¹ Sady roe andro mialohan'ny Paska voho Fankalaza gny fihinana gny Mofo tsy misy Masirasira tamin'io. Nila fomba hanambora gnan'i Jesosy mangingina reo lohan'ny mpisoro voho gny mpanoradalagna ka hamono Gnazy bakeo. ² Fa hoy rozy hoe:" Aleo tsy amin'ny andro fety , mba tsy hampitabataba gny olo." ³ Laha tagny Betania tao an-tragnon'i Simona boka Jesosy, laha nipetraky teo an-databo Ie, la nisy ampela raiky namonjy Gnazy nanday tavoara alabastara misy menaky lafo vily, zay narda tsy misy fangarony. Nivakiny gny tavoara la nararany teo amin'ny lohany io. ⁴ Nampasiaky gny olo sasany anefa io. Nifampiresaky rozy ka nanao hoe:" Ino ro anton'izao fandanindaniam-poana zao? ⁵ Io menaky magnitsy io la afaky navily mandilatsy gny denaria telonjato, ka namea gny mahantra." la neloky lay ampela rozy bakeo. ⁶ Nefa hoy Jesosy hoe:" Engao ie. Nagnino nareo ro manao zay mampalahelo gnazy? Raha soa ro nataony tamiko. ⁷ Gny mahantra la eo aminareo mandrakariva, voho afaky hanao asa soa ho gnan-drozy avao nareo na amin'ny fotoa ino na fotoa ino, fa Zaho koa tsy hipetraky eo aminareo mandrakariva. ⁸ nanao zay azony atao ie: nagnosotsy gny vatako ho amin'ny fandevegna ie. ⁹ Resahiko marinaaminareo, ndra ia ia hitoria gny Filazantsara manera zao tontolo zao , la hresahy gny nataony toy ampela toy, mba ho fahatiarova gnazy." ¹⁰ Bakeo Jodasy Iskariota, raiky tamin-drozy foloroamby lahy, lasa nagnagny amin'ireo lohan'ny mpisoro hahafahany manolotsy Gnazy eo amin-drozy. ¹¹ Lafa nahare gnanio reo lohan'ny mpisoro, la nazoto rozy ka nampanantena hagnome drala gnazy. La nanomboky nila iriky hanolotsy Gnazy amin-drozy ie. ¹² Tamin'ny andro voalohan'ny fihinana gny mofo tsy misy masirasira, lafa nanao soro gny aondrin'ny Paska rozy, la hoy reo mpianany taminy hoe:" aia ro tianao handehananay hikarakara sakafo, mba hinananao gny sakafon'ny Paska?" ¹³ La nagniraky roe tamin'ireeo mpianany Ie ka niresaky tamin-drozy hoe:" Mandehana agny an-tana , voho hisy johary manday siny feno rano hokojoky aminareo . Magnaraha Gnazy. ¹⁴ Zay tragno hilirany, magnaraha gnazy la resaho gny tompon'io tragno io hoe:" Hoy gny Mpampianatsa hoe:" Aia gny efitragno fandraisam-bahiny ahafahako miara-mihina gny Paska amin'ireo mpiantso?" ¹⁵ Hanoro gnanareo efitsagno bevata agnabon'ny rihana misy fanaky zay fa vonona soa ie. ao ro ataovo gny fagnomana iaby ho gnantsika." ¹⁶ La lasa gny mpianatsa ka nihazo gny tana. Hitan-drozy araky zay fa niresahiny tamin-drozy gny raha iaby , la nagnoma gny sakafon'ny Paska rozy. ¹⁷ Lafa hariva gny andro, la avy miaraky tamin'ireo folo roamby lahy Ie. ¹⁸ Lafa nipetraky teo an-databo voho nihina rozy, la hoy Jesosy hoe:" Resahiko marina aminareo, fa gny raiky aminareo zay miara-mihina amiko eto la hamadiky Gnahy." ¹⁹ Nalahelo mare rozy iaby iaby ka niresaky taminy gny kirakiraiky hoe:" Tsy zaho mihitsy io?" ²⁰ Jesosy namaly ka niresaky gnan-drozy hoe:" Gny raiky aminareo folo roamby lahy io, gny raiky miara-magnatsoboky mofo amiko agnaty finga zao." ²¹ Fa gny Anak'Okolo la handeha amin'ny lala zay fa voalazan'ny Soratsa Masina koa mikasiky Gnazy. Fa loza koa ho gnan'izay johary zay mamadiky gny Anak'Okolo io. Soa ho gnazy kokoa aza laha tsy teraky ie." ²² Laha mbo teo am-pihinana rozy, la nandramby mofo Jesosy, nisaotsa , voho nizara gnan'io. Natolony gnan-drozy io sady nanao hoe:" Raiso , toy ro vatako." ²³ La nandramby gny kapoaky Ie, nisaotsa, voho nanolotsy gnan'io gnan-drozy, la nisotso tamin'io rozy iaby. ²⁴ la hoy Ie tamin-drozy hoe:" Toy gny lion'ny fanekem-pilonga, lio zay alatsaky ho gnan'ny maro. ²⁵ Resahiko marina aminareo, tsy hino toy vokatsy gny voaloboky sasy Aho mandra-pahatongan'ny andro zay hinomako gnan'io ndraiky agny amin'ny Fanjakan-Dranagnahary." ²⁶ Lafa baka nihira fiderana rozy, la nandeha tegny an-tendrombohits'Oliva. ²⁷ Hoy Jesosy tamin-drozy hoe:" Hagnenga Gnahy iaby nareo iaby, fa voasoratsy hoe:' Hamely gny mpiaraky aondry Aho ka hiparitsky gny aondry." ²⁸ La lafa baka hatsanga amin'ny maty Aho, la hialoha lala gnanareo ao Galilia." ²⁹ La hoy Petera taminy hoe:" Ndra la hagnenga aza rozy, zaho tsy mba hagnenga." ³⁰ Hoy Jesosy taminy hoe;" Resahiko marina aminao , fa anio haly , laha mbo tsy magneno in-droe akory gny akoho , la fa handa Gnahy in-telo iha." ³¹ Fa hoy Petera hoe:" Na tsy maintsy hiara-maty aminao aza aho, tsy handa Gnanao." La samby nampanantena manahaky gnan'io iany rozy. ³² Sady avy tsgny amin'ny toera atao hoe Getsemane rozy, la hoy Jesosy tamin'ireo mpianany hoe:" Mipetraha eto laha mbo mivavaky Aho." ³³ La nanday gnan'i Petera, voho Jakoba, voho Jaona niaraky taminy Ie ka nanomboky nalahelo sady ory tanteraky. ³⁴ La hoy Ie tamin-drozy hoe:" Fadiranovana mare gny Fagnahiko, manahaky gny fa ho maty. Mipetraha eto ka miambena." ³⁵ nagnalavitsy kelikely Jesosy , niankohoky tamin'ny tany, la nivavaky Ie mba laha toa ka azo atao, la hiala Aminy io ora io. ³⁶ Hoy Ie hoe:" Ray o gny raha iaby hainao atao. alao amiko toy kapoaky toy. Nefa ao tsy gny sitrapoko ro atao fa Gnanao." ³⁷ Nimpoly Ie la nahajery gnan-drozy niroro, ka hoy Ie tamin'i Petera hoe:" Simona, miroro va iha? Tsy nahavita niamby ora toy va iha? ³⁸ Miambena la mivavaha mba tsy hiliranareo amin'ny fakam-panahy. Gny fagnahy mety mazoto tokoa, fa gny nofo ro malemy." ³⁹ La lasa ndraiky Ie nisintaky kely voho nivavaky, sady la nampimpoly gny safa nataony taloha teo avao. ⁴⁰ Nimpoly ndraiky Ie la nahita gnan-drozy niroro, fa navesatsy gny torimaso gny fijerin-drozy ka tsy jerin-drozy zay niresahiny taminy. ⁴¹ Namonjy fagnintelony Ie ka niresaky gnan-drozy hoe:" Mbo miroro voho maka aina avao va nareo? Ampy zay! Fa avy gny fotoa. Jereo ! Gny Anak'Okolo nivadiha hatolotsy eo an-tagnan'ny mpanota. ⁴² mitsangana; andao andeha tsika . Jereo , fa mariniky lay hamadiky Gnahy." ⁴³ Sady laha mbo teo am-piresaha Ie, la avy Jodasy , raiky amin'ireo foloroamby lahy, niaraky taminy vahoaky maro zay nilanja sabatsy voho langilangy, bakamin'iro lohan'ny mpisoro, gny mpanoradalagna, voho gny loholona. ⁴⁴ Sady gny mpamadika Gnazy nagnome famantara gnan-drozy, niresaky hoe:" Zay orofako , Ie gny Ie. Samboro Ie la ambeno." ⁴⁵ Lafa avy Jodasy , la namonjy gnan'i Jesosy hatragny ie sady niresaky hoe:" Raby," voho nagnoroky Gnazy ie. ⁴⁶ Bakeo la nisamboron-drozy Jesosy. ⁴⁷ Fa nisy raiky tamin'ireo nijoro teo namoaky gny sabatsiny ka namely gny mpanompon'ny mpisoronabe ka nanapaky gny sofiny. ⁴⁸ Hoy Jesosy tamin-drozy hoe:" Avy hanambotsy Gnahy, manahaky gny hanambotsy jiolahy, miaraky amin'ny sabatsy voho langilangy va