¹ Tamin'ny tao faha limy ambin'ny folo nanjakan'i Tiberie Kaisara - tamy Pontio Pilato ro goveronoran'i Jodia, Heroda la mpanapaky tao Galilia, Filipo rahalahiny la mpanapaky tao amin'ny faritsy Itoria voho Trakonitisy, sady Lysania la mpanapak'i Abilena, ² tagnatiny gny fisorognam-ben'i Aniasy voho Kaiafa - la avy tamin'i Jaona anaky lahin'i Zakaria tagny agn'efitsy gny safan-Dranagnahary. ³ Nandeha tagny amin'ireo faritsy iaby magnodidy gnan'ny Jordana Ie, nitory gny batisan'ny fibebaha ho famela reo heloky. ⁴ Araky gny voasoratsy ao amin'ny bokin'ny tenin'ny Isaia mpaminany hoe: " Nisy feo raiky nikaiky mare baka agn'efitsy hoe: ' Ataovo vonona gny lalan'ny Tompo, atavo mahity gny lalan-kalehany. ⁵ Gny lohasaha iaby ho totofa, sady gny tendrombohitsy voho gny vavasaha hahetry, ary gny lala miolakolaky la amboary hahity, sady gny toera mikitoantoa la ho atao lala, ⁶ sady gny nofo iaby la hahajery gny famonjean-Dranagnahary."' ⁷ Ka nivola tamin'ireo vahoaky zay avy ho ataony batisa i Jaona hoe: " Nareo ry avorohotany gny menarana! Ia ro nampitandrina gnanareo mba hilay gny fahatezerany zay ho avy? ⁸ Noho izay, momokara voa mendriky gny fibebaha, sady ka manomboky mivola ao agnatinareo hoe: 'Rahay mana gnan'i Abrahama ho babanay,' fa mivola gnanareo aho fa Ndranagnahary la afaky mananga anaky ho gnan'i Abrahama baka amin'ireto vato reto. ⁹ Henanizao ka gny famaky la mipetraky eo amin'ny fototsy gny hazo. Ka gny hazo iaby zay tsy mamoa voa soa la voatapaky sady hatoraky agny amin'ny bolo." ¹⁰ Sady reo vahoaky la nagnontany gnazy avao, nivola hoe: " Ino ary ro ataonay?" ¹¹ Namaly ie ka nivola tamin-drozy hoe: " Laha misy olo mana akanjo lava roe, tokony mizara zay amin'ny olo raiky zay tsy mana ie, sady ze mana hany koa la tokony hanao manahaky izay." ¹² Reo mpamory hetra koa la avy mba hatao batisa, sady nivola taminy hoe: " Mpampianatra o, ino ro tsy maintsy ataonay?" ¹³ Ie nivola gnan-drozy hoe: " Ka mamory jala mihoatsy noho ze nivolagny aminareo." ¹⁴ Miaramila maromaro koa nagnontany gnazy, nivola hoe: " Manao akory gny mikasiky gnanay? Ino ro tsy maintsy ataonay?" Ie nivola tamin-drozy reo hoe: " Ka mangalaky jala amin'olo an-keriny, sady ka mampamory vandy olo. Mifalia amin'ny karamanareo." ¹⁵ Sady laha niamby fatratry gny fahavian'i Kristy gny vahoaky, la nagnontany tao am-pony gny mahakasikan'i Jaona gny kiraidraiky, na mety ho ie na tsy ie ro Kristy. Jaona namaly tamin'ny fivolagna gnan-drozy iaby hoe: " Laha gny agnamiko, la manao batisa gnanareo amin'ny rano aho, fa misy olo raiky ho avy zay mahery mihoatsy gnahy, sady tsy mendriky zaho na la hamaha reo fehi-kapany aza. Hanao batisa gnanareo amin'ny Fagnahy Masy boho bolo Ie. ¹⁷ Eo an-tagnany gny fikororohany mba hanaliova soa gny ao am-pomoloany voho hamory gny vary ho agny amin'ny sompiny. Fa ho dorany amin'ny bolo tsy mety vonoe gny akofa." ¹⁸ Niaraky tamin'ny fagnanara maro hafa avao koa, Jaona nitory vaovao soa ho gnan'ny vahoaky. ¹⁹ Heroda mpanapaky lafa nanarina nohon'ny fanambalia gny valin-drahalahy Herodiasy, voho nohon'ny raha raty hafa iaby zay vitany, ²⁰ la ho fanampian'izay iaby izay la nizotso tagny am-gadra Jaona. ²¹ Sady, lafa vita batisa iaby gny olo iaby, la natao batisa koa Jesosy, sady laha mbo nivavaky ie, la nisokatsy gny lagnitsy, ²² sady gny Fagnhy Masy nangalaky endriky ka nizotso teo aminy manahaky gny voromailala, sady nisy feo baka agny an-dagnitsy nanao hoe: " Iha ro Anako, malalako. Faly Zaho nohon'ny aminao." ²³ Lafa nanomboky gny asa fanompoany Jesosy, la teo amin'ny telo-polo tao teo Ie. Ie ro anaky lahin'i (araky gny fihevera) Josefa, anak'i Hely, ²⁴ anak'i Matata, anak'i Levy, anak'i Melky, anak'i Janay, anak'i Josefa. ²⁵ Josefa la anak'i Matitia, anak'i Amosa, anak'i Nahoma, anak'i Elsy, anak'i Nagay, anak'i Mata, ²⁶ anak'i Matatia, anak'i Semey, anak'i Joseka, anak'i Joda. ²⁷ Joda la anak'i Joanana, anak'i Rase, anak'i Zerobabela, anak'i Sealtiela, anak'i Nery, ²⁸ anak'i Melky, anak'i Ady, anak'i Kosama, anak'i Elmadama, anak'i Era, ²⁹ anak'i Josoa, anak'i Eliezara, anak'i Joreima, anak'i Matata, anak'i Levy. ³⁰ Levy la anak'i Simeona, anak'i Joda, anak'i Josefa, anak'i Jonama, anak'i Eliakima, ³¹ anak'i Melea, anak'i Mena, anak'i Matata, anak'i Natana, anak'i Davida, ³² anak'i Jese, anak'i Obeda, anak'i Boaza, anak'i Salmona, anak'i Nahasona. ³³ Nahasona la anak'i Aminadaba, anak'i Adimina, anak'i Arny, anak'i Hezrona, anak'i Fazera, anak'i Joda, ³⁴ Anak'i Jakoba, anak'i Isaka, anak'i Abrahama, anak'i Tera, anak'i Nahora, ³⁵ Anak'i Seroga, anak'i Reo, anak'i Palega, anak'i Ebera, anak'i Sela. ³⁶ Sela la anak'i Kenana, anak'i Arpaksada, anak'i Sema, anak'i Noa, anak'i Lameka, anak'i ³⁷ Metosela, anak'i Enoka, anak'i Jareda, anak'i Mahalalila, anak'i Kenana, ³⁸ anak'i Enosa, anak'i Seta, anak'i Adama, anak'Andranagnahary.