¹ Ôtra an'reo fatin-dalitra ze mahamaimbo ny ra-magnitra, de ôtra an'zany kô no ahafahan'ny fahadalana kely mandresy ny fahendrena sy ny fankatoavana. ² Ny fon'ny ôlon-kendry de mirona miankavanana, fa ny fon'ny adala mirona miankave. ³ Rafa mande midigna aigny an-dalana ny adala, de tsy ampy saigna izy, magnamarina amin'ôlà daôly fa adala izy. ⁴ Raha miakatra manoitra an'nao ny fihetseham-pon'ny mpanapaka, aza lôsana ny asanao. Ny fitoniana de afaka mampangigna ny fahasosena leibe. ⁵ Fa misy ny ratsy ze hitako takeo ambany masoandro, karazana hadisôna ze avy am' mpanapaka: ⁶ Reo adala de namena tôram-pitarihana, raha reo ôlà mahômby namena tôrana ambany. ⁷ Nahatazagna andevo nitikin-tsôvaly za, ary reo ôlà mahômby nande tongotra taigny am' tany ôtra ny andevo. ⁸ Ze daôly mangady lavaka de mety ho lavo akao am'zany, ary na ovena na ovena ôlà mandrodana manda de mety ho kikerin'ny bibilava izy. ⁹ Ze daôly manapaka vato de mety ho vôratran'zany, ary ny ôlà ze manapaka kakazo de tandindon'zany. ¹⁰ Raha madombo ny lelana moso, ary tsy mandrangitra an'zany ny ôlà, de tsy maintsy mampiasa ny heriny bebe kokô izy, fa ny fahendrenaa de magnome tombony ho amin'ny fahombiazana. ¹¹ Raha magnekitra melôn'ny nanasena aody ny bibilava, de tsy tombony ho an'ny mpagnano aody. ¹² Reo tenin'ny vavan'ny ôlon-kendry de hatsaram-pagna, fa ny molotry ny adala de miteligna an'azy ihany. ¹³ Sahala ny teny manomboka mikorigna avy akeo am-bavan'ny adala, no hivohan'ny fahadalana, ary am' farany ny vavany de mikorigna fahaverezan-tsaigna ratsy. ¹⁴ Ny adala mampitombo teny, fa tsy mahafantatra an'ze ho avy. Iza no mahafantatra an'ze magnantona avy akao afarany? ¹⁵ Ny fisasaran'ny adala de magnavesatra an'njareo, ka tsy fantany na de ny lalana mankaigny an-tanàn-dehibe aza. ¹⁶ Loza ho an'nao, ry tany, raha gaondà no mpanjakanao, ary raha manomboka magnano firavoravôna amin'ny ampôlakeka reo mpitarika an'nao! ¹⁷ Fa sambatra anao, ry tany, raha ny zanaka lahin'reo mendri-kaja no mpanjakanao, ary mihinana am' fotônany reo mpitarika an'nao, ho tanjaka, fa tsy ho amin'ny hamamôna! ¹⁸ Fa nohon'ny hakamôna no nampilatsaka ny tafo, ary nohon'ny fahalaignan'ny tagnana no mampitete ny tragno. ¹⁹ Magnomagna hahanina ho amin' fimemezana ny ôlà, ny divay mitondra fankalazana fiaignana, ary ny vola mameno ny filan-dra daôly. ²⁰ Aza magnozogna ny mpanjaka, na de akao an-tsaignanao aza, ary aza magnozogna ny ôlà manan-karena akao amin'ny efitra fatorenao. Fa ny voro-manidina mety hitondra an'reo teninao, ze daôly managn'elatra de afaka magnaparitaka ny raharaha