aigny afara kely de hitsangana ôtran'ny fahavalo ny vahôkako. Mangala ny tohitegna, ny akanjo, aigny am'ze mandalo tsy amim-piahiahiana anareo, ôtran'reo maramila miverigna avy aigny agn'ady ho aigny am'ze heveriny fa mandry fahalemana. ⁹ Alainareo am'reo tragno mahafinaritra an'njareo ny veivavy am'vahôkako; sontominareo am'zanak'zareo mandrakizay ny fatahiako. ¹⁰ Mitsangàna ka melà, fa tsy tôrana azonareo pitrana ty, fa maloto; nopotena tam'fahapotehana tanteraka ty. ¹¹ Raha misy ôlà tonga aigny aminareo am'fagnàn'ny fandingaina sy lainga ka magnano hoe: "Haminagny aminao momba ny divay sy ra fisotrona mahery za," de heverina ho mpaminagny ho an'zany vahôka zany izy. ¹² Hamory anareo daôly tokô Za, ry Jakoba. Hamory ny sisa amin'Israely tokô Za. Hitondra an'njareo miaraka ôtran'ny ondry akao amin'ny andiany, ôtran'ny andian'ondry akeo ampovôn'ny fihinanam-bilognany Za. Hisy feo ambo noho ny fahabetsahan'ny vahôka. ¹³ Ze ôlà mamaky de magnokatra ny lalanjareo ho an'njareo ka hande akeo alôhanjareo. Hande hamaky ny vavahady zareo ka hivôka; ny mpanjakanjareo no hande akeo agnolônany. Yaveh no ho mpitarika an'njareo.