¹ Ho gnan'i Moaba,Yaveh Tompon'ny gny maro,Andrianagnaharin'Israely la mivola gnan'izao :"Loza ho gnan'i Nebo,fa rava zay.Nisambory i Kiriataima ka nalam-baraka.Potiky voho afa-baraka gny fiaravany mare. ² Tsy misy sasy gny voninahitsin'i Moaba.Nietiky hanao loza ho gna-drozy gny fahavalon-drozy tao Hesbona.Hoy rozy :"Avia aoky tsika hamotiky gnazy manahaky gny firenena.Ho maty avao koa i Madmena,hangejiky ganareo baka afara ao gny meso." ³ Janjigno! Avy bakagny Horonaima gny feon'ny hitoreo,ze misy harava voho harobaha bevata agny. ⁴ Rava i Moaba.Hampandre gny fitaraignany gn'anany. ⁵ Hiakatsy gny tany abon'i Lohita am-pitomagnia rozy,fa amin'ny lalam-pizotsoan'i Horonaima,la ho nja gny kaikaiky noho gny harobaha. ⁶ Mandosira ka lombao gn'ainareo ka manjaria manahaky gny kirihitsin'anjavidy agny an-tany liomonto. ⁷ Fa noho ny gny fahatokianao gny fombanao voho hanagnanao,ro hanabora gnanao.Ka i Kemosy la handeha ho amin'ny hababoa,misondry amin'ireo mpisorony voho reo mpitariny. ⁸ Fa ho avy amin'ny tany iaby gny mpandrava;tsy misy tana ho afaky handositsy.Ka ho velo gny vavasaha voho ho rava gny gebo,araky gny nivolagnin'i Yaveh. ⁹ Ameo elatsy i Moaba,fa tsy maintsy hitily vatany ie.Ho rava gny tanany,ze tsy misy ndra ia ndra ia gn'ao. ¹⁰ Engao ho voaozo ze kamo amin'ny fagnanova gn'asan'i Yaveh!Engao ho voaozo ze tana mitanjaky gny mesony amin'ny fandatsahan-dio! ¹¹ Nahatiaro ho voaaro i Moaba namototsy naha-pamaraky gnazy.Manahaky gny divainy ze tsy mbo nailiny isaky gny valagny ie.Tsy mbo nandeha tamin'ny hababoa ie.Noho zay la soa gny tsirony zisiky farany.minjano tsy miovaova gny tsirony. ¹² Ka ingo,ho avy gn'andro,zay ro fagnambaran'i Yaveh,lafa handefa agnaminy reo ze hanosiky gnazy voho handrava gny valagniny iaby voho hamaky gny sihoany Zaho. ¹³ La ho megnatsy gnan'i Kemosy i Moaba manahaky gny nagnamenaran'ny havorohotan'Israely gnan'i Betela,gny aton'ny fahatokian-drozy. ¹⁴ Nagnino ro hivolagnareo hoe:"Rahay la miaramila,johary mpialy fatratsy? ¹⁵ Ho rava i Moaba voho ho tafihy gny tanany.Fa gny pamarakiny tovolahy mare la fa nampinjotsoa agny amin'ny toera famonoa.Zay gny fagnambaran'ny Mpanjaka!Yaveh Tompon'ny gny maro ro agnarany. ¹⁶ Hitranga tsy ho ela gny haravan'i Moaba;ho avy tsy ho ela gny loza. ¹⁷ Nareo iaby magnodidy gnan'i Moaba,mitagnia;voho nareo iaby ze mahay gny lazany,koikoiho hoe:"Loza,fa simba,gny fitoha mahery,voho gny tahon-kazo manam-boninahitsy. ¹⁸ Mijotsoa amin'ny fifitaranao be voninahitsy egny ka mifitara agny amin'ny tany maiky,iha anakampela mifitaky ao Dibona.Fa gny handrava gnan'i Moaba ro fa manafiky gnanao,gny handrava gny fiarova mahery. ¹⁹ Mitsangana amin'ny lala ka jilovo,nareo vahoaky mifitaky ao Aroera.Agnontanio ze fa nandositsy voho nilay.Volagno hoe:"Nisy igno? ²⁰ Lasa megnatsy i Moaba,fa nitorotoroe ie.Midradradradra ka mitagnia,mitoretoreva fandomba.Ambarao amin'ny vahoaky eo amin'ny renirano Arnona zay fa rava i Moaba. ²¹ Henanizao la niavy tao amin'ny tany abon'ny fagnasazia,ho gnan'i Holona,Jahaza,voho Mefata, ²² ho gnan'i Dibona,Nebo,voho Beti-diblataima, ²³ ho gnan'i Kiriataima,Beti-gamola,voho Beti-meona, ²⁴ ho gnan'i Keriota voho Brozra,voho ho gnan'ny gny tana iaby amin'ny tanin'i Moaba,gny tana lavitsy mare voho gny marikitsy mare. ²⁵ Nitapahy gny tsifan'i Moaba;nitapahy gny sirany,zay ro fagnambaran'i Yaveh. ²⁶ Atavo mamo ie,fotony niasa amin'ny fibohaboha hanohitsy gnan'i Yaveh ie.Engaho hihosokosoky amin'ny gny loany i Moaba,voho engao hatao fiharatia ie. ²⁷ Fa tsy Israely