¹ Rehefa vitan'i Jesosy izany zaka marobe zany, da nizaka tamin'gne mpianatriny Izy hoe: ² Fantatrinareo fa afaky roy andro da ho avy gne Paska, da atolotry hofatsiagny amin'gne hazofijaliagny gne Zanak'olo." ³ Aveo gne lehiben'e mpisorogny sy gne olombe niara-nivory tamin'gne lapan'gne mpisorona-be, izay nantsovagny hoe Kaiafa. ⁴ Niaraky nagnano tetiky indreo mba hisamboragny mangigny an'i Jesosy sady hamono Anazy. ⁵ Fa hoy indreo hoe: "tsy amin'gne fety, mba tsy hisian'gne korotagny amin'e olo." ⁶ Jesosy rehefa ta Betania tan-dragnon'i Simona boka, ⁷ ra nipetraky nihinagny tamin'gne latabatry, da nisy viavy raiky nanagny tavoara alabastara feno menaky lafo vidy nagnatogny Anazy, da nandraraky anizany tamin'e lohany. ⁸ Fa ra hitan'gne mpianatriny izany, da vignitry indreo da nagnao hoe: "Ino gne anton'izao fandaniagny izao? ⁹ Afaky navidy lafo sady nomegny gne mahantra io." ¹⁰ Fa Jesosy, nahafantatry anizany, nizaka andreo hoe: "Nagnino anareo gne manahiran-tsaigny an'i raviavy? Fa ra tsara gne naniny tamina. ¹¹ Eo aminareo mandrakariva gne sahiragny, fa Iao da tsy ho eo aminareo mandrakariva. ¹² Ra nandraraky izany menaky magnitry izany tamin'gne tegnako izy, da naninyo an'gne fandevenagny Ana izany. ¹³ Zakaiko marina aminareo, ndre ia ndre iahitoriagny gne filazantsara amin'izao tontolo rehetra izao, izay nanin'ity viavy ityda ho zakaigny avokoa ho fahatsiarovagny anazy." ¹⁴ Aveo raiky tamin'gne roy ambinifolo, gne angiagny hoe Jodasy Iskariota, nandea tamin'gne lehiben'e mpisorigny ¹⁵ da nagnano hoe: "Omenareo ohatrino iao hanolorako Anazy aminareo?" Nandanja volafotsy madiniky telopolo indreo ho anazy. ¹⁶ Tamin'izany fotoagny izany da nitadia fahafahagny izy mba hanolorany Anazyamin-dreo. ¹⁷ Tamign'andro voalohan'gne mofo tsy misy lalivay da nagnotany an'i Jesosy gne mpianatry da nizaka hoe: "Aia gne tianao hagnomananay ho anao hihinagny gne sakafon'e paska?" ¹⁸ Namaly Izy hoe: "Midira an-tanagny misy lelah raiky da zakay izy hoe: 'Hoy gne mpampianatry hoe: "Efa akeky gne fotoako. An-dragnonao atoa Iao gne hagnano paska miaraky amin'gne mpianatriko.''''' ¹⁹ Nanin'gne mpianatry ako izay nandidian'i Jesosy izany, da nanomagny gne sakafo paska indreo. ²⁰ Ra tonga gne hariva, da nipetraky nihinagny niaraka tamin'gne mpianatry roa ambin'ny folo Izy. ²¹ Rehefa nihinagny indreo, da hoy Izy hoe: "Zakaiko marina aminareo fa hisy raiky aminareo hamadiky Ana." ²² Nalahelo indreo da nanomboky nagnotany Anazy gne kiraikiraiky hoe: "Tsy ho iao mihitsy, ry Tompo?" ²³ Namaly Izy hoe: "E niaraky nagnatsoboky gne tagnany tamina tagnaty lovia gne raiky hamadiky Ana. ²⁴ Handea gne Zanak'olo araky gn'efa voasoratry momba Anazy. Nefa loza an'gne olo izay hamadiky e Zanak'olo! Tena tsara ho an'izany olo izany gne tsy teraky mihitsy. " ²⁵ Jodasy , gne hamadiky Anazy nizaka hoe: "Iao me izany, Raby?" Hoy izy taminazy hoe: "Volazanao." ²⁶ Ra mbola nihinagny indreo, da nangala gne mofo Jesosy, nizaotry, sady nanapaky anizany. Nomeny gne mpianatry izany da nizaka hoe: "Reso, hano, Ity gne vatako." ²⁷ Nangala gne kapoky Izy da nizaotry, sady nagnome izany andreo da nizaka hoe: "Anareo marobe, sotry ity. ²⁸ Fa itiky gne ràn'gne fagnekem-pihavanagny arotsaky ho an'gne maro ho famelan-keloky. ²⁹ Fa zakaiko aminareo, fa tsy hisotro gne vokatr'e voaloboky esanaky Iao, mandra-pihavian'gne fisotroagny vaovao hiarako aminareo amin'gne fanjakan'e Raiko." ³⁰ Rehefa nihira hira fideragny indre, da nandea tamin'e tendrombohitr'i Oliva. ³¹ Aveo hoy Jesosy tamin-dreo hoe: "Anareo marobe da hiala Ana nohon'gne amina androany ariva, fa voasoratry hoe: 'Hamely gne mpiandry ondry Iao da hiparitaky gne ondry.' ³² Fa hafaran'gne fitsanganako amin'gne maty, da hialoa lalagny anareo a Galilia." ³³ Fa Petera nagnano taminazy hoe: "Ndre da handao nohon'e aminao aza gne marobe, iao tsy mba handao mihitsy." ³⁴ Hoy Jesosy taminazy hoe: " Zakaiko marina aminao, fa androany ariva ndre mbola tsy magneno gn'akoho, da handà Ana intelo anao. " ³⁵ Petera nizaka taminazy hoe: "Ndre tsy maintsy ho faty miaraky aminao aza iao, da tsy handà anao. "Ako izany aby gne nizakain'gne mpianatry hafa. ³⁶ Da Jesosy nandeha niaraky tamin-dreo nandeha amin'e toeragny antsoigny hoe Getsemane sady nizaka tamin'e mpianatriny hoe: "Midoboa etoa raha mbola handeha ery hivavaky Iao." ³⁷ Ninday an'i Petera miaraky amin'e zanak'i Zebedio roy là Izy sady nanomboky nalahelo sady ory. ³⁸ Avy teo hoy Izy tamin-dreo hoe: "Mampalahelo gne fagnahiko, akô efa ho faty. Mipetraha etoa da mihambena miaraky aminà." ³⁹ Nisitaky kidikidy Izy, niankohoky da nivavaky. Hoy Izy hoe: "Ry Raiko, raha azo atao, da aoka esorigny aminà ity kapôky ity. F'izy, aoka tsy araky gne sitrapoko, fa gne sitraponao." ⁴⁰ Nagnotany andreo mpianatry Izy da nahita andreo azon-tory, da hoy Izy tamin'i Petera hoe: "Ino, tsy mahavita miambigny miaraky aminà ndre da lera raiky fotsiny me anareo? ⁴¹ Miambena sady mivavaha mba tsy ho azon'e fakam-pagmahy anareo. Mety avao gne fagnahy, fa gne nofotry e malemy." ⁴² Mbola nandeha fagnin-droiny Izy da nivavaky. Hoy Izy hoe: "Abako ô, raha tsy azo alaigny aminà ity Raha tsy misotro Iao, da ho anigny anie gne sitraponao." ⁴³ Niverigny indraiky Izy da mbola nahita andreo natory, fa navesatry gne mason-dreo . ⁴⁴ Da niala andreo indraiky Izy, lasa sady nivavaky fanintelony, nizaka an'io teny io avao. ⁴⁵ Avy teo Jesosy nagnatogny andreo mpianatry da nizaka tamindreo hoe: "Mbola matory sady miala sasatry me anareo? Iteo, efa mariny gne lera, da gne zanak'Olo da hatolotry eo an-tagnan-dreo mpanota. ⁴⁶ Mitsangàna, andaska isika. Iteo, efa mariny gne hamadiky Anà." ⁴⁷ Igny Izy mbola nizaka igny, da avy I Jodasy, raiky amindreo roy ambin'ny folo. Nisy vahoaky maro avy niaraky taminazy avy ame lehiben'e mpisorogny miaraky amindreo lohologny. Avy niaraky tame sabatry da langilangy indreo. ⁴⁸ Da nagnome famataragny andreo gne lelà hamadiky an'i Jesosy, nizaka hoe: "Gne horofako, gne Izy. Sambory Izy." ⁴⁹ Teo no eo avao da nagnantogny an'i Jesosy izy da nizaka hoe: "Finaritry, Raby!" Da nagnoroky Anazy izy. ⁵⁰ Hoy Jesosy taminazy hoe: "Ry sakaiza, anio gne nandehananao tetoa." Avy teo tonga indreo, nagnampatry gne tagnany tamin'i Jesosy, da nisambotry Anazy. ⁵¹ Indro, raiky tamindreo niaraky tamin'i Jesosy nagnampatry gne tagnany, nagnatsoaky gne sabatriny, namira gne mpanompon'e mpisoronabe, sady nahafaky gne sofiny. ⁵² Avy teo hoy Jesosy taminazy hoe: "Averegno ame plasiny gne sabatratrao, fa indreo izay mitazogny