¹ Sady reo mpanjaka manontolo ze niaina tagny an-dafin'ny Joradana tagny amin'ny tany havoa, voho tagny amin'ireo lemaky amoron-dranomasin'ny Ranomasina bevata tandrifin'i libanona_ reo Hitita, Amorita, Kananita, Perizita, Hivita, sady reo Jebosita__ ² reo la niray hina eo ambany fifeheza raiky, mba hananga aly amin'i Josoa voho Israely. ³ Lafa ren'ireo olon'i Gibeona ze nataon'i Josoa tamin'i Jeriko voho tamin'i Ay, ⁴ La nanao tetiky an-kafetsea rozy. nandeha ho iraky rozy. Nanday kitapo tonta roay sady nasampiny tamin'ny borikin-drozy io. Nanday siny hoditsy ze tonta, rovitsy, voho fa namboary avao koa rozy. ⁵ Kapa tonta voho nitampy ro teny an-tombon-drozy, sady nisiky tranainy, fisikigna tonta. Reo mofo iaby tao amin'ny fipetraram-batsin-drozy la kina voho bobongolo. ⁶ La nandeha tagny amin'i Josoa tagny an-tagny Gilgala rozy ka niteny taminy voho tamin'ireo joharin'Israely hoe:' fa nandeha bakagny amin'ny firenena tena lavitsy rahay, ka amizao manaova fifagnenke aminay. ⁷ " Hoy reo joharin'Israely tamin'ireo Hivita hoe;' Vasa nareo mipetraky agnilanay avao. hataonay akory gny hanao fifagnenkea aminareo?' ⁸ Hoy rozy tamin'i Josoa :' Mpanomponao rahay." Josoa namaly an-drozy hoe:' Fa ia nareo? Bakaia ro niavianareo? ⁹ Hoy rozy taminy:' Avy tagny amin'ny tany tena lavitsy reto mpanomponao, noho gny agnaran'i Yaveh Ndranagnaharinareo. Renay gny tatitsy momba Gnazy voho omba ze iaby nataony tagny Egypta_ ¹⁰ sady ze iaby nataony tamin'ireo mpanjakan'ny amorita roe tagny andafin'ny Jordana__ tamin'i sihona mpanjakan'i Hesbona, voho tamin'i Oga mpanjakan'i Basana ze tagny Astarata. ¹¹ Hoy reo loholonay voho reo olonay manontolo tagny amin'ny firenena taminay hoe:' Magnandesa vatsy egny an-tagnanareo ho amin'ny lia. mandehana miahaona amin-drozy sady lazao rozy hoe:' Mpanomponareo rahay. manaova fifanenke aminay." ¹² Toy gny mofonay, mbo nafana toy tamin'ny rahay nangalaky gnazy toy tany an-tragnonay tamin'ny andro nialanay hagnatoy aminareo. Kanefa zao, ingo, maiky voho bobongolotoy. ¹³ Reto kitapo hiditsy reto la vaovao tamin'ny namenoany gnan-drozy ,la ingo, mitete rozy amizao. Reo fitafia voho reo kapanay l simba noho gny la tena lavitsy." ¹⁴ La nangalaky sasany tamin'ny vatsiny reo Israely, nefa tsy nangalaky hevitsy tamin'i yaveh ho fitariha. ¹⁵ Josoa nihava tamin-drozy voho nanao fifanenke tamin-drozy , mba hamela an-drozy ho velo. reo mpitariky gny fokonolo avao koa la nanao voady tamin-drozy. ¹⁶ Telo andro tafaran'ny nanaovan'ireo Israelita io fifanenke io tamin-drzy, la hain-drozy fa hay mpifanolobodry rozy sady nipetraky nifankariny teo. ¹⁷ Bakeo la niainga gny fokonolon'Israely sady avy tagny amin'ny tanan-drozy tamin'ny andro fahatelo. Gny tanan-drozy la Gibeona, Kefira, Berota, sady Kiriata Jearima. ¹⁸ Tsy nanafiky an-drozy gny fokonolon'Israely fotony reo mpitariky an-drozy la fa nanao fiainiana momba gnazy teo agnatrehan'i yaveh, Ndranagnaharin'Israely. Nimonomonoan'ireo Israely manontolo reo mpitariky an-drozy. ¹⁹ Ka hoy reo mpitariky manontolo tamin'ny fokonolo manontolo gnan-drozy tamin'i Yaveh, Ndranagnaharin'Israely rahay, sady tsy afaky hanao raty an-drozy tsika amizao. ²⁰ Zao ro hataontsika amin-drozy: Mba hiala amin'ny fahatezera zay mety hitranga amintsika noho gny fiaigna nianiantsika tamin-drozy, la engan-tsika ho velo rozy." ²¹ Hoy reo mpitariky tamin'ny fokonolon-drozy;' engao rozy ho velo." Nohon'io , reo Gibeonita la lasa mpikapahazo voho mpantsaka rono ho gnan'ireo Isrelita manontolo, araky ze nolazain'ireo mpitariky momba an-drozy. ²² Nikaiky an-drozy Josoa ka nivola hoe:' Nagnino nareo ro namitaky gnanay laha nivola hoe:' Tena lavitsy gnanareo rahay; nefa nareo mipetraky eto aminay? ²³ Amizao, noho n'io ,la voaozo nareo sady gny sasany aminareo la ho andevo avao, reo zay manapaky hazo voho mantsaka rano ho gnan'ny tragnon-Dranagnahariko." ²⁴ namaly gnan'i josoa reo ka nanao hoe:' Fotony nolaza tamin'ireto mpanomponao fa Yaveh Ndranagnaharinao nandidy gnan'i Mosesy mpanompony mba hagnome gnanao gny tany iaby, sady handringa reo olon'ny tany iaby eo agnatregahanao__ nohon'io la natahotsy mare gny amin'n ainay rahay noho iha. Io ro nahatonga gnanay nanao zao raha zao. ²⁵ amizao , ingo, tagnanao amin'ny fahefanao rahay. naino ino toa soa voh marina aminao hatao aminay, la ataovo io." ²⁶ La zao ro nataon'i Josoa ho gnan-drozy:' nalany tsy ho eo ambany fifehezan'ny fokonolon'Israely rozy, sady tsy novonoan'ireo israelita. ²⁷ Nataon'i Josoa mpanapaky hazo voho mpantsaka rano ho gnan'ny fiarahamonina, voho ho gnan'ny alitaran'i Yaveh reo Gibeonita tamin'io andro io, mandrak'androany, eo amin'ny toera zay nifilin'i yaveh.