va ro nanjary fiheheza ho gnanao?Tsy hita tamin'ireo mpangalatsy va ie,ka nanozongozo nanao gny lohanao tagnaminy manahaky gny nivolagnanao gny mikasiky gnazy matetiky? ²⁸ Engao gny tana ka mivoria egny amin'ny kintsy,ry mponin'i Moaba.Manjaria manahaky gny domohina ze manao gny tragnony agny amin'ny vavan'ny lavaky agny amin'ny lamilamy. ²⁹ Jantsika gny habohabohan'i Moaba,ny fiavognavognany,gny fiengitsenginy,gny avognavony,gny fireharehany voho gny fibohabohan'ny gny fony. ³⁰ Zao ro fagnambaran'i Yaveh Zaho avao ro mahay gny safany manohitsy,ze tsy misy dikany,manahaky gn'asany. ³¹ Ka hidradradradra fitomagnia ho gnan'i Moaba zaho,voho hikaikaiky amin'ny gn'alahelo ho gnan'i Moaba iaby zaho.Hitagny ho gnan'ny vahoakin'i Kira-haresa zaho. ³² Hitagny ho gnanao mandilatsy ze nataoko ho gnan'i Jazera Zaho,ry voalobokonin'i Sibma!Manavatsava gny riaky masira gny rantsanao voho mahatsatsy zisiky agny Jazera.Nanafiky gny voan'ny faharavanao voho gny divainao gny mpandrava. ³³ Ka la nala lavitsy gny hazo fihinam-boa voho gny tanin'i Moaba gny fankalaza voho gny fisinisinia.Nampiegny gny fihazan-drozy divay Zaho.Tsy hagnitsaky gny koikoiky fisinisinia rozy.Gny koikoiky iaby la tsy ho koikoiky fisinisinia. ³⁴ Bakany Hesbona ka zisiky agny Elale gny koikoiky,ja agny Jahaza gny feon-drozy,namototsy agny Zoara ka zisiky agny Horonaima voho Elgata-selilia,fa ndra zisiky agny amin'ny ranomasin'i Nimrima aza la maiky. ³⁵ Fa hagnandomo reo ze manao soro eo amin'ny toera abo voho ze magnoro ditin-kazo magnitsy ho gnan'ireo andrianagnahariny ao Moaba Zaho,zay gny fagnambaran'i Yaveh. ³⁶ Ka mitagny gnan'i Moaba manahaky gny sodina gny foko.Mitagny manahaky gny sodina ho gnan'ny gn'olo ao Kira-haresa gny foko.Lasa gny hanagna ze azon-drozy. ³⁷ Fa sola gny loha iaby voho niharatsy gny volom-bava iaby.Amin'ny tagna iaby gny fery, voho magnodidy gny valahan-drozy gny lamba fiojea. ³⁸ Misy fioje ndra aia ndra aia,la egny amin'ny tapela-tafotragno voho egny amin'ireo toera malalakin'i Moaba.Fa nipotehiko manahaky gny valagny ze tsy misy mpitea i moaba,zay ro fagnambaran'i Yaveh. ³⁹ Ndrey gny nanorotoroa gnazy!Ndrey mivatsavatsa amin'ny tagniny rozy!Mampiodiky gny lambosiny ho amin'ny gny hegnatsy i Moaba!Ka hanjary fiheheza voho fampitahora ho gnan'ireo iaby ze magnodidy gnazy i Moaba." ⁴⁰ Fa hoy Yaveh hoe:"Ingo,ho avy hitily manahaky gny voromahery gny fahavalo,mamelatsy gn'elany agnambon'i Moaba. ⁴¹ Voasambotsy i Keriota,voho babo gny fiarovany mare.Fa amin'izay fotoa zay la ho avy manahaky gny fon'ny gn'ampela mihetsi-jaza gny fon'ireo miaramilan'i Moaba. ⁴² Ka ho rava i Moaba voho tsy hisy vahoaky sasy,fotony nanao gny vatany ho bevata mandilatsy gnan'i Yaveh ie. ⁴³ Horohoro voho lavaky,voho fandriky ro avy agnaminareo eo,ry mponin'i Moaba,zay ro fagnambaran'i Yaveh. ⁴⁴ Ze mandositsy nohon'ny gny fampitahora la hilatsaky agnaty lavaky,voho reo ze manganiky gny lavaky la ho tratsin'ny gny fandriky,fa handay gnan'izay ami-drozy eo Zaho amin'ny taon'ny valifatiko amin-drozy,zay ro fagnambaran'i Yaveh ⁴⁵ Ze mandositsy la hitsanga tsy manan-kozatsy amin'ny alokin'i Hesbona,fa hiboaky bakao Hesbona gny bolo,gny lelabolo baka agnivon'i Sihona eo.Handevo gny handrin'i Moaba voho gny tampon-dohany gn'olo mpirengirengy zay. ⁴⁶ Loza ho gnanao,ry Moaba!Rava gn'olon'i Kemosy.Fa halako-babo gn'anakilahinao voho reo anakampelanao ho amin'ny fahababoa. ⁴⁷ Fa hampoliko gny hanagnan'i Moaba amin'ny gn'andro farany,zay ro fagnambaran'i Yaveh."Domo eo gny fitsara gnan'i Moaba.