nare? ⁴⁹ Tamin'Izaho teo aminareo sana'andro voho nampianatsy teo amin'ny tempoly, tsy nisamborinareo. Fa natao zay mba hahatanteraky gny Soratsy Masy." ⁵⁰ La nagnenga Gnazy iaby reo iaby zay niaraky tamin'i Jesosy ka nimpoly. ⁵¹ Sady nisy zatovo lahy raiky, tsy nisiky afa-tsy siky hariry avao , nagnaraky gnan'i Jesosy. Lafa nisamboryn'ny olo ie ⁵² la nengany teo gny ankanjony ka lasa nandositsy tsy nisiky ie. ⁵³ Nandesin-drozy tagny amin'ny mpisoronabe Jesosy. Niara-nivory taminy teo iaby gny mpisoro manontolo, voho gny loholona, voho reo mpanora-dalagna. ⁵⁴ Sady Petera nagnaraky Gnazy bakegny lavidavitsy egny, hatragny amin'ny tokontanin'ny mpisoronabe. Nipetraky teo amin'ireo mpiamby ie, zay namindro teo agnilan'ny bolo. ⁵⁵ Voho reo lohan'ny mpisoro voho gny Synedriona Jiosy la nila vavolombelo manohitsy gna'i Jesosy mba hahafahan-drozy mamono Gnazy ho maty. Fa zao tsy nahita rozy. ⁵⁶ Fa maro ro niampangan-drozy vandy Gnazy, nefa na gny fiampangan-drozy aza tsy nitombina zao. ⁵⁷ Voho nisy olo sasany ka niampanga vandy Gnazy; hoy rozy hoe:" ⁵⁸ Renay Ie niresaky hoe:" Haravako toy tempoy natao tagna toy, voho ao agnatin'ny telo andro Aho la hananga raiky hafa tsy nataon-tagna." ⁵⁹ Fa mbo tsy nifagnaraky avao gny fiampangan-drozy. ⁶⁰ Sady gny mpisoronabe nijoro teo amin-drozy la nagnontany gnan'i Jesosy hoe:" tsy manan-kavaly va Iha? Ino io hiampangan'ireto olo reto Gnanao io?" ⁶¹ Fa nangina Ie sady tsy namaly na ino ino. La mbo nagnontany Gnazy ndraiky gny mpisoronabe ka nanao hoe:" Iha va ro Kristy, Anakin'ny gny voatahy?" ⁶² La hoy Jesosy hoe:" Zaho ro Ie; voho ho hitanareo gny Anak'Okolo lafa mipetraky eo an-tagna ankavanan'ny herin-Dranagnahary voho bakegny amin'ny rahon'ny lanitsa." ⁶³ Sady gny mpisoronabe nannataky gny fisikinany sady nanao hoe:" Mbo mila vavolombelo avao va tsika? ⁶⁴ Fa njanjinareo gny fivolagnan-dratiny. Ino ro fanapahan-kevitsareo?" Rozy iaby la samby nagnameloky Gnazy manahaky gny olo mendriky ho maty. ⁶⁵ Gny sasany nanomboky nandora Gnazy sady nanampy gny tarehiny ka namely Gnazy sady nanao taminy hoe:" Maminania!" Voho reo manam-boninahitsy nangalaky Gnazy ka namango Gnazy. ⁶⁶ Sady laha teo ambany teo an-kianja Petera, la namonjy gnazy gny raiky tamin'iro mpanompo vavin'ny mpisoronabe. ⁶⁷ Nahita gnan'i Petera nijoro namindro teo amin'ny bolo, la nidinihiny soa. La hoy ie taminy hoe:" Iha koa niaraky tamin'ny gny Nazarena, Jesosy." ⁶⁸ Fa ie nanda gnan'io, nanao hoe:" Tsy haiko sady tsy azoko zay volagninao." Bakeo lasa niala gny kianja ie[Fanamarihana: Reo fandika sasany magnampy hoe: La nagneno gny akoho," fa reo fandika taloha soa mare la tsy misy gnan'io safa io.] ⁶⁹ Fa gny ankizivavy teo nahajery gnazy la nanomboky niresaky tamin'ireo olo nitsanga magnodidina ndraiky hoe:" Io johary io la raiky amin-drozy!" ⁷⁰ Fa mbo nanda gnan'io ndraiky ie. Kelikely eo la hoy reo nitsanga teo tamin'i Petera hoe:" Raiky amin-drozy mihitsy iha, fotony iha koa la Galiliana." ⁷¹ Fa nanomboky nagnozon-tena voho nifanta ie hoe:" tsy haiko io johary resahinareo io." ⁷² Sady niaraky tamin'io la nagneno fagnindroe gny akoho. Bakeo la nahatiaro gny safan'i Jesosy taminy Petera hoe:" Laha mbo tsy magneno fagnindroe gny akoho, la handa Gnahy intelo iha' La nalahelo mare ie sady nitagny.