da ho vonoigny ame sabatry. ⁵³ Mieritreritry me anareo fa tsy afaky mangaiky any Abako Iao, sady Izy da afaky mandefa ho Anà tafik'anjely mihoatry noho gne roy ambin'ny folo? ⁵⁴ Fa anigny akognaia izany gne ahatanteraky gne Soratry Masigny, izay mizaka fa tsy maintsy hitranga izany?" ⁵⁵ Tam'izany andro zany Jesosy nizaka tamin'e fokonolo hoe: "Avy miaraky ame Sabatry da langilangy nisambotry Anà akô dahalo me anareo? Isanandro da nidoboky nampianatry tamin'e tempoly teo Iao, fa tsy nosamborinareo. ⁵⁶ Fa izany raha aby zany da nibôky mba hahatanteraky izay voasoratin-dreo mpaminany." Avy teo da niala Anazy indreo mpianatry aby ka nilefa. ⁵⁷ Nindesindreo nisambotry Anazy tam'i Kaiafa mpisoronabe Jesosy, gne nivorian-dreo mpanora-dalàgny sy loholo. ⁵⁸ Fa Petera nagnaraky Anazy avy talavitry nandea tame tokotanin'e mpisoronabe. Niditry tagnatiny tao izy da nidoboky niaraky tamin-dreo mpiambigny raharaha mba hahita izay hiafarany. ⁵⁹ Da indreo leben'e mpisorogny sy indreo Synedriona marobe da nitadia fitoriagny tsy marigny manohitry an'i Jesosy, mba mety ahafahan-dreo mamono Anazy. ⁶⁰ Tsy nahita nahita ndre ino ndre ino indreo, ndre da nisy mpijoro vavolombelogny maro tsy marigny avy aza tamigneo. Da vetivety teo da nisy roy avy nagnantogny teo ⁶¹ da nizaka hoe: "Io lelà io da nizaka hoe: 'Afaky mandrava gne Tempolin'Andriamanitry Iao da manangagny anizany indraiky afaky tell andro." ⁶² Nitsangagny e mpisoronabe da nizaka taminazy hoe: "Tsy manan-kavaky me Anao? Ino zany hitorian-dreo Anao zany? ⁶³ Fa nangigny Jesosy. Hoy gne mpisoronabe taminazy hoe: "Mandidy Anao and gn'alalan'Andriamanitry velogny iao, zakay aminay raha Anao e Kristy, Zanak'Andriamanitry." ⁶⁴ Jesosy namaly anazy hoe: "Vôzakanao. Fa zakaiko aminareo, manombok'izao da ho hitanareo gne Zanak'Olo hidoboky ame tagna-kavanan'e Hery, da ho avy eo ame rahon'e lanitry." ⁶⁵ Avy eo gne mpisoronabe nandrovitry gn'akanjony da nizaka hoe: "Nizaka ratsy Izy! Nagnino me isika e mbola mila mpijoro vavolombelogny? Indro, renareo gne fizakan-dratsy izao. ⁶⁶ Ino gne hevitry nareo?" Namaly indreo da nagnano hoe: "Mendriky gne ho faty Izy." ⁶⁷ Avy teo indreo nandrora gne tareny sady namango Anazy, sady nandraratefaky Anazy, ⁶⁸ da nagnano hoe: "Maminania aminay, rô Kristy. Ia gne namango Anao?" ⁶⁹ Da nidoboky ivelan'e tokotany Petera, da nisy mpanompo viavy avy nagnantogny anazy nizaka hoe: "Anao avakoa da niaraky tam'i Jesosin'ny Galilia." ⁷⁰ Fa nandà anizany tamason-dreo izy, magnano hoe: "Tsy fantako gne raha zakainareo." ⁷¹ Rehefa nivoaky gne vavahady izy, da nisy mpanompo viavy hafa nahita anazy da nizaka tamindreo teo hoe: "Ity lelà ty avako da niaraky tam'i Jesosy lat'e Nazareta." ⁷² Mbola nandà indraiky izy niaraky tame fitangegny hoe: "Tsy fantako zany lelà zany!" ⁷³ Rehefa afaky kidikidy da nagnatogny andreo izay nitsangagny teo sady nizaka tamin'i Petera hoe: "Anao avakoa da tena raiky tamindreo, fa gne fomba firesahanao da mitory Anao." ⁷⁴ Avy teo izy nanomboky nagnozogny sady nitangeggny da nizaka hoe: "Tsy fantako izany lelà zany." Da teo no eo da nagneni gn'akoho. ⁷⁵ Tadidin'i Petera gne zaka nambaran'i Jesosy hoe: "Mbola tsy magneno akoho da handà Ana intelo Anao." Avy eo Izy nivoaky sady nitomagny fatratry.