¹ Tamin'ny tao fahasivy voho gny vola fahafolo nanjakan'i Zedekia mpanjakan'i Joda,la niavy nisondry tamin'ny gny tafiny iaby i Nebokadnezara mpanjakan'i Babylona hanohitsy gnan'i Jerosalema ka hanao arosaro gnazy. ² Tamin'ny tao faharaiky ambin'ny folo voho gny vola fahaefatsy nanjakan'i Zedekia,tamin'ny gn'andro fahasivy gny vola,la voatafiky gny tana. ³ La niavy ka nifitaky tagnivon'ny vavahadin'ny manam-pahefan'ny gny mpanjakan'i Babylona iaby;Nergala-Sarezera,Samgarnebo,voho Sarsekima,manam-pahefa lehibe raiky.1 Nergala-Sarezera la manam-pahefa ambony ka gny ambiny iaby la manam-pahefan'ny mpanjakan'i Babylona. ⁴ Ka lafa nahita gnan-drozy Zedekia,mpanjakan'i Joda,voho reo johary mpiambiny iaby,la nandositsy.Niboaky gny tana bakamin'ny lala kelikelin'ny zariday rozy haliky igny,tamin'ny vavahady teo tagnelagnelan'ny gny vala roe.Niboaky nagnagny Araba gny mpanjaka. ⁵ Fe nagnia gnan-drozy gny tafikin'i Kaldeana voho nahatsatsy gnan'i Zedekia tamin'ny gebon'ny vavasahan'ny reniranon'i Jordana tagnilan'i Jeriko.La nisamborin-drozy ie ka nandesiny niakatsy tagny amin'i Nebokadnezara mpanjakan'i Babylona,tao Ribla tagny amin'ny tanin'i Hamata,ze nagnomezan'i Nebokadnezara sazy gnazy. ⁶ Nivonoan'ny mpanjakan'i Babylona tagny Ribla ta-masony teo gnanakilahin'i Zedekia.Nivonoany avao koa reo olo ambonin'i Joda iaby. ⁷ La naboany gny mason'i Zedekia voho nifatorany seny saba mba hagnandesany gnazy agny Babylona. ⁸ La noroan'ireo Kaldeana gny tragnon'ny mpanjaka voho gny tragnon'ny vahoaky.Natontan-drozy avao koa gny valan'i Jerosalema. ⁹ Nebokadnezara,mpifehy gnan'ireo mpiamby manokan'ny mpanjaka,nanao sesitany gny vahoaky sisa tavela tan-tana ao.Tagnatin'izay reo olo ze vaky nandositsy nagnagny Kaldeana voho gny vahoaky sisa ze tavela tan-tana tao. ¹⁰ Fa nengan'i Nebokadnezara mpifehin'ireo mpiamby manokan'ny mpanjaka hinjano amin'ny tanin'i Joda koa reo olo mijaly mare tsy nana ndra ino ndra ino ho gnan-drozy.Nameany tanim-boaloboky voho baibo tamin'io andro io avao rozy. ¹¹ Nagnome baiko mikasiky gnan'i Jeremia tamin'i Nebokadnezara mpifehin'ireo mpiamby manokan'ny mpanjaka i Nebokadnezara mpanjakan'i Babylona.Hoy ie hoe: ¹² "Andeso ie ka karakarao.Ka magnisy raty gnazy.Atavo agnaminy ze raha iaby volagniny aminao." ¹³ Ka la nandefa olo i Nebokadnezara mpifehin'ireo mpiamby manokan'ny mpanjaka,Nebosazbana ionoka ambony,Negarala-Serezela manam-pahefa ambony,voho reo manam-pahefan'ny mpanjakn'ny Banylona ambony mare. ¹⁴ Nandesin'ireo johariny niala bakeo amin'ny tokotanin'ny mpiamby i Jeremia ka naankin-drozy tamin'i Gedalia anakin'i Ahikama anakin'i Safana,mba handay gnazy holy,ka la nifitaky tamin'ny vahoaky teo Jeremia. ¹⁵ Ka niavy tamin'i Jeremia gny safan'i Yaveh tampisambora gnazy teo an-tokotanin'ny gny mpiamby,nanao hoe: ¹⁶ "Miresaha amin'i Ebeda-Meleka Kosita ka atavo hoe:"Zao ro volan'i Yaveh tompon'ny gny maro,Andrianagnaharin'Israely:Ingo,fa hagnantanteraky gny safako hanohitsy toy tana toy ho amin'ny gny loza fa tsy ho amin'ny gny soa Zaho.Fa ho tanteraky agnatrehanareo iaby reo amin'izay andro zay. ¹⁷ Fa handomba gnanao Zaho amin'izay andro zay,zay ro fagnambaran'i Yaveh,ka tsy hatolotsy an-tagnan'ny gn'olo ze avakanao iha. ¹⁸ Fa hagnavotsy gnanao tokoa Zaho.Tsy ho matin'ny gny meso iha.Hagnavotsy gn'ainao iha,fotony matoky Gnahy.zay ro fagnambaran'i Yaveh."