¹ Gny teny zay avy tamin'i Jeremia bakamin'i Yaveh, manao hoe: ² " Mitsangana sady miboaha tao an-tragnon'ny mpanefy tanimanga, fa agny ro hampandrenesiko gnanao gny Safako." ³ Ka magnagny an-tragnon'ny mpanefy tanimanga zaho, sady ingo! Gny mpanefy tanimanga la niasa teo amin'ny kodiarany. ⁴ Fa simba teny an-tanany gny vilany tanimanga zay nivolavolainy, ka niova hevitsy ie sady nanao raha hafa zay soa teo imasony. ⁵ La avy tagnamiko gny safan'i Yaveh, nanao hoe: ⁶ " Tsy afaky manao manahaky gny ataon'io mpanefy io aminareo va Zaho, ankohonan'Israely?__zao ro fanambaran'i Yaveh. Ingo! manangaky gny tanimanga eo an-tanan'ny mpanefy__la manahaky izay nareo eo an-tagnako, ankohonan'Israely. ⁷ Amin'ny fotoa raiky, la mety hanono raha ho an'ny firenena na fanjaka raiky Zaho, mba hamoahako, handroadanako, na hamotehako izay. ⁸ Fa laha miala amin'ny haratiany gny firenena zay nanaovako gny loza zay nomagniko ho entiko eo amin'izay Zaho. ⁹ Amin'ny fotoa hafa, la mety hagnambara raha mikasiky gny firenena na fanjaka raiky Zaho, fa hananga na hamboly izay Zaho. ¹⁰ Fa laha manao raty eo imasoko ie amin'ny tsy fihaogna gny feoko, la hajanoko gny soa zay nambarako fa ho ataoko amin-drozy. ¹¹ Sady henanizao, mivolagna amin'ny olon'i Joda voho amin'ny olon'i Jerosalema ka ambarao hoe: 'Zao ro ambaran'i Yaveh: Ingo, hamolavola loza ho anareo Zaho. Fa mamoro tetiky hanohera anareo Zaho. Mibebaha, amin'ny fomba ratiny gny olo kiraidraiky aby, la handay soa ho gnanareo reo fombanareo voho reo fanaonareo.' ¹² Fa hivola rozy hoe: ' Tsy misy ila gnazy izay. Hanao araky zay fikasanay manoka rahay. Gny kiraidraiky aby agnaminay la hanao zay fagnirian-dratin'ny fony.' ¹³ Noho izay la zao ro ambaran'i Yaveh:' Agnotanio reo firenena, ia ro fa nahare karazan-jaha manahak'izao? Fa nanao asa mahatsiravina Israely virijiny. ¹⁴ Moa va gny oram-panala agny Libanona fa nandao gny vohim-bato eo agnilany? Moa va gny rian-tendrombohitsy baka an-dagnitsy fa rava, reo riana mamanala? ¹⁵ Fa nagnodidy gnahy gny vahoakako. Nanao fagnatitsy ho gnan'ny sampy tsy misy dikany ie reo sady natao ho tafintohy teny amin'ireo lalany rozy; nagnenga reo lalany fahiny rozy ho amin'ireo lalana vitsivitsy kokoa. ¹⁶ Ho avy horoharo gny tanin-drozy, ho anton'ny siotsioky mandrakizay. Zay iaby mandalo eo aminy la hangovitsy voho hanifikifi-doha. Hanaparotaky gnan-drozy reo eo agnoloan'ny fahavalony manahaky gny tsioky atignana Zaho. ¹⁷ Hampiseho gny lambosiko gnan-drozy Zaho, fa tsy gny vatako, amin'ny andron'ny lozan-drozy."' ¹⁸ Ka hoy gny vahoaky tamin'i Jeremia: " Magnato, ao isiky hanao tetiky hanohera gnan'i Jeremia, fa tsy ho rava gny lalagna bakamin'ireo mpisoro, na gny toro-hevitsy bakamin'ireo olo hendry, na reo teny bakamin'ireo mpaminany. Magnato, ao tsika hanafiky gnazy amin'ireo safantsika sady tsy hitandry zay ambarany sasy." ¹⁹ Mijanjigna gnahy, Yaveh, sady njanjigno gny feon'ireo fahavaloko. ²⁰ Moa va gny loza bakamin-drozy vatany ro valisoako tamin'ny hatsaram-pagnahiko tamin-drozy? Fa nihaly lavaky ho gnahy rozy. Tiarovo gny nitsanganako teo agnatrehanao mba hiresaky gny fifanampian-drozy, mba hampialy gny fahatezeranao amin-drozy. ²¹ Noho izay la atavo avy amin'ireo anany gny mosary, sady atolory eo an-tagnan'ireo zay mampiasa sabatsy rozy. Ka engao gny ampelan-drozy hidonam-pijalia voho ho mpitondratena, sady gny johariny ho voavono, sady reo tovolahy ho fatin'ny sabatsy agny agn'ady. ²² Ao ho re bakao amin'ny tragnon-drozy gny hiakiam-pijalia, manahaky gny hitondranao mpanafiky hanohitsy gnan-drozy tampoky. Fa nihaly lavaky hisambora gnahy rozy nanafy fandriky ho gnan'ny tomboko. ²³ Fa Iha,Yaveh, Iha mahalala gny drafitsy iabin-drozy agnamiko mba hamonoany gnahy. Ka magnenga reo heloky voho fahotan-drozy. Ka mamafy gny fahotan-drozy hiala Agnaminao. Fa koa, ao rozy rava eo agnatrehanao. Mihetseha hanohitsy gnan-drozy amin'ny fotoan'ny fahatezeranao.