¹ Gny teny zay avy tamin'i Jeremia bakamin'i Yaveh lafa nandefa gnan'i Pasora anaky lahin'i Malkia voho i Zefania anaky lahin'i Mahasela mpisoro tany aminy i Zedekia mpanjaka. La hoy rozy taminy: ² " Mangataha hevitsy amin'i Yaveh ho gnanay, fa mananga aly aminay i Nebokadnezara mpanjakan'i Babylona. Hanao reo fahagaga ho gnanay angamba Yaveh, manahaky gny tamin'ny andro taloha, ka hampiala gnazy eo aminay." ³ Ka hoy Jeremia tamin-drozy: " Zao ro tsy maintsy ambaranareo gnan'i Zedekia, ⁴ ' Yaveh, Ndranagnaharin'Israely, mivola zao: " Ingo, hampimpoly reo fitaovam-pialia zay eo an-tagnanareo zaho, niaraky amin'izay nialinareo hanohitsy gny mpanjakan'ny Babylona voho reo Kaldeana zay nanato gnanareo baka tany ivelan'ireo manda! Fa hamory gnazy reo ho eo ampovoany toy tana toy. ⁵ La Zaho vatako ro hialy agnaminao miaraky amin'ny tana mitsotra voho fahasosora, fahavinira, sady fahatezera bevata. ⁶ La hanafiky reo mponiny toy tana toy Zaho, na gny olo na gny biby. Ho faty amin'ny areti-mandringa mafy rozy. ⁷ Afaran'izay__zao ro fagnambaran'i Yaveh__Zedekia mpanjakan'i Joda, reo mpanompony, gny vahoaky, voho reo zay mijanona eto amy toy tana toy afaran'ny areti-mandringa, gny sabatsy, sady gny mosary,la mosary, la homeako ho eo an-tanan'i Nebokadnezara mpanjakan'i Babylona ie iaby, voho eo an-tanan'ireo fahavalony, sady eo an-tanan'ireo zay mifofo gny ain-drozy. La hamono gnan-drozy amin'ny lelan-tsabatsy ie. Tsy hiatra gnan-drozy ie, tsy hamindra fo gnan-drozy, na hana fangoraham-po.' ⁸ Sady ao ho ambaran'i Yaveh: " Ingo, ho aoetrako magnatriky anareo gny lalan'ny fiaigna voho gny lalan'ny fahafatesa. ⁹ Zay mijanona amy toy tana toy la ho matin'ny sabatsy, mosary sady gny areti-mandringa; fa zay miboaky ka mitonta eo amin'ny lohaliny eo agnatrehan'ireo Kaldeana zay nanao fahirano gnanao la ho velo. Handositsy hiaraky amin'ny ainy ie. ¹⁰ Fa nanandrina gny tavako hanohitsy toy tana toy zaho mba handay loza fa tsy handay soa__izay ro fagnambaran'i Yaveh. Fa natolotsy eo an-tanan'ny mpanjakan'i Babylona sady ho oroa izay.' ¹¹ Njanjigno gny volan'i Yaveh mahakasiky gny avorohotan'ny mpanjakan'ny Joda. ¹² Avorohotan'i Davida, hoy i Yaveh: " Tanteraho gny rariny amin'ny mpampahory gny voaroba, fandrao hiboaky manahaky gny bolo gny hatezerako ka hagnoro, sady tsy hisy na raiky aza ka afaky hamono izay, noho reo asa ratinao. ¹³ Ingo, gny olon'ny loasaha! Manohitsy gnanao Zaho, vaton'ny lemaky__zao ro fagnambaran'i Yaveh__Zaho la magnohitsy reo zay iaby manao hoe: " Ia ro hizotso hanafiky gnanay?" na hoe: " Ia ro hilitsy ao an-tragnonay?" ¹⁴ Nanondro gny vokatr'ireo asanao ho avy hanohitsy gnanao Zaho__Izay ro fagnambaran'i Yaveh__sady andrehitsy bolo agny amin'ireo kirihitr'ala, sady handevogna reo iaby zay magnodidy gnazy izay."