¹ Fa mieritreritra ny momba an'zany daôly ze tan-tsaignako za mba hahatakatra momba ny ôlo-marina sy ny ôlon-kendry ary ny asanjareo. Akeo am-pelatagnan'Andriamanitra daôly izy reo. Tsisy na iza na iza mahafantatra na ho fitiavana na ho fankahalana no ho avy amin'ôlà raika. ² Mitovy ny lahatry ny ôlà isanisany. Mitovy ny lahatra mandigny ny ôlo-marina sy ny ôlà ratsy fagna, ny tsara, (Fagnamarihina: Reo dikan-teny sanagny am'zao fotôna zao de mandika ny dikan-teny ze magnano hoe: "Ny tsara sy ny ratsy." Feno tanteraka ny fehezanteny, am'zany. Reo mpandika teny de mety hanapa-kevitra ny hila tahaka.) ny madio sy ny maloto, ary ze magnano sorogna sy ze tsy magnano sorogna. Ho foaty ny ôlo-marina, de ho ôtra ny zany ihany kô ny mpagnota. Ho foaty ze mifanta, de ho sahalan'zany kô ny ôlà ze matàtra magnano fifantana ³ Misy lahatra ratsy ho an'ny ra daôly ze atao aketo ambany masoandro, lahatra raika ho an'ny tsiraikaraika. Feno ratsy no fon'ôlombelona, ary akao am-aponjareo ny fahadalana raha mbôla velona kô zareo. Ka afaran'zany de mankaigny am' maty zareo. ⁴ Ze daôly miombogna am' velona daôly, de misy fagnantenàna, sahala ny mahatsara kokô ny ambô velona noho ny liona maty. (Fagnamarihina: Reo dikan-teny sanagny taty afara de magnano hoe: "Fa ino no tsara? Ho an'ny velona daôly, de zao no azo antoka: ny ambô velona de tsara kokô noho ny liona maty.") ⁵ Fa ny ôlombelona de mahafantatra fa ho foaty zareo, fa ny maty tsy mahafantatra na ino na ino. Tsy managna valisoa ntsony zareo, satria efa hadino ny fahatsarôvana an'njareo. ⁶ Ny fitiavana, ny fankahalana, ary ny fagnirinjareo de efa nanjavona hatry ny ela. Tsy hanagna tôrana am' ra daôly ze atao aty ambany masoandro ntsony zareo. ⁷ Mandiana am' lalanao, hohano am-pifalena ny mofonao, ary sotroy am'fo faly ny divainao, satria Andriamanitra de magneky ny fankalazàna an'reo asa tsara. ⁸ Ôka ho fotsy lalandava ny akanjonao, ary ôka ho vôhosotra amin'ny menaka ny lônao. ⁹ Miaignà am-pifalena miaraka am' vady tènao amin'ny androm-piaignanao daôly mandalo fôgna, de reo andro ze namen'Andriamanitra an'nao taigny ambany masoandro mandritra an'reo andronao mandalo fôgna. Zany no valisoanao am' fiaignana nohon'reo asanao taigny ambany masoandro. ¹⁰ Na ino na ino azon'ny tagnanao ho atao, de hiasa amin'ny herinao zany satria tsisy asa na fagnazavana na fahalalana na fahendrena aigny am' Fiaignan-tsy hita, ze handihananao. ¹¹ Efa nahita ra sasantsasagny mahalina takeo ambany masoandro za: Ny hazakazaka de tsy an'ny ôlà malaky fandihanana. Ny ady de tsy an'ny matanjaka. Ny mofo de tsy an'ny ôlon-kendry. Ny harena de tsy an'ny ôlon'ny fahazavan-tsaigna. Ny sitraka de tsy an'ny ôlon'ny fahalalana. Fa kosa, ny fotôna sy ny vintagna de mentreka amin'izy daôly. ¹² Fa tsisy na iza na iza mahafantatra ny fotôna hafatesany, sahala ny hazan-drano ze takatra akao amin'ny haraton'ny fahafatesana, na ôtra ny vorogna ze azon'ny fandrika. Sahala an'reo biby, ny ôlombelona de gadra akao am' fotôn-dratsy ze tonga tampoka amin-jareo. ¹³ Efa nahita fahendrena takeo ambany masoandro ihany kô za ôtra ny hoe leibe taminà zany. ¹⁴ Nisy tanàna kely raika ze vitsy ôlà takao aminazy, ary nisy mpanjaka leibe tonga nagnano fahirano an'zany ary nagnorina tôrana fekarana gedabe takeo agnilan'zany. ¹⁵ Ary nisy mahantra raika, leilà hendry hita takao am'le tanàna, ze nagnavotra an'le tanàna tam' fahendreny. Nefa taty afara kely, de tsisy nahatsiaro io leilà mahantra io ntsony. ¹⁶ Ka feheziko amin'ny hoe: "Tsara kokô ny fahendrena noho ny tanjaka, kanefa natao tsinotsino ny fahendren'le ôlo-mahantra, ary tsy regny reo teniny." ¹⁷ Ny teny malefaky ny hendry de regny tsara kokô noho ny fitrerogn'ze mpanapaka akeo amin'ny adala. ¹⁸ Ny fahendrena de tsara kokô noho reo fitaovam-pedena amin'ny ady, kanefa ny mpagnota raika de mety handrava betsaka.