¹ Laha mba afaky mamokatsy rano mantsy gny lokako, sady gny masoko ho loharanon-dranomaso! Fa magniry gny hitomany gna'andro aman'aly zaho ho an'ireo anak'ampelan'ny oloko zay nivinono. ² Laha mba misy olo afaky magnome gny toera ho an'ireo mpivahiny ho gnahy hipetraha agny agn'efitsy mantsy, zay ahafahako mandaogny oloko. Laha mba afaky mandao gnan-drozy mantsy zaho, fotony rozy iaby la mpinjanganjanga voho andiana mpamadiky! ³ Yaveh la nagnambara hoe: " Magnenja gny tsipikam-bandiny amin'ny lelany rozy, nefa tsy nohon'ny fahatokian-drozy ro mampatanjaky gnazy amin'ny tany. Nialy tamin'ny asa raty raiky rozy la militsy amin'ny raiky hafa. Tsy mahay Gnahy rozy." ⁴ Nareo kiraindrayaby, mitandrema amin'ny namanareo sady ka matoky reo rahalahy. Fa gny rahalahy iaby la mpamitaky vatany, sady gny nama iaby la mandeha amin'ny fagnendrekendreha. ⁵ Gny p;pkiraidraiky la maniratsiragny namany sady tsy mivola gny to. Gny lelan-drozy la mampagnanatsy raha fitaky. Reraky amin'ny fanaovan-draty rozy. ⁶ Gny fonenanareo la eo agnivon'ny fitaky; tao agnatin'ny famitahan-drozyla manda gny hanaiky Gnahy rozy__izay ro fagnambaran'i Yaveh." ⁷ Yaveh Tompon'ny maro mivola hoe: " Ingo, zaho fa hagnenty voho hitsapa gnan-drozy, fa ino avao koa ro afaky, nohon'ny amin'izay nataon'ny oloko? ⁸ Gny lelan-drozy la ana-tsipikymaragnitsy; miresaky raha tsy mahatoky rozy. Amin'ny tsihoviny ro mahatoky rozy. Amin'ny tsiroviny ro hagnambarany fiada amin'ireo namany, fa amin'ny fony ro hanaovany otrika ho gnan-drozy hanasazy an-drozy va Zaho noho gny amin'ireo raha reo__fagnambaran'i Yaveh izay__sady tsy tokony hamaly faty amin'izay firenena manahaky zao va gny vatako? ¹⁰ Hihira hira fisaora voho fiandradradra ho an'ireo tendrombohitsy Zaho, sady gny hiram-pandevegna la hiray eo amin'ireo tanin'ahitsy. Fa noroan-drozy ka tsy misy afaky mandalo amin'izay. Tsy hahare feon'ny biby fihare sasy rozy. Reo voron'ny lagnitsy voho reo biby la handositsy iaby. ¹¹ Koa la hataoko ho antonta -paharava Jerosalema, voho fieren'ireo ambodia. Reo tanan'i Joda la hataoko toera rava tsy misy olo." ¹² Ia ro olon-kendry mahatakatsy an'izay? Ho an'ia ron niresahan'ny tsihovin'i Yaveh, ka hagnambara izay ie? Fa ino ro nahasimba gny tany voho nandrava gnazy manahaky gny efitsy zay tsy ahafahan'ia n'ia mandalo? ¹³ Hoy Yaveh hoe: " Fotony rozy nahafoy gny lalako zay napetrako teo agnatrehany, fotony tsy ninjanjy gny feoko na nandeha tamin'izay rozy. ¹⁴ Fotony rozy la nandeha tamin'ny ditran'ny fony voho nagnaraky reo Bala manahaky zay nampianarin'ireo razambeny gnan-drozy hatao. ¹⁵ Noho izay Yaveh Tompon'ny maro, gny Ndranagnaharin'ny Israely,mivola hoe: ' Ingo, hampihinaniko hazo mangily voho hampisotroiko rano misy poizy toy vahoaky toy. ¹⁶ Sady haeliko manera reo firenena zay tsy mbo hain-drozy, na rozy reo na gny razamben-drozy. Handefa sabatsy hamely gnan-drozy Zaho mandra-paharava gnan-drozy reo tanteraky."' ¹⁷ Yaveh Tompon'ny maro nivola hoe: " Hevero zao: Mikaiha mpihiram-pandevegna; ao rozy ho avy. Mampiantsoa ampela manam-pahaiza amin'ny fitomania; ap rozy ho avy. ¹⁸ Ao rozy ho avy malaky ka hihira hira fisaora etoamintsika, ka ho feno ranomasy anie gny masontsika sady ho tobakin-ny rano gny holi-masontsika. ¹⁹ Fa gny feon'ny fidradradra la nja agny Ziona, 'Endrey gny faharavantsika. Megnatsy tanteraky tsika, fotony nandao gny tany tsika hatramin'ny nandravany gny tragnontsika.' ²⁰ Ka nareo ampela, njanjigno gny safan'i Yaveh; tandremo reo hafany zay bakamin'ny tsihoviny. Ka ampianaro hira fisaora gny anakareo ampela, sady hira fandevena gny ampela namanareo kiraidraiky aby. ²¹ Fa gny fahafatesa la avy bakeo amin'ny varavarankelintsika; nilitsy ao amin'ireo lapantsika izay. Mandringa reo aja aby agny ambohony izay, voho reo tovolahy egny an-kianjan'ny tana. ²² Ambarao zao," Izay ro fagnambaran'i Yaveh__gny fatin'ireo johary la hiraraky manahaky gny zeziky egny am-baibo, sady ho manahaky gny amboaram-bary ao afaran'ireo mpinjinja, sady tsy hisy olo hamory an'izay."' ²³ Zao ro safan'i Yaveh: " Ao gny hendry tsy hirehareha amin'ny fahendreny, na gny johary mpialy amin'ny heriny. Ao gny mpanakanagna tsy hirehareha amin'ny hanagnany. ²⁴ Fa laha misy olo mirehareha amin-jaha, la engao amin'izao izay, fa mahay Gnahy voho gny ao agnatiko rozy. Fa Zaho ro Yaveh, zay miasa amin'ny fagneke tsy mivaliky, gny rariny eo an-tany. Fa amin'izay ro ahazoako fafinareta__izay ro fagnambaran'i Yaveh." ²⁵ " Ingo,avy reo andro__izay fagnambaran'i ro Yaveh__lafa hagnasazy reo iaby voafora amin'ny nofony avao Zaho. ²⁶ Hanafay gnan'i Egypta voho Joda, Edoma, gny vahoakan'ny Amona, Moaba, sady gny olo iaby zay manapaky gny volon-dohany ho tena borobory Zaho. Fa reo firenena iaby reo la tsy voafora, sady gny ankohonan'Israely iaby la mana fo tsy voafora."