¹ Ka nidomo gny fagnambaran'i Jeremia gny safa iaby gnan'i Yaveh Andrianagnaharin-drozy ze nivolagniny tagnaminy mba ho volagniny amin'ny gny vahoaky iaby. ² Azaria anakilahin'i Hosaia,Johanana anakilahin'i Karea,voho gn'olo miavognavo iaby la nivola tamin'i Jeremia hoe:"Mivola vandy iha.Yaveh Andrianagnaharinay la tsy nagniraky gnanao hivola hoe:"Ka mandeha mifitaky agny Egypta." ³ Fa i Baroka anakilahin'i Neria la tsy nikaiky gnanao hanohitsy gnanay mba hagnafaky gnanay an-tagnan'ireo Keldeana,fotony iha ro mahavy gny fahafatesanay voho manao gnany ho babo agny Babylona." ⁴ Ka nandietsy gny hinjanjy gny feon'i Yaveh mba hifitaky agny amin'ny tanin'i Joda i Johanana anakilahin'i Karea,reo andrian'ny gny tafiky iaby,voho reo vahoaky iaby. ⁵ Johanana anakilahin'i Karea voho reo lehiben'ny gny tafiky iaby la nanday ze tavela iaby tamin'i Joda ze nimpoly bakagny amin'ny firenena iaby tagny amin'izay nagnelezagny gnan-drozy mba hifitarany agny amin'ny tanin'i Joda. ⁶ Nalan-drozy gny johary voho gny sevaky,gn'aja voho gn'anakampelan'ny mpanjaka,voho gn'olo iaby ze nengan'i Nebozaradana,mpifehy reo mpiambin'ny mpanjaka tamin'i Gedalia anakilahin'i Ahikama anakilahin'i Safana.Nalan-drozy avao koa i Jeremia mpaminany voho i Baroka anakilahin'i Neria. ⁷ Nagnagny amin'ny tany Egypta rozy,agny Tapanesa,fotony rozy la tsy ninjanjy gny feon'i Yaveh. ⁸ ka niavy tamin'i Jeremia gny safan'i Yaveh tagny Tapanesa,nanao hoe:" ⁹ Mandrambesa vato bevata maromaro amin'ny gny tagnanao,ka,aetaho amason'ireo vahoakin'i Joda amin'ny gny fetan'ny rarivato amin'ny filira magnagny amin'ny tragnon'i Farao agny Tapanesa reo." ¹⁰ Ka volagno rozy hoe:"Yaveh Tompon'ny gny maro,Andrianangnaharin'Israely,mivola gnan'izao:"Ingo,handefa iraky hangalaky gnan'i Nebokadnezara mpanjakan'i Babylona manahaky gny mpanompoko Zaho.Hapetrako amin'ireo vato reo eo gny seza fiandrianany ze nalevinao,ry Jeremia.Hametraky gny lainy amin-drozy eo i Nebokadnezara. ¹¹ Fa ho avy ie ka hanafiky gny tanin'i Egypta.Ze voantendry ho maty la hatolotsy ho vonoe.Ze voatendry ho babo la hotratsy babo.Ze voatendry ho amin'ny meso la hamea gny meso. ¹² La handrehitsy bolo amin'ny tragnon'ireo andrianagnaharin'i Egypta Zaho.Nebokadnezara la hagnoro gnan-drozy na hanambotsy gnan-drozy.Hagnadio gny tanin'i Egypta manahaky gny tsimiasy magnadio gny bibikely amin'ny gny salony ie.La hiboaky amin'izay toera zay amin'ny fandresea ie. ¹³ Hamotiky gny tsangam-bato agny Neopolisa agny amin'ny tanin'i Egypta ie.Hagnoro gny tragnon'ireo andrianagnaharin'i Egypta ie."